莆田 (PopCorn 2)

營業中

休息中

大閘蟹嘅季節梗係要食盡佢🤭🦀莆田都有大閘蟹，有唔同嘅大閘蟹套餐，亦可以就咁散叫。我哋就散叫咗一公一乸：公$168/隻、乸$118/隻。兩隻大閘蟹都新鮮熱辣辣蒸起，入邊都好多膏😋😋😋 真係大滿足！食完仲有薑茶俾你暖返個胃！除咗大閘蟹，我哋仲叫咗其他菜式。福建特色海蠣煎🦪呢個有好多蠔，夠晒鮮味。蠔餅有蛋，而且口感煙煙韌韌，有啲似台式嘅蚵仔煎。另外莆田荔枝肉，荔枝肉新鮮炸起皮脆肉嫩，酸酸甜甜幾開胃。我最鍾意食黃金荷葉包，呢個好似饅頭咁炸得金黃色，荷葉包可以夾住啲肉條食。