Thailand King

營業中

休息中

今日晚餐同朋友去左尖沙咀食泰菜， 餐廳都就腳。門面裝修到木屋咁樣，配埋裝飾好有渡假風情。食物叫左燒安格斯牛肉沙律份量正常，燒安格斯牛肉肉質唔錯，咬落有香濃牛肉味。新鮮沙律菜配上帶酸辣嘅泰式醬汁好惹味，酸辣越食越香濃。都幾開胃。薯條 配黑松露醬薯條係經典波浪粗薯條，炸得好夠香脆，咬落外脆內軟。除左必配嘅茄汁，黑松露醬點落就更加香。泰式原條燒魷魚桶原條魷魚桶燒得夠香，食落爽脆唔韌，味道都夠味。配上酸辣嘅泰式醬汁，又有另一種風味。主食叫左 紅咖哩羊架 加配法包紅咖哩微辣帶甜味，味道香濃，好啱怕辣嘅人士。紅咖哩有茄子，菇等雜菜。烘到乾脆嘅法包點紅咖哩啱啱好，入口香濃。羊架有三枝，燒得啱啱好，肉質軟嫰，味道唔羶亦都唔會太肥，質素唔錯！另外朋友想試埋 金沙軟殼蟹 買相都唔錯，食落香脆，鹹蛋黃調味都適中，分佈嘅份量都好平均，咬落軟殼蟹唔會太油，味道唔錯。飲品一杯叫左Lychee smoothie，大大杯，配上醬汁較多同味道重嘅披菜啱啱好！另外叫左杯 Guinness draught beer，解膩爽口！

尖沙咀向來多美食, 今次黎左呢間泰國酒吧試下~咖哩海蜆 蜆肉新鮮彈牙, 唔會有任何沙粒, 咖哩內放上少量蛋花, 口感挺creamy, 而且也不會太辣~泰式薄餅薄餅口感酥脆, 而且不會太油膩, 蘸上咖哩汁一起吃, 絕對是滿滿的幸福感!泰式炸雞全翼雞全翼啖啖肉, 炸得好香脆, 雖然的確有D邪惡, 但味道絕對不遜色於平時的燒雞翼!泰式肉碎生菜包 (豬肉)生菜新鮮翠綠, 將免治豬肉包裹在一起, 口感更為豐富, 而且放上少少辣汁, 惹味得黎更加開胃~泰式雞肉炒河粉想不到份量會如此大份! 河粉質感彈牙, 而雞肉口感也不會太粗糙, 配上自家製醬汁, 師傅炒得很有穫氣!炒西蘭花西蘭花翠綠爽脆, 前面食得油膩的話, 當然要食返D蔬菜中和一下腸胃!芒果糯米飯伴椰子🥥雪芭糯米飯的份量估唔到超多, 熱辣辣的糯米飯, 再附上原隻芒果 及 冰凍的椰子🥥雪芭絕對係冰火二重奏的享受!Young coconut椰青很清甜! 也不會飲到酸味, 代表餐廳選材是新鮮的!Green Apple smoothie青蘋果味好清新好fresh, 再加入大量沙冰一起喝, 絕對有透心涼的效果!

最近同朋友去咗喺尖沙咀嘅Thailand食泰菜，個餐廳環境算幾企理，啲侍應態度都好好。我哋一行四個人，叫咗八道菜，份量啱啱好，價錢都唔算貴。青木瓜沙律做得好有水準，酸甜開胃，木瓜爽口清甜，味道偏酸辣，好開胃。芒果蟹肉炒飯係主打之一，芒果夠甜，蟹肉份量都幾足，飯粒粒粒分明，唔會太乾身，蛋香味濃郁，芒果香甜同蟹肉鮮味混埋一齊，好開胃。火山排骨真係勁正，一次過上咗10支，呢個仲已經係半份嘅份量，超級抵食，肉質鮮嫩多汁，醬汁香甜惹味，食落好過癮。炒椰菜苗爽口清甜，夠翠綠，炒得啱火候，唔會太軟，仲保持住陣陣嘅甜味，蒜香夠勁。一口牛西冷賣相靚，牛肉夠鮮嫩，調味適中，配埋特製辣醬，香辣惹味。魷魚桶係我最鍾意嘅一味，魷魚新鮮彈牙，調味夠晒香辣，配埋特製醬汁，非常開胃。大啡菇好厚身，食落去啖啖汁豬肉生菜包都幾出色，豬肉碎炒得香噴噴，配料豐富，仲有個爐熱住啲肉，包埋新鮮爽脆嘅生菜食，層次感豐富。整體嚟講，嘢食味道夠晒重，價錢又平，啲嘢食份量足，絕對係抵食推介。

