嵐山日本料理

營業中

休息中

棉登徑嗰幾間日本嘢都食得7788, 呢間無論環境, 員工服務態度同埋嘢食質素都可以話係比較出色, 而呢幾樣嘢亦都可以從到訪當日人客數量睇到. .居酒屋格局, 環境乾淨寬敞, 充滿濃厚日本風. 前菜沙律卷物串燒天婦羅樣樣都嗌咗啲. 推介三文魚松葉蟹肉卷, 面頭放咗大量三文魚同籽, 中間除咗滿滿蟹肉仲有青瓜絲增加口感, 底部更加係落咗海量蛋黃醬, 個人覺得超級滿足🫰🏻另一亮點係表面焦香入口即溶嘅鵝肝同埋充滿油香嘅多士🫰🏻兩個人或以上可以再嗌埋鵝肝石頭鍋飯, 撈勻之後油香味十足, 好快就俾我哋清哂🍻💛個人必食推介: 刺身沙律, 松葉蟹肉卷, 鵝肝多士, 石頭鍋飯返食指數: 🥑🥑🥑🥑 (5🥑滿分)#和風刺身沙律 ($138)#三文魚松葉蟹肉卷 ($138)#天婦羅盛合 ($128)#香煎鵝肝多士 ($98)#鵝肝牛柳粒石頭鍋飯 ($198)#厚牛舌 ($58)#薩摩赤雞肉蔥串 ($38)#鹿兒島黑豚蘆筍卷 ($46)______________________________📍 嵐山日本料理 尖沙咀棉登徑 11 號地舖