影片
更多
2023-11-01
23 瀏覽
今日同朋友慶生，嚟咗呢間喺上環嘅omakase. Dinner Menu只有兩款選擇, 我哋今次就揀咗 $1980 set, 包括前菜、刺身、燒物、蒸物、壽司七件、湯同甜品。🥢前菜底層係靜岡水果蕃茄，特別甜同水嫩多汁，上面鋪咗由松葉蟹整成嘅啫喱、北海道海膽、魚子醬，用咗啲醋嚟調味，酸酸甜甜，不失為一個唔錯嘅開胃前菜。🥢刺身刺身係鹿兒島鴨胸，好特別。因為平時食嘅鴨胸多數都係煮熟咗，呢個生嘅鴨胸入口即溶，口感嫩滑肥膩。連埋伴碟嘅蘿蔔、京都葱、山椒葉食又剛剛好balance返個肥膩感。面頭仲落咗少少柚子辣椒醬提味。🥢鰹魚蛋鼓油漬 落咗蛋漿、薑蓉、炸蒜，鰹魚肥美魚味濃郁，點埋蛋漿增加咗濕潤度，食落有少少梅子味🥢秋天燒物一路食好似打開緊個寶盒咁，底層係燒茄子，連埋茄子皮燒，皮薄、帶少少炭香味，茄子燒得啱啱好，肉質厚而入味。上面有北海道深海魚味噌喜之次，魚脂四溢，仲有栗子、青辣椒、菇等。🥢蒸物主角甘鯛立鱗燒以半煎炸方式，保留金鯛的鱗片，個脆口嘅鱗片真係超好食。其他配菜好似係銀杏、小棠菜、菇，用咗昆布湯嚟烹調，幾清新。魷魚壽司用咗福岡嘅魷魚，食得到一絲絲嘅魷魚肉，口感真係同普通壽司店嘅冇得比，海膽都
Dinner Menu只有兩款選擇, 我哋今次就揀咗 $1980 set, 包括前菜、刺身、燒物、蒸物、壽司七件、湯同甜品。
🥢前菜底層係靜岡水果蕃茄，特別甜同水嫩多汁，上面鋪咗由松葉蟹整成嘅啫喱、北海道海膽、魚子醬，用咗啲醋嚟調味，酸酸甜甜，不失為一個唔錯嘅開胃前菜。
🥢刺身刺身係鹿兒島鴨胸，好特別。因為平時食嘅鴨胸多數都係煮熟咗，呢個生嘅鴨胸入口即溶，口感嫩滑肥膩。連埋伴碟嘅蘿蔔、京都葱、山椒葉食又剛剛好balance返個肥膩感。面頭仲落咗少少柚子辣椒醬提味。
🥢鰹魚蛋鼓油漬落咗蛋漿、薑蓉、炸蒜，鰹魚肥美魚味濃郁，點埋蛋漿增加咗濕潤度，食落有少少梅子味
🥢秋天燒物一路食好似打開緊個寶盒咁，底層係燒茄子，
連埋茄子皮燒，皮薄、帶少少炭香味，茄子燒得啱啱好，肉質厚而入味。上面有北海道深海魚味噌喜之次，魚脂四溢，仲有栗子、青辣椒、菇等。
🥢蒸物主角甘鯛立鱗燒以半煎炸方式，保留金鯛的鱗片，個脆口嘅鱗片真係超好食。其他配菜好似係銀杏、小棠菜、菇，用咗昆布湯嚟烹調，幾清新。
魷魚壽司用咗福岡嘅魷魚，食得到一絲絲嘅魷魚肉，口感真係同普通壽司店嘅冇得比，海膽都係用北海道嘅，鮮甜！
九繪魚壽司九繪魚係石斑魚嘅一種，喺日本人眼中係同河豚差唔多嘅矜貴食材，肉質雪白通透，質感柔軟。
秋刀魚壽司魚味濃郁
牡丹蝦壽司甜美的蝦肉，有細綿帶爽嘅質感
金目鯛壽司魚肉呈淡淡的粉嫩紅色，肉質嫩滑鮮甜
中拖羅壽司係咁多款壽司入邊最好味嘅，入口即溶。脂肪比例較高，非常甘香。
三文魚籽迷你丼三文魚籽粒粒飽滿，經醬油醃製鮮味大大提升，好鍾意魚籽一咬即破，滿滿魚油湧入口嘅感覺。
江户前玉子燒望落好似蛋糕，同平時食開嘅玉子燒有少少唔同，佢有落到山藥同埋蝦等，口感軟熟，又甜又鮮味。麵豉湯配紫菜碎
甜品三食蘋果大福
皮薄餡靚，入面有少少蘋果醬做餡，蘋果味濃
長野香印提子配雲呢拿雪糕
幾特別嘅係佢用可以食嘅威化餅做裝住雪糕嘅小碟，雲呢拿雪糕下仲有少少奶凍，香印提子清甜，成個組合口感豐富
北海道蜜瓜
食完雪糕有少少感覺搶咗個味，不過不失啦
張貼
