影片
更多
2025-01-27
763 瀏覽
喺香港開業50幾年仍然屹立不倒嘅印度菜「Gaylord Indian Restaurant」。餐廳環境好寬敞，裝修富特色，好有印度風情！而menu上嘅食物選擇亦相當多樣化，除左印度咖哩之外，亦不乏其他印度地道菜色同街頭小食。每道菜嘅賣相都好靚，睇得之餘味道亦好好！以佢嘅賣相、味道、質素、環境黎講，性價比好高！落完order就有一份印度小食。脆片配薄荷醬，特別！Truffle Butter Chicken。Butter Chicken係印度咖哩中最常見嘅一款，但呢度加左Truffle，即刻昇華不少。第一啖咖哩真係有驚艷嘅感覺，係好creamy好濃厚嘅咖哩，充滿奶油同松露嘅香氣，同時亦食到各種印度香料嘅豐富味道！入面嘅雞件好嫩滑，仲帶有淡淡炭燒香氣，超正！另一款咖哩係羊肉咖哩Lamb Roganjosh。用洋蔥、紅辣椒嘅咖哩汁去燴個羊，啲羊肉一啲都唔騷，仲燴到好軟好腍同入味，咖哩微辣得黎帶點洋蔥嘅甜，係比較清爽嘅一款咖哩，都係唔錯嘅選擇。佢哋嘅Naan除左原味之外，有多款口味選擇，今次點左Cheese Truffle Naan都係超正！同樣都有濃郁嘅送禮香氣，仲有芝士嘅鹹香，塊Naan本身
餐廳環境好寬敞，裝修富特色，好有印度風情！而menu上嘅食物選擇亦相當多樣化，除左印度咖哩之外，亦不乏其他印度地道菜色同街頭小食。
每道菜嘅賣相都好靚，睇得之餘味道亦好好！以佢嘅賣相、味道、質素、環境黎講，性價比好高！
落完order就有一份印度小食。脆片配薄荷醬，特別！
Truffle Butter Chicken。
Butter Chicken係印度咖哩中最常見嘅一款，但呢度加左Truffle，即刻昇華不少。
第一啖咖哩真係有驚艷嘅感覺，係好creamy好濃厚嘅咖哩，充滿奶油同松露嘅香氣，同時亦食到各種印度香料嘅豐富味道！
入面嘅雞件好嫩滑，仲帶有淡淡炭燒香氣，超正！
另一款咖哩係羊肉咖哩Lamb Roganjosh。
用洋蔥、紅辣椒嘅咖哩汁去燴個羊，啲羊肉一啲都唔騷，仲燴到好軟好腍同入味，咖哩微辣得黎帶點洋蔥嘅甜，係比較清爽嘅一款咖哩，都係唔錯嘅選擇。
佢哋嘅Naan除左原味之外，有多款口味選擇，今次點左Cheese Truffle Naan都係超正！
同樣都有濃郁嘅送禮香氣，仲有芝士嘅鹹香，塊Naan本身都好軟熟，就咁食已經好好味！
配咖哩更係一流！
Tandoori系列平時喺其他印度餐廳食開炭燒雞，今次試下三文魚，點知好有驚喜！
炭燒過嘅三文魚保持嫩滑濕潤，有三文魚特有嘅魚油香之餘多左炭燒嘅香氣！配搭Honey Mustard sauce、洋蔥同埋檸檬等材料，味道特別豐富！
洋蔥同檸檬亦大大減低三文魚嘅油膩感，出色！
羊肉香料炒飯。
比想像中更好味嘅出品。
本身已經好中意食印度香米，呢個香料飯係近期食過最出色！
上檯嘅時侯有塊皮包住，一剪開就係香噴噴嘅香料飯，食得出呢個飯入面有好多唔同嘅香料，味道超豐富，入面嘅提子乾係我嘅最愛。
羊肉嘅份量都唔少！個飯吸收左羊肉嘅味道同香料嘅味道，就算已經好飽都忍唔住食左好多！
小食/前菜方面點左印度Taco。
推介蟹肉餡，好多蟹肉好滿足
印度烤帶子伴茄子菠蘿果醬。
一份有4粒帶子，帶子好重鹹鮮！配菠蘿醬又幾夾。
印度純蕃茄湯。
係帶點微辣嘅蕃茄湯，有香料味，幾特別！
飲品點嘅Mango Lassi都好足料嘅感覺！
Virgin Colada係Pineapple Juice，Lemon Juice，Coconut cream，好亞熱帶風情嘅飲品，果香十足，同印度菜嘅濃味都好夾！
張貼
