影片
更多
2022-10-18
176 瀏覽
太中意食泰國菜，但多數都係食傳統菜式，本來對呢類新派菜式就冇乜期待，但估唔到都有啲驚喜喎～呢間餐廳第一印象就係好靚裝修，好似身處鬧市中嘅小花園，充滿花花草草，連啲菜式都好精緻特別。最有驚喜亦都係我覺得全晚最好食嘅就係豬腩肉生菜包。平時食開生菜包都係炒豬肉碎，但呢款係切到細細粒嘅豬腩肉片，好重豬油香，炒到煙煙韌韌，應該有加蜜糖炒，甜甜地，包埋生菜食惹味，好好味！😋 望落雖然好多肥豬肉，但點埋佢啲泰式醬汁，其實一啲都唔膩，仲有少少脆骨好有咬口！啲生菜仲可以任添～小食仲點咗冬陰功炸雞翼，炸得好脆，用冬陰功醃得好出，但我都係偏好甜口🤣 如果鍾意食冬陰功好刺激好重口嘅，就會中意。主菜叫咗香辣蟹蒜炒麵，好足料好多蟹肉，面頭嗰層白色全部都係蟹肉🙊 唔似出面好多餐廳得幾舊仔就話蟹肉xx。但佢呢種麵好似油麵，我唔慣嗰種鹼水味，所以麻麻地。但足料同入味黎講係高質嘅。最後，最失望嘅反而係甜品— 香蕉薄餅。因為呢個本來係我最最期待嘅，嗰時係泰國街邊食就覺得好好食，但佢唔似泰國食嗰種皮係好薄又軟身，係嗰種好厚，有啲似酥餅嗰種夾埋一齊，唔係我心目中嘅味道🤷🏻♀️ 可能係新式。但坐低舒舒服服食餐飯，望住出面嘅花園都
呢間餐廳第一印象就係好靚裝修，好似身處鬧市中嘅小花園，充滿花花草草，連啲菜式都好精緻特別。
最有驚喜亦都係我覺得全晚最好食嘅就係豬腩肉生菜包。平時食開生菜包都係炒豬肉碎，但呢款係切到細細粒嘅豬腩肉片，好重豬油香，炒到煙煙韌韌，應該有加蜜糖炒，甜甜地，包埋生菜食惹味，好好味！😋 望落雖然好多肥豬肉，但點埋佢啲泰式醬汁，其實一啲都唔膩，仲有少少脆骨好有咬口！啲生菜仲可以任添～
蒜炒豬腩生菜包
9 瀏覽
0 讚好
0 留言
小食仲點咗冬陰功炸雞翼，炸得好脆，用冬陰功醃得好出，但我都係偏好甜口🤣 如果鍾意食冬陰功好刺激好重口嘅，就會中意。
冬陰單骨炸雞翼
9 瀏覽
0 讚好
0 留言
主菜叫咗香辣蟹蒜炒麵，好足料好多蟹肉，面頭嗰層白色全部都係蟹肉🙊 唔似出面好多餐廳得幾舊仔就話蟹肉xx。但佢呢種麵好似油麵，我唔慣嗰種鹼水味，所以麻麻地。但足料同入味黎講係高質嘅。
香辣蟹蒜炒麵
12 瀏覽
0 讚好
0 留言
最後，最失望嘅反而係甜品— 香蕉薄餅。因為呢個本來係我最最期待嘅，嗰時係泰國街邊食就覺得好好食，但佢唔似泰國食嗰種皮係好薄又軟身，係嗰種好厚，有啲似酥餅嗰種夾埋一齊，唔係我心目中嘅味道🤷🏻♀️ 可能係新式。
香蕉薄餅
12 瀏覽
0 讚好
0 留言
但坐低舒舒服服食餐飯，望住出面嘅花園都唔錯嘅享受，下次可以試下其他菜式。
張貼
