神燈海鮮酒家 (18廣場)

安排到附近商業大廈嘅一樓，裝修好普通頗舊，枱與枱之間嘅距離窄，好嘈。就係好屋邨酒樓嘅感覺。🤔糯米炒膏蟹似乎係呢度嘅招牌菜。但係食落比較普通，米飯食落好多飯焦，硬硬哋嘅感覺，唔係炒糯米飯嗰種香軟煙靭嘅質感。蟹本身正常水平。整體嚟講冇乜特別，唔明點解係招牌菜。黑松露燒鵝另一個招牌菜，食落唔係非常濃烈嘅黑松露味，係帶淡淡嘅黑松露香，黑松露味道唔會好霸道。燒鵝比平時食開嘅燒鵝味道淡一啲，可能咁樣會更突出黑松露味，都幾特別又好味嘅。不過燒鵝本身就比較多肥膏。🤔即燒乳豬樓下有玻璃比你睇到伙計親手喺度明火燒乳豬，咁特別梗係要點下。但係食落又冇咩特別，乳豬皮同肉中間有肥膏，肉嘅味道比較淡。普通水平。💯龍蝦炒米粉全晚最鍾意呢碟。佢同平時酒樓嘅龍蝦炒伊麪味道唔同，係用咗味道濃郁嘅龍蝦湯汁，撈埋龍蝦肉同埋炒米粉。龍蝦汁嘅味道香濃鮮甜，龍蝦肉都好爽口鮮甜。好味！👌🏼古法金錢雞其實就係一嚿雞肝上邊插住一嚿肥豬肉，再點甜甜地嘅蜜糖汁。雞肝質地有啲乾，肥膏整得幾爽口。雖然係好邪惡，但味道唔錯嘅。蜜汁脆燒鱔符合預期嘅味道。👌🏼百花炸釀松葉蟹鉗超級大嚿！味道同平時酒樓食嗰啲差唔多。石澳梅菜蒸菜心菜心幾清甜，撈埋梅菜又帶點惹味。唔錯。👌🏼啫啫生菜煲：味道正常整體嚟講，黑松露燒鵝同埋龍蝦湯炒米粉最出色。其他就係正常酒樓水平。…查看更多

和20年未见的美国朋友一家来这里体验传统粤菜的魅力。果然没有失望，充满惊喜。菜式份量组，味道鲜嫩可口。网上获得大量推荐的焗鱼肠好特别，炸子鸡多汁鲜香，黑松露烧鹅也是令人印象深刻。特别推荐烟鸭胸肉配芒果，好吃和好看胜过火腿配蜜瓜。潮州鱼饭更是引起外国友人的浓厚兴趣，为什么明明是鱼却被叫做饭。…查看更多

地址寫地下同一樓，但實際上係喺2樓食。環境好差好嘈雜，得一個服務態度好差做嘢又唔掂嘅阿姐。啲嘢食催咗好耐都唔嚟。食物質素方面，嘢食份量好細，仲要係凍嘅。叫左個$1988嘅四人晚市套餐，完全物非所值。原本嘅龍蝦仲要冇咗，改咗做聲稱一樣價錢嘅水蟹。見到同場有其他人都係好耐先有餸食。問阿姐幾時有，但換來嘅係態度極差。真心覺得好難食，貼錢買難受。嬲到忍唔住要上OpenRice寫個食評。啲正評都唔知係真定假……查看更多

同朋友去咗主打食海鮮嘅「神燈海鮮酒家」⚱️.⚠️此餐廳收取10%服務費💰.薑蔥龍蝦銀絲煲🦞單點$588💰用上足足一隻龍蝦😍龍蝦厚肉彈牙😗非常鮮甜👍🏻薑蔥粉絲吸收晒龍蝦嘅精華🫚🍜超正💯.南非鮑魚啫啫雞🐓單點$498💰4隻南非鮑魚肥美🐚非常入味😋有咬口😝雞肉嫩滑🍗加入洋蔥🧅蒜子🧄炒得惹味香口😌.蜜汁脆燒鱔🐠單點$268💰燒鱔燒至金黃🔥膳肉豐厚肥美😉魚皮脆卜卜，肉質爽彈😆入口香甜蜜汁味🍯加上檸檬汁更提味🍋.椒鹽魷魚鬚🦑單點$98💰.前菜🥢單點$25💰琥珀核桃🌰.甜品(2客)🍮贈送💰有牛奶布甸同杞子桂花糕🥛🌼.茗茶及滾水(2位)🫖單點$30💰…查看更多

座位逼夾，地面有啲濕滑。食物OK，但價錢唔平。叉燒肉質OK，但唔夠蜜糖而且$258先至得八嚿，偏貴。黑松露燒鵝有少少黑松露味，但係個皮都唔係好脆。四季豆正常水準，少不免都係偏油。炒新竹米粉係唔錯嘅。最大問題係成晚問唔同嘅侍應，每次都要等好耐先有人理。 我哋坐低咗喺度唔知嗌咩食好，想問個侍應啦，啲侍應都忙緊、揮手都冇人理。問佢有冇套餐，先至另外攞一個套餐嘅牌俾我哋，點解唔係一開始就俾齊晒個Menu我哋呢？ 想埋單，又係等好耐，中間追個侍應，佢就話已經叫同事做咗，最終我直接去咗收銀枱，收銀枱嘅同事又話侍應先至啱啱通知佢。…查看更多