自己生日，揀咗間矜貴嘅Omakase 慶祝一下🤗。呢間日本餐廳喺中環黃金地段，外牆黑色設計超級型，入邊係好靚嘅和式田園風格，一入去已經令人覺得好放鬆愉悅。餐廳座位全壽司吧枱，可以望住師傅一邊處理食材，一邊傾偈，一邊食。🔶先付➖即燒鱈魚乾➖兵庫縣金海老，上面有已經調味的筋子，仲有白蘿蔔粒，非常清甜。🔶前菜醬油煮八爪魚，配Wasabi，八爪魚非常軟腍腍。🔶當造刺身➖天然石雕魚，比較挺身，肉質彈牙，可配鹽/Wasabi/酸汁調味。➖有魚之王之稱的兵庫県明石真鯛，用昆布漬做法，食落軟身，有淡淡昆布甘甜味。➖北海道爽滑脆甜的赤貝，當造肥美又厚肉的秋刀魚。🔶揚物➖蟹肉做的炸春卷，上面撒有烏魚子，食落啖啖蟹肉蟹膏，口感豐富。🔶酒肴➖目光魚，係小型深海魚。魚皮烤得香脆，魚肉軟滑多油，在口內化開，魚油味充斥滿過口腔。無花果用赤酒蒸煮過，有淡淡酒香味道，又會食到無花果嘅果香。🔶煮物➖松葉蟹斧飯加魚翅松葉蟹一絲絲，海鮮香味融入飯，加上熬煮好嘅魚翅，呢碗飯好矜貴。🔶壽司五貫➖中拖羅、關池魚、赤身、海膽吞拿魚蓉紫菜卷、鯖魚昆布卷魚肉質鮮嫩肥美，脂厚油香，入口魚油甘香細膩，齒頰留香。🔶吸物➖赤麵豉湯，入邊有魚肉同豆腐粒。🔶甜品➖秋天栗子特別甜，做自家製栗蓉，配有哈密瓜味道清新作結。呢餐生日飯非常滿足，試到好多比較特別嘅食材，係高質高檔嘅日式餐廳。…查看更多
