莆田 (荷里活廣場)

營業中

休息中

會隨季節推出當造嘅海鮮菜式的莆田，見佢呢期係大閘蟹就即係過嚟試吓🤤。🥘大閘蟹 $168叫咗一隻4-5兩嘅試試，果然無令人失望，蟹蓋一打開就見到滿滿嘅金黃色蟹膏，口感算幾結實，味道鮮甜有回甘。🥘興化炒米粉 $108材料有肉丁、乾貝、蝦米、大白菜絲、香菇、炸豆卜同蛤蜊，米粉乾身而有少少彈牙，食落有鮮味，呢道菜雖然望落去平平無奇但味道非常出色。🥘石鍋滑豆腐 $98上枱仲係滋滋聲仲滾緊，金色外皮包住係滑捋捋嘅豆腐，食落惹味香口，醬汁入晒味，煲底原來仲有一層蛋，夾埋一齊食層次更豐富。🥘黃金荷葉包 $76每次嚟都必食嘅菜式，最鍾意佢充滿芝麻香味嘅荷葉包，熱辣辣夾埋洋蔥同醬汁肉絲一齊咬，甜甜嘅包身同埋惹味肉絲，呢一口真係非常滿足🥰。🥘莆田荔枝肉 $98外貌就咁睇會以為係咕嚕肉，但原來係用荔枝汁同荔枝肉炒嘅，食落係較少嘅酸味，更多嘅香甜，仲有淡淡荔枝肉嘅香味，好味又開胃👍🏻。🎉週年慶贈送辣媽🎊撞啱原來餐廳慶祝緊23週年，送咗一樽辣媽醬俾我哋，嚟緊午餐可以辣媽醬撈飯食😂。