小漁港海鮮舫 鮮蒸‧鮮味火鍋

營業中

休息中

蒸氣火鍋真心正，小漁港海鮮舫主打蒸氣火鍋，用蒸氣焗熟海鮮，海鮮嘅精華汁水會再留落底下粥底到😝最後就享受埋個粥。我成8點先入去，裡面爆曬場，海鮮味好香。是日廚師智選套餐 $318/位，逢星期一至四仲免加一，好抵食😝✨首先有刺身拼盤，入面有齊三文魚、油甘魚、帶子、北寄貝等等。刺身都好新鮮，三文魚好香好厚身，北寄貝爽口味道鮮甜。避風塘炒鮮魷勁好食，拎上黎時仲熱辣辣，金黃酥脆嘅即炒鮮魷☺️☺️✨夠鑊氣，入面啲蔥都好好食。馬友魚•鮑魚•蒜蓉粉絲蒸扇貝•蝦我最鍾意馬友，食落好肉質細膩，魚肉綿滑爽口😚落少少豉油就好正。鮑魚大大粒好爽口，食完已經好飽😳扇貝大大粒食落鮮甜😋蝦肉就爽嘅。聖子•青口•蜆聖子真係冇得輸，只要火候啱啱好就好爽口😀青口好大隻入面好厚肉。賴尿蝦•肉蟹賴尿蝦都新鮮，啲肉爽爽地😁仲有佢哋係新鮮㗎，放落個鍋嘅時候仲係識得郁。肉蟹大大隻，多膏多肉，味道濃郁。殼唔會太厚，肉質厚實。食曬所有蒸海鮮，原來仲有蟲草花蒸雞烏冬同新鮮蔬菜，蒜蓉蝦米勝瓜、芋頭、粟米同蕃薯仔。蟲草花蒸雞好好食好香好滑，烏冬熱辣辣軟淋淋好正😆最後有更加精彩嘅粥底火鍋，入面有大大件排骨、蟹蓋，所有海鮮嘅精華都落曬去，大滿足🍲 整