尖沙咀有幾條大街都好旺，不過，一講到「嘉蘭圍」就未必人人識，因為佢喺「加連威老道」內嘅一條小弧巷，巷內有唔少餐廳，今晚就同老友嚟到主打泰菜，加上以酒吧形式經營嘅「Thailand King」。雖然舖內環境唔算好大，開放式廚房都佔咗近一半空間，但睇到佈置都幾有心思，就好似天花掛咗唔少特別裝飾，感覺都蠻有氣氛。由於安排做咗晌吧枱位，近距離睇到廚師們做廿菜及沖泡飲品。但咪睇佢舖仔細細，廚房亦唔喺好大，但翻一翻餐牌提供嘅菜式種類都非常之多，由刺身、沙律、咖喱、湯品、燒烤、主菜、飯麵、炸物、蔬菜，到甜品，可謂一應俱全。而飲品方面 ，啡茶、果汁、梳打、沙冰就唔在講 ，更提供好多啤酒、雞尾酒同烈酒。鮮青檸梳打 $48我同老友都唔喺好酒之徒，所以，都揀啲非酒精飲品。因為泰菜濃味嘢多，故此，佢就揀咗杯青檸梳打，因為貪佢口感清爽，味道清新。芒果沙冰 $58小弟就鍾意芒果嘢，所以，見芒果沙冰就捧一捧場，杯沙冰嚟到真喺嚇一嚇，超級大杯，可以講差啲飲唔晒。沙冰嘅質感好綿密，冰粒感唔多，芒果味都好夠。帶子他他柚子沙律 $98泰式嘅沙律一向都好有特色，因為通常加咗好多香料，而呢一個柚子沙律確實唔錯，刺身級帶子好新鮮

這間餐廳位於尖沙咀的嘉蘭圍小巷內，我望住Google Maps都繞了一個大圈先搵到，名副其實是間隱世泰菜酒吧。店舖空間不算太大座位不多，不過就好開揚唔焗促，而且佈置幾有泰式風格，重點是泰國菜餚確係幾好食，價錢亦唔算貴。生蝦刺身6隻 $148食泰國菜當然要食生蝦啦，大大隻的生蝦配上傳統泰式醬汁、蒜頭及辣椒，將蝦的鮮味帶到更高層次，醒胃又好食，還貼心地伴有炸得香口的蝦頭。豬肉生菜包 $98豬肉碎不算太辣，偏咸但卻好惹味，用新鮮爽脆的生菜包著一齊食，正好中和了咸味平衡返，正。花膠冬陰公湯 $78第一次食冬陰公湯竟然有花膠，而且花膠算大塊，還有三隻大蝦及多種菇類配料，一大碗兩個人share好足夠，這個價錢真係超值。燒豬頸肉 $88豬頸肉份量好多，肉質肥瘦均勻，燒至微焦香，嫩滑有咬口又有少許油脂，即使不醮泰式醬汁都已經好好食，醮上酸酸辣辣的醬汁當然就更惹味。魷魚桶2隻 $88原隻魷魚上陣，切成一條條好均稱，肉質爽口富彈性，配埋酸辣汁，微辣惹味！ 太陽蛋配酸辣肉碎意粉（轉炒飯) $108本身此道菜應是配意粉，但我們又想食炒飯，店家竟然肯配合，哈。酸辣肉碎配帶點菠蘿香甜的炒飯，又幾好味喎。雜果汁 $

青木瓜沙律（$88）：木瓜切得幼細但口感爽脆，醬汁味道啱啱好，酸酸甜甜辣辣好開胃，沙律份量多但都食得晒。黃咖喱軟殼蟹（$148）：可以選擇黃/紅或者青咖喱，唔係好食得辣所以揀咗黃咖喱，味道香濃，濃稠適中可以掛係軟殼蟹度。軟殼蟹炸得好香脆但唔油膩，仲有啲茄子，菇同蕃茄，唔錯。泰式燒魷魚筒（$88）：聞落好似有陣香蒜同孜然燒烤香味。燒得啱啱好，唔韌爽口有彈性，食落少少辣幾惹味。蟹肉蛋餅（$168）：蛋餅好大份，都有唔少蟹肉。煎得甘香，食落濃濃蛋香。加上泰式辣醬食又有另一番風味，甜甜辣辣。芒果沙冰（$58）：大杯得好誇張，好開心有咁大杯，可以大大啖飲，尤其食重口味嘅燒物同咖喱，芒果味道濃郁又refresh 。朋友叫咗鮮檸蜂蜜果酒都話唔錯。可以係尖沙咀嘅小巷裏搵到呢間餐廳真心唔錯，環境唔嘈又舒服，冇限時，適合傾計，CP值高

