米走雞 (太子藍馬之城)

營業中

休息中

嘢食十分普通，朋友訂左9:30pm入座，由我入去個刻開始係咁催我叫嘢食，我朋友未到，所以同朋友傾緊食乜，個到好似好老闆嘅人十分鐘內催左我起碼3次都算。最過分佢話11點閂，10:30就行過嚟話食唔晒幫我哋打包，心諗我啱啱食咗半個鐘，我就同佢講話我仲食緊，之後10:50幾分就開始喺我附近不斷徘徊。多謝11點我得返兩啖食晒，佢完全冇喺我哋同意嘅情況下，喺我哋枱隔離大大聲同佢啲員工講11點收晒佢哋啲嘢，佢哋要滅蟲喎。我真係第一次去啲咁冇禮貌嘅餐廳囉，簡直不知所謂。首先我哋已經食得好急，而且都係得返兩啖就食晒，佢冇必要做到咁囉。另外你間餐廳都唔係低消費，我俾咗錢食飯都係客人啦，有冇必要冇禮貌到咁？你可以好聲好氣同我講我哋會明白，但絕對唔係咁樣囉。佢完全係冇問過我哋就收晒啲嘢。我絕對唔會再返嚟，亦都會叫人哋唔好幫襯你哋。全餐真係完全冇滿意嘅地方，簡直不知所謂，不過姐姐態度好啲，其他人嘅話我希望你出去食飯都係俾人咁樣對你啦，同埋建議你哋咁趕時間收工，就唔好開9:30嘅Booking，直接可以閂門