The Dutch House Restaurant

營業中

休息中

成日喺尖沙咀行完街，食嚟食去都係嗰幾間有啲悶，bookmark左呢間特別少少，好彩冇中伏。阿姆斯特丹脆炸牛肉丸外脆內嫩，脆皮挺身香脆得黎唔會太厚，感覺有啲似日式串炸嘅做法。 牛肉丸有肉汁牛味濃，店員話係牛尾撕成肉碎再加牛骨湯製成，難怪食得出自家製嘅味道。荷蘭傳統青口鍋基本上見一台一鍋咁濟，同其他西餐唔同嘅地方係，除咗忌廉之外，用咗大量雜菜去熬煮，畢喺大湯碟上面配麵包一齊食。 當然青口都係幼嫩鮮甜，但我心底裏覺得個青口湯先係主角，甜到痴線，蔬菜亦都唔似羅宋湯咁煮到爛晒，仲有少少爽脆，清新鮮甜。龍蝦湯罕有地有點火環節，無論賣相定味道都值得稱之為招牌菜。 龍蝦湯好濃稠，有濃郁嘅鮮味，隨意一撈已經係滿滿嘅龍蝦肉。 簡單一句就係濃而不膩，cream、香草、麵包粒等配料令味道更加有層次，又唔會喧賓奪主，一啖接一啖停唔到口。黑啤酒燜和牛肩有種家庭式嘅感覺，和牛肩炆到好腍，黑啤苦味唔會好明顯，只係有少少香味咁。 好鍾意底下嘅薯蓉，仲食到啲薯粒同蔬菜粒，成個組合好有燉菜嘅溫暖感。心太軟甜度啱啱好，雪糕鋪平左再唧奶油，成個甜品好似一式幾份嘅拼盤咁好有心思，由前菜去到甜品都好滿意。