Thailand King

營業中

休息中

相喺尖沙咀食啲小店，所以喺巷仔入邊搵到呢間泰菜。呢間係一間Bar同埋泰國餐廳，可以買杯嘢飲同朋友食一邊飲嘢。泰式豬肉碎生菜包$98生菜包好大份，啲生菜全部都好新鮮爽脆。豬肉炒得好有泰式風味酸酸地好開胃，加埋辣椒好惹味。豬肉入面亦都加咗好多香料。餐廳亦都好貼心俾咗一次性手套，可以揸住嚟食唔使洗手咁麻煩。火山排骨$248排骨係金沙骨，用咗泰式蔥蒜同埋檸檬汁一齊撈。個味有啲似泰式沙律但係係熱嘅。排骨一份有12嚿排骨份量都好大，可以同多啲friend一齊share。泰式菠蘿炒飯$88菠蘿炒飯入邊有粒粒新鮮菠蘿同埋好多提子乾上面都有肉鬆。飯面就有三嚿大菠蘿，菠蘿係燒過食落好甜好多汁，上面仲有三隻蝦食落好新鮮。咖喱雞球$88 咖喱份量好大，而且入邊加咗好多蔬菜，有茄子，各款蘑菇同埋好多雞球。雞球係烤過之後先放埋落個咖喱入邊。雞球調味好好味，而且好腍。泰式薄餅$24 泰式薄餅跟埋咖喱真係好夾。