青花 (THE FOREST)

想食正宗泰國菜又想打卡？呢間走文青風嘅泰式Cafe絕對係你杯茶！環境同食物質素都值回票價！ ✨ 打卡必點前菜🥗 柚子大蝦沙律 $118泰國紅寶石柚清甜多汁，配搭爽脆大蝦同羅馬生菜等沙律配料，淋上自家製酸辣汁，味道層次豐富，開胃首選😋✨ 特色主菜🍲 篤篤炒卜卜蜆 $128大大粒新鮮蜆肉肥美飽滿，以泰式香料炒製，小辣程度啱啱好，層層疊咁樣上加埋香葉好吸睛😬✨ 炭燒豬頸肉配酸辣青醬 $118炭燒豬頸肉外脆內嫩，燒得好香口，青醬好出色，加埋沙律菜食就絕對清新解膩😋 🍮 泰國奶茶奶凍 $68奶凍好滑溜，入口即化，泰奶好濃郁，加埋珍珠增加嚼勁，口感真係好豐富！🤞🏻🍍 菠蘿熱情果茶 $34酸甜清爽，好適合夏日飲嘅果茶🤙🏻坐得舒服又影到靚相，絕對值得～🇹🇭✨ 情侶約會或姊妹聚餐都啱晒！

喺波鞋街商場 The Forest 入面的泰國菜餐廳，裝修有小清新感覺，有不少落地玻璃採光，整體食物質素好，店員服務亦很有禮。🔶泰式虎蝦金邊粉有可以自訂少鹽少油的選項很好，虎蝦好大隻，蝦肉爽口，金邊粉調味酸甜適中，少油也炒得幾好食落唔會太淋。🔶馬沙文奶油咖喱雞🔶油酥手抓薄餅咖喱好creamy好惹味，雞肉亦很多，還有不少配菜一樣入味，薄餅很酥香，配咖喱汁食好正。🔶芒果糯米飯食泰菜基乎必點的甜品，這裡的糯米飯加了蝶豆花所以顏色更靚，糯米飯好軟熟，芒果份量多又鮮甜，加上椰汁椰子片一齊食好香。🔶楊枝甘露奶蓋奶蓋好香滑，好足料，真係好似飲緊個甜品咁。

青花位於旺角波鞋街附近嘅商場一樓泰國水門雞飯雞肉好吸引 ，雞皮晶瑩透亮 ，肉質嫩滑不柴口，把醬汁撈埋入雞油飯裏面提升了多種味道的層次感，又夠飽肚炭火炒蛋拋牛肉肉蛋飯牛肉份量相當多，醬汁濃郁 ，再加上薄片牛肉 ，薄片牛肉配合埋飯加上濃郁嘅肉汁配飯超級好食，一口接一口停不下來，最重要係食之前要撈埋太陽蛋 蛋汁撈埋飯 ，口感更加正濃郁誘人泰式酸辣鳳爪鳳爪有四隻，爽口彈牙味道酸酸甜甜好開胃，鳳爪上面鋪滿炸蒜，令到入口香味十足，下面鋪滿大量嘅沙律菜非常新鮮泰式雞棗有四粒，雞棗炸到外脆內滑，入咬落仲有雞汁流出，夠juicy 椰汁糕午餐加$20就食到，椰汁糕質感柔順滑溜，濃郁嘅椰汁味，味道甜甜的，清甜怡人，椰漿嘅口感特別軟滑，底部食到大量嘅西米，作為飯後甜品一流酥炸豬手炸到豬手皮卜卜脆，而肉質依然嫩滑，入口唔會覺得油膩，豬手配有獨特嘅辣汁，點埋一齊食令味道更加出眾