次次夜晚唔想食咁Heavy，第一時間就會諗起泰國菜！作為泰國菜嘅忠實fans，今次呢間餐廳真係要俾足一百分！💯餐廳嘅裝潢唔算係好傳統嘅泰國氛圍，入邊都播住廣東歌，但係食物真係抵讚！👍🏻Mojito Pineapple ($98) + Long Island ($128)冇諗過喺泰國菜餐廳都可以叫到Cocktail ！朋友本身飲開酒，都大大力推薦呢杯Mojito Pineapple！！！飲落非常清新，薄荷味好好咁中和咗酒精嘅濃度，冇飲開酒嘅我都覺得好易入口！🤩Long Island就相對上味道較濃，冇飲開酒就可能唔係幾慣🫨泰式生蝦 ($148)啱啱好6隻生蝦6隻炸蝦頭👍🏻生蝦好鮮甜，配埋泰式酸辣汁、生蒜同辣椒粒，超惹味！炸蝦頭脆卜卜，有啲仲有少少蝦膏，大推！！！💯泰式肉碎生菜包 (豬肉) ($98)每次都係我食泰國菜必點嘅項目！調味相對清淡，唔會好辣，感覺同我口味幾夾！生菜真心值得一賺！超新鮮！食落去甜甜地，睇得出用料好好！！🫶🏻🫶🏻芒果蟹肉炒飯 ($108)食落去相對淡口啲，不過每一啖都係蟹肉，超足料！！芒果超新鮮！做到一個中和嘅作用，令到呢碟炒飯更加有特色！🤤泰式蠔肉蛋餅 ($138

今次同朋友嚟到尖沙咀一間泰式餐廳，環境好舒服，我哋叫咗幾款菜式，想介紹俾大家。泰式炒西蘭花首先叫咗泰式炒西蘭花，西蘭花炒得啱啱好，唔過熟，仍然保持住脆口感，加上泰式風味，味道香辣適中，非常開胃。帶子他他柚子沙律帶子他他柚子沙律都好好食，帶子新鮮得不得了，柚子果肉酸酸甜甜，同埋加啲香料，食落去有一種清新感。泰式檸檬烏頭魚泰式檸檬烏頭魚真係好正。今次我揀佐燒魚，佢嘅魚肉鮮嫩，配上檸檬汁酸酸哋，味道層次豐富。芒果蟹肉炒飯芒果蟹肉炒飯係我最鍾意嘅一道菜，蟹肉好鮮嫩，芒果好清甜，飯粒粒分明。泰式奶茶最後，飲埋杯泰式奶茶真係好，奶茶香濃順滑，甜度啱啱好，非常解渴。

預早book好枱同朋友慶祝生日，一行三人，去到餐廳比張二人枱我哋，臨時加張無椅背嘅凳仔俾我哋就當係三人枱😅 張二人枱仲要細到三碟嘢都擺唔到😅 問餐廳職員可唔可以轉其他枱，十問九唔應，態度勁差，然後話今晚full所以無得轉，你比張咁嘅枱仲要臨時加凳比我，咁請問我book枱嚟做咩？仲要當日打嚟confirm booking嘅時候完全冇提及過，其實可以當刻問吓客人介唔介意。淨係呢個服務態度同安排已經可以永久blacklist了😊😊😊

🤍泰式墨魚餅：彈牙鮮甜，蘸醬更昇華一上枱就聞到陣陣香茅同檸檬葉嘅香氣，墨魚餅外層炸得金黃酥脆，咬落去超彈牙，墨魚肉打得好細膩，仲食到少少墨魚粒增加口感。點埋嗰個特製甜辣醬，酸酸甜甜帶少許蒜香，更加突顯墨魚嘅🤍泰式生蝦（配香酥炸蝦頭）：鮮甜與香脆嘅極致對比** 生蝦新鮮到不得了，肉質爽脆彈牙，配埋蒜片、辣椒同泰式酸辣汁，一啖放入口，酸辣鮮甜一齊爆發，超級醒胃！最驚喜係跟嚟嘅 **炸蝦頭**，炸到酥脆到極，連殼都可以食，蝦膏香濃到爆，送啤酒簡直正泰式青蘋果沙冰：清新解膩神器🤍食泰國菜點少得一杯冰涼飲品？呢杯青蘋果沙冰酸甜適中，青蘋果味好天然，仲有少許薄荷葉嘅清香，飲落去冰涼透心，即刻解咗啲辣同油膩感。 加分位！沙冰打得夠細滑，唔會飲到一半就變咗冰水，保持口感！ 🤍日本Orion啤酒：泰國菜嘅最佳拍檔泰國菜咁濃味，當然要配返杯冰凍啤酒. 口感清爽得嚟帶少許麥香，唔會太苦，正好中和泰式菜嘅辣同濃味，飲完成個人都爽晒！ 🤍咖喱豬頸肉（配茄子辣椒香菇）：香濃惹味，送飯無敵呢道咖喱豬頸肉一上枱就香到令人流口水！咖喱汁濃郁得嚟帶椰奶香，豬頸肉燒到外脆內嫩，油脂分布均勻，咬落去juicy又惹味。

