神燈海鮮酒家 (18廣場)

營業中

休息中

位於佐敦既神燈海鮮酒家總店唔係一般酒樓，佢地係主打罕有手工粵菜！坐低後先叫左2款小食，分別係滷水豬生腸同涼拌豬腳筋，豬腳筋好入味，估唔到生腸都食到，配埋甜醬同芥辣，2款作為開胃小食都唔錯！蜜汁脆燒鱔 - 蜜汁既甜味恰到好處，鱔魚唔會腥，肉質鮮嫩，加上檸檬汁後更添風味，整體口感層次分明黑松露玻璃燒鵝 - 外皮光滑亮麗，肉質柔嫩，黑松露既香氣增添獨特風味而不會掩蓋鵝肉原有既鮮美糯米炒膏蟹 - 糯米香濃，蟹肉鮮甜仲有好多膏，糯米吸收了蟹既精華，每一啖都能感受到滿滿鮮味。最後餐廳仲會奉送飯後甜品，黑金流沙包真係好正，牛奶布甸滑溜溜而奶味濃郁，整體黎講全餐飯好有驚喜