老掌櫃東北菜館 (富達廣場)

經過老掌櫃一直都好想試下呢間，出名大份量，碟碟都成座山咁高。店內坐位算闊落見每枱客都叫片皮鴨🦆因為大份又抵食，可惜人太少無叫到下次要去試‼️四川擔擔麵勁大份量，一位男士淨係食一碗都飽，湯底夠杰身但花生醬味多過辣味，味淡左少少可以重口味少少，麵條質地Q彈紅油抄手 一樣大粒足料又抵食👍🏻餡料跟餃子差不多，皮薄又滑肉質鮮嫩，醬汁先麻後辣有後勁辣得過癮🤩雞絲粉皮以青瓜和雞絲作配菜，底層的粉皮拌上香滑芝麻花生醬，特別開胃、解膩食物質素中上食完唔覺太口渴，價錢亦算合理性價比算高，抵食👍🏻…查看更多

前幾日同屋企人去咗元朗老掌櫃食lunch. 呢間地方大，環境舒適。元朗呢間係位於西菁街富達廣場出面，千色附近。好易搵。我哋叫咗午市套餐。佢有好多選擇，我哋叫咗秘製杭州骨、翠肉瓜炒牛肉、農家炒飯。呢幾樣都幾好味，每樣餸份量都好多。秘製杭州骨，肉質嫩滑，煮得剛剛好，糖醋汁好入味和惹味。餸飯非常好。翠肉瓜炒牛肉，翠肉瓜爽翠，牛肉嫩滑。農家炒飯。飯炒得幾好，飯粒分明。材料有粟米、蝦仁、紅蘿蔔粒等。材料好似好普通，但係食落又幾好食，有驚喜！原來平時午市佢哋仲有自助餐。$58一位。有多款餸菜，我見啲餸菜都幾好食。仲有熱豆漿同湯任飲。呢個價錢食自助餐都幾低！供應時間上午十一時半至下午四時。員工服務態度都好好，好細心同有禮貌。呢間屬於價錢大眾化的東北菜，食物質素竟然唔錯，有驚喜！呢個價錢，係幾超值。下次會試吓佢哋嘅午市自助餐。…查看更多

今日又去咗掌櫃東北菜館，晚市都幾多人食飯，人多環境就會嘈少少，但CP 值好高。《北京填鴨，半隻連餅皮，$168 》北京填鴨外皮酥脆，入口即化，肉質鮮嫩多汁，包上餅皮，靈魂醬料，放入爽脆青瓜、京蔥一齊食，味道嘅豐富又清新。食完《北京填鴨》後， 再來一道手工菜👉《瑤柱蛋白鮮鱸魚 ，$198》。這道菜，口感十分豐富，蛋白嫩滑，鱸魚軟嫩，瑤柱絲帶點嚼口，三者口感交織，層次豐富。 味道當然以鮮味為主， 超級好食！ 《白菜豬肉餃， $50》， 抵食之選，有10 隻餃子。 餃子皮既軟糯，亦有韌性。內餡是白菜豬肉， 豬肉肥瘦適中，配上清甜爽脆，我覺得白菜配豬肉係最傳統而好味嘅配搭。…查看更多

搭輕鐵去到大棠路落車，經過同益街市、元朗千色匯黎到呢間東北菜餐廳，中午係$58一位嘅放題，我地今晚食夜晚，叫左幾個餸，食到勁飽，東北菜分量真係唔可以睇少呀！見到隔離枱叫嘅炒菜、炒飯、炒餸都係大大份，每份都有個小山丘，小鳥胃要小心噢！🍜五香牛肉麵 $50牛展富豪，厚切仲要好多塊，炆到好淋好香，，啲麵多到食黎食去都仲有，有咬口！🧄紅油抄手（10隻） $50抄手大大隻好多餡，撈埋啲蒜泥，好食！🔥松鼠魚（龍利柳） $98呢個手工菜松鼠魚好少餐廳有做，怕骨嘅我揀左龍脷柳，酸酸甜甜勁開胃，淋上醬之後條魚都仲外脆內軟！🐷東北醬豬肘花 $76涼菜我哋嗌咗呢個豬肘花，凍食淋上秘製醋汁，有蔥蒜做配料，肉質爽彈，又係開胃之選！🫘高力豆沙 $13第一次聽呢個，見每枱都有嗌就嗌一個嚟試下，樣似沙翁，食落煙韌，大大隻抵食！…查看更多

老掌櫃東北菜館 (元朗)地址：元朗西菁街23號富達廣場地下19-24號舖推介：口水雞辣油香得嚟唔會死辣，撈勻啲花生同蔥碎唔差。雞肉浸得夠嫩滑，份量都算多，送飯一流。糖醋魚片炸粉唔厚，魚肉保持到嫩滑。個酸甜汁開胃得嚟唔會膩，咬落外脆內軟，水準幾好嘅。高力豆沙即叫即炸，脹卜卜熱辣辣。外層夠鬆軟，入面豆沙餡香甜唔漏，作為飯後甜品都幾好！…查看更多