影片
更多
2022-09-27
487 瀏覽
老掌櫃東北菜館📍 元朗西菁街23號富達廣場地下19-24號舖屋企人一直想試下呢間成日排長龍嘅東北菜館，於是就揀咗喺我生日正日嘅時候食，溫馨提示大家，埋單先知佢只收現金，所以記得要帶足夠嘅cash去呀！ 💰$64東北肉皮凍 🍖其實我對呢啲滑潺潺嘅嘢食無咩興趣，佢似係將啲偏肥嘅肉整成肉凍，再加個醬汁同其他料頭整成一個冷盤。屋企人食完覺得唔錯，我就純粹唔太喜歡肉皮凍嘅口感，所以覺得一般。 💰$70蔥油海蜇 🐙呢盤海蜇份量多，口感爽口彈牙，味道偏淡，清清哋又冰冰涼涼，非常適合做前菜。 💰$48紅油抄手 🥟呢度嘅紅油抄手拍得住鼎泰豐咁好食，甚至比佢多一番辣椒油香味，雲吞好多餡，隻隻飽滿，無論係點控油食，定單食都一樣咁惹味。食晒抄手口，我哋仲留返個汁嚟點其他無咁濃味嘅餸菜，同樣滋味！ 💰$48白菜豬肉 (10隻) 🥟呢款蒸水餃睇落好清淡，但餡料好足味，平視我唔太鍾意食白菜豬肉餡嘅餃子，因為我嫌佢哋唔夠重口味。但呢度嘅白菜豬肉餃好出食，皮唔厚有咬口之餘，餡料豐富夠哂鮮味，仲要有肉汁流出嚟，超好食！ 💰$76螞蟻上樹 🐜睇相都見到呢碟小菜成個波咁高咁大，雖然係粉絲，但要煮得唔太乾身有咬口都唔容易。我
📍 元朗西菁街23號富達廣場地下19-24號舖
屋企人一直想試下呢間成日排長龍嘅東北菜館，於是就揀咗喺我生日正日嘅時候食，溫馨提示大家，埋單先知佢只收現金，所以記得要帶足夠嘅cash去呀！
[價錢 Price]
💰$64
東北肉皮凍 🍖
其實我對呢啲滑潺潺嘅嘢食無咩興趣，佢似係將啲偏肥嘅肉整成肉凍，再加個醬汁同其他料頭整成一個冷盤。屋企人食完覺得唔錯，我就純粹唔太喜歡肉皮凍嘅口感，所以覺得一般。
[價錢 Price]
💰$70
蔥油海蜇 🐙
呢盤海蜇份量多，口感爽口彈牙，味道偏淡，清清哋又冰冰涼涼，非常適合做前菜。
[價錢 Price]
💰$48
紅油抄手 🥟
呢度嘅紅油抄手拍得住鼎泰豐咁好食，甚至比佢多一番辣椒油香味，雲吞好多餡，隻隻飽滿，無論係點控油食，定單食都一樣咁惹味。食晒抄手口，我哋仲留返個汁嚟點其他無咁濃味嘅餸菜，同樣滋味！
[價錢 Price]
💰$48
白菜豬肉 (10隻) 🥟
呢款蒸水餃睇落好清淡，但餡料好足味，平視我唔太鍾意食白菜豬肉餡嘅餃子，因為我嫌佢哋唔夠重口味。但呢度嘅白菜豬肉餃好出食，皮唔厚有咬口之餘，餡料豐富夠哂鮮味，仲要有肉汁流出嚟，超好食！
[價錢 Price]
💰$76
螞蟻上樹 🐜
睇相都見到呢碟小菜成個波咁高咁大，雖然係粉絲，但要煮得唔太乾身有咬口都唔容易。我鍾意佢有啲酸酸辣辣，而唔係得死鹹味，炒粉絲嘅配料亦唔馬虎，有好似螞蟻嘅肉碎同蔥花點綴，係一度好考心機同廚師功夫嘅菜式。
[價錢 Price]
💰$148
砂鍋雲吞雞 (半隻) 🐓
食過上面兩款餃都知呢間餐廳嘅餃類做得好出色，半隻雞加雲吞同蔬菜，絕對夠五人以上分食。佢嘅菜以紹菜同小棠菜為主，全部都煮得好淋身，好索湯。雞嘅皮肉易分離，唔會話煮到好韌或好老，雞肉都幾嫩滑。湯飲落唔似落咗好多味精，有食材嘅鮮甜味，冬天食應該好暖胃。
[價錢 Price]
💰$74
乾煸四季豆 🥬
唔好睇佢細細碟，其實佢嘅四季豆多到我哋食唔哂，要打包走。佢嘅口味偏濃，一齊炒嘅肉碎微辣但香口，送白飯一流！四季豆唔會炒到過咗火，香口得嚟唔熱氣，內面嘅口感較軟身，幾好食！
[價錢 Price]
💰$86
糖醋魚片 🐟
呢個糖醋魚片好好食，雖然啲食落知啲魚唔係咩貴價魚，但平時食呢啲魚塊都總會有陣雪肉味或腥味，但呢度嘅魚就無呢個問題。魚肉係一疏疏嘅，外面層粉唔會太薄太厚，醬汁亦唔會太甜太酸，恰到好處。伴碟嘅三色椒同洋蔥炒得好香，同四季豆一樣，好適合配白飯食。
[價錢 Price]
💰$138
京燒羊肉 🐑
如果你同我一樣，係鍾意羊羶味，你一定鍾意食呢碟就燒羊肉。佢唔會炸到啲羊肉乾哂，食落每舊嘅油花好香，外皮亦好脆，加埋個滿滿孜然香味嘅調味，真係令人好易食完一舊又一舊，停唔到口！佢嘅價錢比起我喺另一個食羊肉專門店貴，但味道更勝一籌，大推！
[價錢 Price]
💰$318
北京填鴨 (一隻) 🦆
呢間餐廳最出名應該係片皮鴨，而佢的確無令我哋失望，連我媽咪都話係近年喺香港食過最好食嘅一隻片皮鴨。先講佢嘅餅皮，一疊咁樣上碟，仲要無用蒸籠上，正常應該痴到實一實，到搣開時就一定會裂。但呢度嘅皮雖然都有痴住，但每塊都勁薄同易分，因為皮唔厚，食多幾舊都唔覺油膩，容易一口接一口咁食。有一次睇過一個介紹正宗北京傳統美食嘅飲食節目，入面講食北京填鴨嘅時候，應用塊鴨皮點醬再連同配菜夾入餅皮食。比起卷哂所有食材先點醬，呢個食法就唔會因點得太多醬而喧賓奪主，又唔會因用外皮嚟點醬整到塊皮濕哂，最重要係可以食得好乾淨，唔會滴到周圍都係。
[價錢 Price]
💰$1105
7人家庭去食，正常價位，但食到個個攬住個肚走，啲餸仲要多到可以打包拎走，真係物超所值！鍾意食呢類東北菜嘅人，一定唔可以走寶！
張貼