之前都同fd食生日飯都食過青花幾次，今次試下黎個二人挑戰，結果飽到撐住個肚🥘大蝦冬蔭公味道好唔錯，酸度同辣度都剛剛好，湯入面有勁多蕃茄同新鮮草菇，係近期飲過比較有印象嘅冬蔭公🥩牛肉串燒沙嗲一客有6串，可以揀牛或者雞肉，牛肉唔算好腍，反而係屬於有咬口嗰種牛肉🦐荔枝菠蘿紅咖喱大蝦呢個係睇到Menu張相揀嘅，除咗大蝦，仲有好多唔同配料，有原粒荔枝、菠蘿、秋葵、茄子同豆角。估唔到荔枝同菠蘿又幾襯紅咖哩，微辣中帶甜味，大蝦已經剝咗殼，一啖一齊幾方便食，質地爽口，不過如果再入味啲就更好🥬馬拉盞炒椰菜食得出有鑊氣，味道唔錯，份量都好大碟🦋蝶豆花椰子奶蓋藍色嘅飲品賣相真係好靚，由於蝶豆花冇味，所以淨係飲到好濃嘅椰子味

今次去咗旺角一間有氣氛嘅泰國餐廳，環境靚又夠Chill，食物仲好有驚喜😍🔸篤篤炒卜卜蜆🦪～蜆肉鮮甜又多汁，啖啖肉好爽口！🔸豬腩生菜包🐷🥬～煮得香脆，配埋爽口生菜，啖啖肉又唔會太膩，好fresh！🔸泰式虎蝦金邊粉🦐🍝～大大隻虎蝦好鮮甜，金邊粉炒得唔會太乾身又入味，酸酸甜甜啱啱好～必試！🔸斑斕椰汁糕🍃🥥～清香唔會太甜，食落煙煙韌韌，好有南洋風味，成朵花咁靚！🔸楊枝甘露奶蓋🥭🍹～上面個奶蓋香滑，下面係足料楊枝甘露，甜甜地超滿足～💬總結：成間餐廳好有泰式街頭＋南洋風情，食物選擇多又有特色，價錢合理，聚會打卡都一流📸✨推介指數：⭐️⭐️⭐️⭐️⭐️

Happy weekend!!呢日喺旺角約咗幾個朋友食飯去咗想去好耐嘅青花喺The Forest一片綠色入面大大嘅玻璃窗 採光非常好陽光曬落戶外嘅位置 感覺份外寫意舒服1點多去到全場幾乎坐滿晒 好旺場Menu選擇好多 花多眼亂樣樣都好有特色好想試藍碟花蟹肉菠蘿炒飯顏色勁靚勁啱打卡未食都感覺開心滿足飯粒用藍碟花浸過 呈淺藍色加上大量蟹肉、蛋絲、菠蘿粒、肉鬆同腰果一啖食落去 口感同味道都勁豐富而且好香口 好開胃白冬蔭公湯 - 南薑椰奶雞湯第一次試白冬蔭公湯 好特別似平時飲開嘅冬蔭公 有香茅嘅香 但又多咗浸奶香味香而不辣 飲完好開胃入面仲有好多雞肉同磨菇 雞肉嫩滑好食炭燒牛豬雙拼串燒雙拼沙嗲醬超香 微微帶點辣兩款肉都燒得外脆內軟沾一沾沙嗲醬食 好正好食到想encore紅咖喱香料三文魚賣相好靚 入面有三文魚、荔枝肉、菠蘿、腰果三文魚薄切 表面浸滿咖喱 紅咖喱夠香 唔會辣好食到加點咗油酥手抓薄餅點咖哩食手抓薄餅賣相好靚 脹卜卜 唔油膩牛油味道香濃 裡面咬落去唔會有太多空氣感加埋咖喱食 勁正芒果糯米飯擺盤超靚 好似去咗泰國咁芒果大大件 超甜糯米飯綿滑軟稔 加埋杏仁片 口感豐富Perfect end

冬蔭功嘅大頭蝦係梅嘅，同waiter反映，只係講一句同廚師反映就走左去，顯得成間餐廳都知個湯隻蝦係唔食得入口嘅。湯只有死咸，無其他味道炒金邊粉就真係得粉喺入面，同面頭兩隻蝦，乜都無了。非常失望的一餐。

