更多
2023-12-04
1402 瀏覽
#搞串個pantry#旺角 不嬲都有好多靚靚樓上鋪🏯,乜嘢菜式都有得食😝。當然而家好流行嘅四川菜都唔例外啦🌶️,今次呢間餐廳仲裝修到有庭園樓閣feel㖭⛲️,除咗靚,亦都坐得闊落、有私隱度💕。🎄荔枝蝦球($68, 原價$108)真係好靚,好啱影相📸!影出嚟嘅效果好夢幻,好高質😍。而食入口有好濃嘅蝦味🦐,口感彈牙,外層酥脆🫦,而且唔會有油膩感。🍍拔絲咕嚕肉($148)呢個嘅賣相同樣都好好😆,而且加咗拔絲,令到咕嚕肉嘅味道偏甜🍬,更加開胃。咕嚕肉嘅肉質都唔錯🐷,夠腍,唔會起筋或者太韌。🥬紫薯桑葉菜($108)呢一款嘅味道真係好有特色😛,喺出面食唔到。蔬菜🥗比起平時食開嘅菜更加有纖維感,口味健康啲🌱,上湯嘅味道亦都唔錯。🧄蒜泥白肉卷($68)本身蒜泥、辣椒油🌶️等等整成嘅醬汁已經夠晒惹味,好香口😋。而且將青瓜片捲喺白肉中間嘅做法非常好🥒,青瓜既有清新嘅感覺,亦都融入咗惹味嘅醬汁裏面🥳。🍶酒釀丸子($38)桂花味好香🌼,而且糖水嘅甜味,配埋煙韌而清清哋嘅糯米丸子好夾🍡。食落感覺好溫暖、好滋補♨️。🍑水蜜桃雜果茶(推廣價$8.8, 原價$88)見到舖頭宣傳📣,而家係星期日至星期三嘅晚市🌙,like咗舖頭
#旺角 不嬲都有好多靚靚樓上鋪🏯,乜嘢菜式都有得食😝。當然而家好流行嘅四川菜都唔例外啦🌶️,今次呢間餐廳仲裝修到有庭園樓閣feel㖭⛲️,除咗靚,亦都坐得闊落、有私隱度💕。
🎄荔枝蝦球($68, 原價$108)
真係好靚,好啱影相📸!影出嚟嘅效果好夢幻,好高質😍。而食入口有好濃嘅蝦味🦐,口感彈牙,外層酥脆🫦,而且唔會有油膩感。
🍍拔絲咕嚕肉($148)
呢個嘅賣相同樣都好好😆,而且加咗拔絲,令到咕嚕肉嘅味道偏甜🍬,更加開胃。咕嚕肉嘅肉質都唔錯🐷,夠腍,唔會起筋或者太韌。
🥬紫薯桑葉菜($108)
呢一款嘅味道真係好有特色😛,喺出面食唔到。蔬菜🥗比起平時食開嘅菜更加有纖維感,口味健康啲🌱,上湯嘅味道亦都唔錯。
🧄蒜泥白肉卷($68)
本身蒜泥、辣椒油🌶️等等整成嘅醬汁已經夠晒惹味,好香口😋。而且將青瓜片捲喺白肉中間嘅做法非常好🥒,青瓜既有清新嘅感覺,亦都融入咗惹味嘅醬汁裏面🥳。
🍶酒釀丸子($38)
桂花味好香🌼,而且糖水嘅甜味,配埋煙韌而清清哋嘅糯米丸子好夾🍡。食落感覺好溫暖、好滋補♨️。
🍑水蜜桃雜果茶(推廣價$8.8, 原價$88)
見到舖頭宣傳📣,而家係星期日至星期三嘅晚市🌙,like咗舖頭嘅社交平台👥,就可以$8.8換購超巨型飲品💰。水蜜桃嘅香味濃郁😋,同時間又清新,連玻璃杯🥂都係預先雪凍咗,好貼心💕。
張貼