影片
更多
2021-01-31
14510 瀏覽
星期日放假 又到咗揾食時間老公見有優惠所以book咗呢間仲full pay埋點知出去途中我八卦上嚟睇吓啲食評一致差評咁滯😨於是就諗住今次一定伏咗仲要俾晒錢無得縮🥲帶住灰暗嘅心情坐低出去行一圈又發覺都幾多嘢食丫好似🤔灰暗心情出現少許曙光👆🏾第一碟啲沙律菜好新鮮番茄仔超甜！個菠菜唔係好夠調味不過都幾有麻油香兩塊芝士同凍肉就冇乜特別中規中矩至於個小漢堡就非常之有驚喜！麵包超香 而且塊肉尚算幾有肉香下午茶自助餐來講算係好出色咬開仲可以見到係粉紅色唔會過熟好有誠意👆🏾老公的魚生刺身都幾新鮮唔係啱啱雪櫃拎出嚟中間仲係硬身嗰一種自助餐常見魚生😂都食得過👆🏾第二碟個黑松露炒蛋都幾滑不過就唔算好香個Pizza同pasta冇乜特別如果要來飽肚都可以食不過就唔係話特別好食個粟米脆片大路貨色不過個牛油果醬就好好食！調味剛好👆🏾第三碟之後到我出去拎刺身由於本人低b仔嘅關係拎嘅時候都無發現自己呢碟有咩特別點知一拎到返去老公就驚訝地問:點解你有三文魚腩㗎？🤔🤭🤭🤭可能師傅見我有禮貌掛🤫😂所以呢碟魚生都幾肥美頗有油脂香👆🏾老公拎嘅個蝦多士好香好脆！可以一試小籠包就唔使食皮唔算厚不過一啲湯汁都冇其餘嗰啲就悉隨尊便😂👆🏾
老公見有優惠所以book咗呢間仲full pay埋
點知出去途中我八卦上嚟睇吓啲食評
一致差評咁滯😨
於是就諗住今次一定伏咗
仲要俾晒錢無得縮🥲
帶住灰暗嘅心情坐低
出去行一圈又發覺都幾多嘢食丫好似🤔
灰暗心情出現少許曙光
👆🏾第一碟啲沙律菜好新鮮
番茄仔超甜！
個菠菜唔係好夠調味不過都幾有麻油香
兩塊芝士同凍肉就冇乜特別
中規中矩
至於個小漢堡就非常之有驚喜！
麵包超香 而且塊肉尚算幾有肉香
下午茶自助餐來講算係好出色
咬開仲可以見到係粉紅色
唔會過熟
好有誠意
👆🏾老公的魚生
刺身都幾新鮮
唔係啱啱雪櫃拎出嚟
中間仲係硬身嗰一種自助餐常見魚生😂
都食得過
👆🏾第二碟
個黑松露炒蛋都幾滑
不過就唔算好香
個Pizza同pasta冇乜特別
如果要來飽肚都可以食
不過就唔係話特別好食
個粟米脆片大路貨色
不過個牛油果醬就好好食！
調味剛好
👆🏾第三碟
之後到我出去拎刺身
由於本人低b仔嘅關係
拎嘅時候都無發現自己呢碟有咩特別
點知一拎到返去
老公就驚訝地問:點解你有三文魚腩㗎？
🤔
🤭🤭🤭
可能師傅見我有禮貌掛🤫😂
所以呢碟魚生都幾肥美
頗有油脂香
👆🏾老公拎嘅
個蝦多士好香好脆！
可以一試
小籠包就唔使食
皮唔算厚不過一啲湯汁都冇
其餘嗰啲就悉隨尊便😂
👆🏾1st甜品
超級驚喜位嚟喇！
試完呢3款我決定試晒其餘8成甜品😂
-
抹茶白朱古力杏仁脆餅
全部甜品中我嘅最愛😍😍😍
蛋糕質地係我最鍾意嗰種厚實實口感
同包裹住蛋糕嘅杏仁脆皮互相輝影
淡淡嘅杏仁香味同抹茶唔會搶咗大家嘅風頭
口感層次豐富
一定要試！
-
抹茶蕨餅
好煙韌
抹茶味剛好唔會濃到苦
-
抹茶紅豆蛋糕
蛋糕上嘅cream超滑
紅豆唔會過甜 有豆香
👆🏾甜品櫃一覽圖
👆🏾2nd甜品-
開心果韓國士多啤梨蛋糕
開心果非常香！
好好食
士多啤梨嘅果甜令件蛋糕一啲都唔會膩
-
綠茶奶凍
超級滑！
天然綠茶味好清新
-
士多啤梨櫻花卷
糖漬櫻花味好出
蛋糕鬆軟
-
栗子櫻桃酒黑加侖子慕絲
加咗粟子蓉落去打成嘅mousse好好味
同黑加侖子出奇地夾
-
士多啤梨酸忌廉奶凍
士多啤梨好香 唔會太酸
都好食不過就無其他甜品咁驚為天人😂
-
紅豆大福
都好食
紅豆好多 大福嘅皮亦彈牙
但喺咁多個選擇入面佢最普通😂
如果要慳住用胃部位置可省略此甜點🤣
-
記得之前睇過一篇食評
話啲甜品好垃圾😂
係食咗一啖就要比隔離嗰個食埋佢嘅地步
不過我今次食就覺得完全唔係呢一回事
係超級出色！
建議留返好大部份嘅位置食甜品
👆🏾老公的喇沙老公最後拎咗碗喇沙麵😅
我試咗幾啖😂
湯底好香濃杰身
一啲都唔水
個油麵軟硬度適中
塊豬皮都幾彈牙唔會過淋
亦都好入味
但粒貢丸就唔洗試😂
仲衰過佳寶啲雜丸😂😂😂
-
計埋加一折咗之後$287一位
質素對得住個價
同埋啲staff收碟好快
其中一個哥仔行過見到我唔識用樽鹽仲主動開聲指導😂
值得一讚
張貼
