莆田 (形點 I)

營業中

休息中

秋風起，最應節就當然係食大閘蟹啦，一定要黎莆田食佢地既大閘蟹，幾款都好吸引。清蒸大閘蟹清蒸最能夠試到隻大閘蟹新唔新鮮，呢隻大閘蟹既膏都幾鮑滿，而且蟹肉都紮實。熟醉大閘蟹呢款凍食既醉大閘蟹真係一試難忘，酒香味濃不特止仲要帶有少少甘甜味，配合埋蟹膏既鮮甜味真係十分之夾。福建特色紅糟鰻用特製既紅糟包住炸好既鰻魚，外層酥脆，肉質爽且充滿油香，味道唔會好咸，值得一試。閩南特色海蠣煎有d似台灣既蚵仔煎，但係佢地既蠔都唔算細粒，蛋身比較乾而脆。閩南姜母鴨鴨肉嫩滑，醬汁煮到入哂味，薑味濃得黎帶少少辣感，食完個人暖哂。