朋友仔話想食泰國野，上openrice搵到呢間，見環境唔錯，又可以網上book位，就去試下，每樣野都幾好食，3個女仔，叫左11樣野食（包括甜品），全部消滅晒，只嫌用餐時間短，得90分鐘！

見Openrice 訂座有單點菜單85折，就黎試下呢間成日經過都無食過嘅餐廳。 入座/訂座： 平日中午十二點仲訂到十二點九。 唔洗等，到食完一點幾，成間店都唔多人。環境：寬敞都明亮，空間感都好足夠。係食得ok舒服嘅。 食物： 有午市套餐，包埋野飲，但就無左單點85折。 結果叫左份午市豬手飯，$76。 佢味道其實同係泰國商場food court食到嘅一模一樣（連埋果碟都還原），唔差嘅。不過真係同泰國人食嘅份量一樣， 你明點解好多泰國人都瘦啦。 但佢收緊香港價錢，我就覺得有啲唔抵。 仲單點叫多份香蕉煎餅，$78。 點講呢，佢收我$48我都會接受嘅，但咁嘅size 去到7字頭就真係too much。咁所以佢單點85折合理嘅，減完$67。 見仁見智，我覺得都係唔抵。 （依家睇番，朵花都佔左四分一）係，食落就可能係用嘅油味道，佢似薄撐多啲。 無左甜品嘅感覺。 總結：我明係呢個地段可能租金貴嘅，但就變相壓番哂落消費者到。你話佢精緻少少俾人打卡都好，但環境同食物又唔係靚到值得影。你話佢還原傳統local泰菜，但份量同價錢又做唔到喎。變相我平可以食比佢CP值高嘅泰餐。 我貴可以食比佢更精緻嘅泰菜。 佢

🎀旺角。期待過高的唯美超人氣泰式料理🌹🎀🪄店名* #青花 #THEFOREST 🔮地址* 香港旺角奶路臣街17號THE FOREST 1樓107-108號舖 🔮🗾分店地區🗾 沒有分店💰價錢$268 已加一 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_泰國菜➖➖➖➖➖➖➖➖➖➖➖➖➖🎵餐廳環境🎵呢一間餐廳一直都Save咗好耐 因為佢哋嘅環境真係超級靚 啱晒打卡平時都好鍾意勁多花嘅地方 連呢一間就啱晒我嘅喜好佢嘅空間都幾大 不過座位就係硬凳冇梳化位座位主要要用金色為主 然後採用咗雲石枱 整體美觀度幾加分而且仲有透明玻璃球裝住乾花垂直吊喺天花板上 所以勁唯美另外佢哋都仲有戶外空間 以綠植為主如果秋天嘅時候唔係好熱 坐出去都幾舒服幾休閒🍽️食物質素🍽️佢哋嘅午餐餐牌都幾多選擇價錢比起主餐牌平好多 仲有得額外追加甜品小食及飲品而主餐牌就會有多啲沙律 同埋特色泰國小食煮食等選擇 賣相都幾靚 所以選擇嘅時候都幾難揀 因為太多了 而且仲有精美圖片可以睇到嘢食嘅賣相👍👀評分💖💖💖🪄 泰國水門雞飯（午餐） $72食得泰國

Order左個飯 等左40分鐘先到 而且食物質素一般 冇話好好食 個豬頸肉偏硬 味道冇話好出色 個蟹肉菠蘿飯就偏甜口小小 係有創意嘅但係味道同樣不過不失 仲要等咁耐 唔會再想黎😅😂

各種食物都好食，環保舒服，服務都唔錯，好值得。試下飲品，款式好多都幾得意，嗌左好多野食，全好食，每份份量少，可嗌多啲。炒粉麵，小食都好食。三文魚就見人見致，我就覺得ok 嘰，食物種類多又有特色。幾出色

