影片
更多
2021-08-04
1006 瀏覽
今日同同事慶生，傾緊食咩既時候竟然發現佢覺得莆田唔好食！但我們另外幾個都好鍾意，我們懷疑佢上次唔識叫，所以決定帶佢去食多次睇下會不會改觀！入門口見到有個大煲，原來是免費薑茶，試了少杯，好味呀！先叫了個特色冰鎮苦瓜，話說我第一次黎莆田就係食呢個但竟然食完先知有蜜糖可點！十分後悔！今次再食就醒啦，苦瓜的確是幾苦的，但幾鍾意個冰鎮效果，同埋佢薄切變左好容易入口，同埋加左蜜糖（應該溝水的，稀稀）苦中帶甜真係好食好多呢！另外有個蝦苗伴紫菜，有d好細既蝦仔，紫菜不會噎著，不錯！叫了兩條招牌菜「百秒黃花魚」，原來有原味和蕃茄味之分，第一次試蕃茄味，主要係個湯不同，條魚食落分別不大，都係咁滑。還有「蟶子炒蛋」有好多蟶子，第一次食，肥美好味！與蒸蟶子是兩種截然不同的口味。「蒜蓉蒸蟶子」（$109）好香，聞到都流口水，份量都多！好入味好正！酥炒芋心都有驚喜，表面有點糖漿，甜甜脆脆，感覺有點像反砂芋但無咁多砂糖在面，芋心香軟。我食飯就鍾意有米落肚，所以都叫咗一個「漁民紫菜炒飯」（$88 ），味道偏淡帶有陣陣紫菜香氣，濕濕地易入口。另一個同事點都要飲個扁肉湯，咁確實我都好鍾意嘅，啲扁肉真係好正啊！一鍋好似$7
入門口見到有個大煲，原來是免費薑茶，試了少杯，好味呀！
先叫了個特色冰鎮苦瓜，話說我第一次黎莆田就係食呢個但竟然食完先知有蜜糖可點！十分後悔！今次再食就醒啦，苦瓜的確是幾苦的，但幾鍾意個冰鎮效果，同埋佢薄切變左好容易入口，同埋加左蜜糖（應該溝水的，稀稀）苦中帶甜真係好食好多呢！
另外有個蝦苗伴紫菜，有d好細既蝦仔，紫菜不會噎著，不錯！
叫了兩條招牌菜「百秒黃花魚」，原來有原味和蕃茄味之分，第一次試蕃茄味，主要係個湯不同，條魚食落分別不大，都係咁滑。
還有「蟶子炒蛋」有好多蟶子，第一次食，肥美好味！與蒸蟶子是兩種截然不同的口味。「蒜蓉蒸蟶子」（$109）好香，聞到都流口水，份量都多！好入味好正！
酥炒芋心都有驚喜，表面有點糖漿，甜甜脆脆，感覺有點像反砂芋但無咁多砂糖在面，芋心香軟。
我食飯就鍾意有米落肚，所以都叫咗一個「漁民紫菜炒飯」（$88 ），味道偏淡帶有陣陣紫菜香氣，濕濕地易入口。
另一個同事點都要飲個扁肉湯，咁確實我都好鍾意嘅，啲扁肉真係好正啊！一鍋好似$78夠晒四個人飲！
結果食完呢一餐，生日同事都話對莆田改觀呢！
張貼