更多
2024-02-21
35 瀏覽
今晚想落朋友食飯傾吓偈,於是搵咗間可以坐榻榻米嘅居酒屋食飯,氣氛都唔錯。日本酒的選擇都唔少。去居酒屋就梗係要食魚生啦!先食一份鮭魚層層疊,原來要火炙咗先食得,最面有沙律醬同埋蟹籽,然後就係好多嘅三文魚同埋卷物,味道好豐富!海膽杯都值得order,海膽份量都幾多,海膽加埋三文魚子嘅鮮味真係好突出,食完齒頰留香🥹蟹味噌甲羅燒配多士都值得推介,送酒一流。之後就食啲熱嘢啦,我哋食咗清酒煮蠔同埋串燒。串燒選擇唔算好多,推介大家食雞肉棒,配蛋汁食好味呀!Overall 呢度都唔錯,唔算話超級平,不過食吓嘢傾吓偈氣氛又好,下次再嚟。
張貼