影片
更多
2024-11-08
277 瀏覽
九龍返工平時比較少過海食飯，今日舊同事請我去試下中環萬年大廈呢間新派日式fusion菜，一到步已經好喜歡呢度設計，簡單而型格，仲有露天位聽住DJ打歌，坐喺出面飲下野放鬆一下，非常relax。我同朋友先嚟兩杯酒精飲品Classic Mojito $118 同 Sour Time $118，放工飲杯嘢真係令我忙碌嘅工作得以徹底放鬆。AKAGAI $138赤貝包住蘆筍同長蔥絲，爽脆鮮甜有層次豐富，口感獨特，好開胃。SHREDDED CELTUCE SALAD $68萵筍切成細絲，再加上日式高湯底，配以蘿蔔絲同木魚絲，整道菜清新開胃，適合作為前菜。入口好清爽，令食慾大增。CARAMELIZED PUMPKIN $88焦糖南瓜加埋杏仁片，令南瓜嘅甜味更顯突出，每一口都好滿足，焦糖同南瓜嘅組合好奇妙。CHARCOAL GRILLED EEL $288鰻魚上枱後要等職員現場用碳喺鰻魚皮上面再燒幾下，鰻魚係有咬口，肉質有彈性，有炭燒香味，有驚喜。A4 WAGYU CUTLET CHARCOAL SANDO $328今晚嘅主角非A4和牛三文治莫屬，竹炭麵包微烤，外脆內軟，吉列和牛軟嫩多汁，牛味濃郁，層次
我同朋友先嚟兩杯酒精飲品Classic Mojito $118 同 Sour Time $118，放工飲杯嘢真係令我忙碌嘅工作得以徹底放鬆。
AKAGAI $138
赤貝包住蘆筍同長蔥絲，爽脆鮮甜有層次豐富，口感獨特，好開胃。
SHREDDED CELTUCE SALAD $68
萵筍切成細絲，再加上日式高湯底，配以蘿蔔絲同木魚絲，整道菜清新開胃，適合作為前菜。入口好清爽，令食慾大增。
CARAMELIZED PUMPKIN $88
焦糖南瓜加埋杏仁片，令南瓜嘅甜味更顯突出，每一口都好滿足，焦糖同南瓜嘅組合好奇妙。
CHARCOAL GRILLED EEL $288
鰻魚上枱後要等職員現場用碳喺鰻魚皮上面再燒幾下，鰻魚係有咬口，肉質有彈性，有炭燒香味，有驚喜。
A4 WAGYU CUTLET CHARCOAL SANDO $328
今晚嘅主角非A4和牛三文治莫屬，竹炭麵包微烤，外脆內軟，吉列和牛軟嫩多汁，牛味濃郁，層次感豐富。真心推薦！
DOUBLE FROMAGE CHEESECAKE+RED BEAN DAIFUKU $68+$68
甜品叫左芝士蛋糕同紅豆大福，為呢一餐畫上完美句號。
呢度嘅用餐體驗唔止美味，仲可以完全放鬆。特別係和牛三文治，每一口都係享受，真係好滿足。另外值得一讚係全體員工都好有禮貎，服務一流。
張貼