📍🇭🇰因為佢個名幾特別，所以嚟試試😹午餐時間去食，行緊去餐廳嘅途中即刻book位🤣🌻環境 未入到去已經見到餐廳好闊落，仲有室外座位🌿大地色為位主題🤎小清新風格🌾金色嘅座椅配埋雲石餐枱喺泰國菜餐廳嚟講，感覺好高級🤩🌟配色好好令到成個感覺好舒服😌好乾淨可以同男朋友一齊遠離繁囂一下🥰🇹🇭 食物🥭芒果鮮蝦炒飯 ($76)色彩繽紛！連隻碟都好靚！見到都想食🌈🥹鍾意佢個炒飯質地偏濕，易入口偏甜嘅芒果🥭加上軟淋淋，酸酸甜甜嘅提子乾🍇配埋切咗粒，有𡁻口嘅長條豆🫛😹同紅蘿蔔🥕成個口感好豐富！味道好多層次🫶🏼好好食！而鮮蝦就唔係平時食到嘅蝦仁🍤佢比較淋身，好食過平時嘅😋🔥炭火炒打拋牛肉蛋飯 ($76)超級流心嘅煎蛋🍳充滿住蒜香🧄同打拋葉味嘅牛肉💓只係略嫌牛肉有少少韌，不過對於鍾意牛肉有咬口嘅人就會覺得好食成個調味啱啱好，好食🤤❤️！！🥥斑蘭椰汁糕 (+$20)無諗過佢咁新鮮出爐熱辣辣🤣♨️椰汁味出過斑蘭味，如果斑蘭味再出少少就更好🧉 飲品🍵斑蘭菊花茶 (跟餐) 未攪拌之前上面係清香嘅菊花茶味，下面係斑蘭糖漿🌿初初一飲，心諗點解剩係得菊花茶味嘅😹到第三啖飲到好甜嘅斑蘭糖漿，先知要攪匀🤣攪拌之後就係啱啱好有班蘭味

半開放式的空間有很多綠色植物和乾花裝飾予人輕鬆愜意的舒心感🥰🍍藍蝶花蟹肉菠蘿炒飯賣相超吸睛且配料豐富👀💖炒飯染上藍蝶花特有的藍調，口感軟糯而不膩啖啖蟹肉相當足料🦀炒飯裡還有洋蔥、菠蘿粒、炒蛋、提子乾另附腰豆、肉鬆、新鮮菠蘿是超有誠意、清甜、層次多變的炒飯😚🦐冬蔭功泰菜經典及必點的冬蔭功這道冬蔭功有濃厚的椰香，不會太辣😉富怡人的香茅氣息，與青檸的清爽整體味道趨柔和之餘，大量的蕃茄又令人陶醉開胃草菇和大頭蝦吸收湯汁精華，很是討喜😙🍢炭燒牛肉串燒沙嗲牛肉帶迷人炭燒香氣，以濃郁沙嗲醬包裹更加惹味沙嗲醬的花生味較突出🥜🥬馬拉盞炒芥蘭芥蘭新鮮而爽口，搭配惹味馬拉盞絕讚清晰可見的櫻花蝦、炸蒜，為其增添口感🌸🥤飲品泰國奶茶一如印象中的好喝蝶豆花青檸茶清新帶微酸😋

食物質素唔掂。今次分別食咗一碟咖喱雞飯，同埋炒金邊粉，同埋嗌咗一杯蝶豆花奶蓋。炒金邊粉完全冇辣味，變咗港式茶餐廳嘅感覺。而且兩隻蝦係完全冇味嘅，如果想食到泰國嘅味道，呢間餐廳未必可以滿足你嘅需求。至於個咖喱雞飯，亦都係變咗好似茶記嘅普通咖喱雞飯一樣。但係價錢就貴過茶記好多。同埋服務質素方面，侍應生嘅服務態度十分之惡劣，完全唔值得比服務費。而且餐廳地方狹窄，非常之唔好坐。如果想坐得舒適嘅話，我建議大家可以嘗試去呢個商場嘅樓上舖，嗰間老馮茶居。正如標題所講，就係唔會再幫襯嘅餐廳。