唔係朋友介紹都唔會知原來尖沙咀呢一個位有間泰菜餐廳食物種類都好多 又有得飲酒 朋友渣車所以無飲到 叫左椰青 & 芒果沙冰椰青非常清甜 芒果沙冰嚟到嘅時候嚇親咁大杯嘅😂😂😂燒豬頸肉哩個真係number 1 係香港食過佢燒得好香 有陣陣炭燒味道 仲要唔係薄切 好有厚感👍🏻 炸雞中翼外層香脆 內裡嫩滑 dip埋泰式辣醬就好好味咖喱軟殼蟹配蒜蓉包咖喱係介乎日式同泰式中間 味道非常之香軟殼蟹比起平時食嗰啲大隻重點係一啲都唔會霉霉爛爛 好新鮮😍泰式燒牛扒Medium rare 燒得恰到好處牛味濃 加埋泰式酸酸醬汁 提升左牛既鮮味😍仲有大大份薯條 🍟

友人搵到喺尖沙咀有間特色泰國菜，食完覺得真係唔錯！位置旺中帶靜，入面座位唔多，睇落似係做酒bar 生意，但原來食物都整得好專業！先試個安格斯牛肉沙律，沙律醬帶酸，同生菜mix 牛肉嘅味道好夾，而且唔係用普通嘅牛肉，所以口感相當有保證！炒芥蘭，有泰式風味！豬肉生菜包，少辣，不過好惹味～生菜爽脆解膩。椰子雞湯，好香椰子同香矛味，雞肉嫩滑，大量草菇，飲完好滿足！蟹肉蛋餅，份量十足，蟹味香濃。魷魚筒，友人至愛，魷魚入口柔軟，不錯。燒豬頸肉，又係好大份，好香口，正！

很少見泰式菜式類型的bar，這間有酒精飲品亦有泰式味道，加上開放式設計，非常特別。食物的種類也很多，除了主食肉類及飯類，更有泰式串燒及特別炸物。馬拉盞炒雜菜
馬拉盞的濃郁香氣撲鼻，炒雜菜帶出微辣與鹹鮮的層次。份量充足，更有很少機會可以嘗試的紹菜苗，蔬菜保持爽脆，搭配醬汁不過膩，令人回味。金沙軟殼蟹
金沙醬的鹹蛋黃香氣濃郁，軟殼蟹炸得酥脆可口，外層薄脆內裡嫩滑。味道偏重但不搶戲，搭配少許辣椒絲更添風味。菠蘿海蝦炒飯
菠蘿的清甜與蝦肉的鮮美碰撞。大蝦表面有焦香味，菠蘿增添果香，配上香濃的炒飯更添風味。燒豬仔骨伴薯條
燒豬仔骨肉質軟嫩，份量非常豐富，肉質亦很厚。醬汁入味帶微甜，烤得焦香誘人。薯條外脆內軟，與主菜相得益彰。Pussyfoot

今晚去尖沙咀利時商場shopping 時，發現有間泰國餐館感覺不錯，跟朋友就決定今日晚餐就「Thailand King 」..這家店好有泰國風情🤭🤭泰式生蝦生蝦味道鮮甜，但估唔到佢個蝦頭炸過…可以成隻食.. 一點也唔會浪費正🤣🤣泰式蠔肉蛋餅….. 份量好足，蠔肉質量ok , 蛋香味亦好濃！香茅煮花蜆…估唔到份量不少花顯都好多，而且好大隻亦都好鮮甜不錯！泰式肉碎生菜包，可以有雞肉同豬肉揀…多一個選擇👍👍

泰式檸檬烏頭🐟烏頭用個爐熱住，一路食一路出煙，喺天氣凍嘅時候食特別暖笠笠，烏頭嘅肉質唔錯，檸檬係主要嘅調味料，檸檬嘅酸味確係同烏頭好夾，味道清新又唔會過酸，另外搭配咗一啲肉碎，係經典嘅泰國菜式～青咖喱軟殼蟹🦀每款咖哩菜式都可以自選黃/青/紅咖哩，靈活度高，軟殼蟹有兩隻，算係ok大隻同埋有少少膏，加錢可以配白飯、薄餅或者蒜茸包，值得叫嚟點咖哩食🫓炒雜菜🥬雜菜有西蘭花、芥蘭同埋椰菜苗，份量十足，相對平時嘅泰式炒菜就冇咁濃味，唔會太油👌泰式蟹肉蛋餅🍳蛋餅底下有啲芽菜，連埋一齊食口感會清爽啲，旁邊嘅係辣椒粉同埋辣椒醬，一定要加落蛋餅度食，會惹味好多🌶香茅椰汁雞湯🥣