影片
更多
2024-03-24
40 瀏覽
馬灣小旅行 🧳🇹🇷☕️放假🏖同朋友入馬灣黎個小旅行🧳。預先同朋友計劃一個行山嘅小旅行馬灣呢度可以行吓沙灘同埋個山，15至30分鐘就行完。之後喺附近嘅貓貓壁畫打個卡之後，就嚟呢度搵嘢食。舖頭有大馬路，搬咗去另一個位置。裝修依然都有一種土耳其旅行度假風。呢度有自己係熱沙上面煮咖啡體驗。特色嘅土耳其菜。亦都有配合我哋呢班港女打卡嘅Fusion飲品系列。如果有多啲時間做佢一早同店主約定做呢個土耳其馬賽克燈工作坊。朋友第一次嚟，所以就帶佢去煮咖啡！😊香橙熱沙咖啡 $78 ☕️🍊呢隻土耳其咖啡，必須要用靚靚咖啡粉。分兩個步驟，係熱沙上面慢慢咁樣煮咖啡。直到令到咖啡豆嘅油出咗嚟！佢同一般齋啡嘅分別就係味道特別香濃而且面上有一層浮起嘅咖啡豆油。齋啡放喺香橙入面，味道好特別！特別嘅果香！啤啤咖啡冰 $58身為港女嘅，我當然不能錯過任何打卡機會！於是我就揀咗呢個冰凍嘅啤啤熊咖啡☕️🧸🐻。冰凍又好香嘅芬達橙汁，慢慢將隻熊仔打完卡之後掉入去，啤啤熊，慢慢溶化嘅時候。咖啡會越嚟越濃郁。好似飲咗加咗芬達嘅Cold brew! 😃朋友仔唔鍾意飲咖啡都讚好好飲！果然啱晒女仔打卡用！以上嘅飲品，跟住主菜就平$10！***土耳
放假🏖同朋友入馬灣黎個小旅行🧳。預先同朋友計劃一個行山嘅小旅行馬灣呢度可以行吓沙灘同埋個山，15至30分鐘就行完。之後喺附近嘅貓貓壁畫打個卡之後，就嚟呢度搵嘢食。
舖頭有大馬路，搬咗去另一個位置。裝修依然都有一種土耳其旅行度假風。
呢度有自己係熱沙上面煮咖啡體驗。特色嘅土耳其菜。亦都有配合我哋呢班港女打卡嘅Fusion飲品系列。如果有多啲時間做佢一早同店主約定做呢個土耳其馬賽克燈工作坊。
朋友第一次嚟，所以就帶佢去煮咖啡！😊
香橙熱沙咖啡 $78 ☕️🍊
呢隻土耳其咖啡，必須要用靚靚咖啡粉。分兩個步驟，係熱沙上面慢慢咁樣煮咖啡。直到令到咖啡豆嘅油出咗嚟！佢同一般齋啡嘅分別就係味道特別香濃而且面上有一層浮起嘅咖啡豆油。
齋啡放喺香橙入面，味道好特別！特別嘅果香！
啤啤咖啡冰 $58
身為港女嘅，我當然不能錯過任何打卡機會！於是我就揀咗呢個冰凍嘅啤啤熊咖啡☕️🧸🐻。冰凍又好香嘅芬達橙汁，慢慢將隻熊仔打完卡之後掉入去，啤啤熊，慢慢溶化嘅時候。咖啡會越嚟越濃郁。好似飲咗加咗芬達嘅Cold brew! 😃朋友仔唔鍾意飲咖啡都讚好好飲！果然啱晒女仔打卡用！
以上嘅飲品，跟住主菜就平$10！
***
土耳其雞肉烤餅 $178
chicken Kabobs
好耐冇食烤餅，呢隻烤餅特別要讚下佢呢個特製蘿蔔醬。係由蘿蔔絲，調左一啲辣椒油，蛋黃醬，仲有仲有芥辣。燒烤嘅雞肉混合左佢嘅醬汁，唔算好濃味。都幾鍾意佢搭配嘅沙律生菜。有一種田園清新口感。我哋兩個女仔食落去都覺得好食。
拉絲地道小麥生日拼盤....$168
Happy Birthday Cake
Assorted Künefe / Baklava / Delight
呢一度小麥拉絲土耳其甜品，佢係有小麥同埋土耳其嘅芝士一齊烤焗，產生左一種好特別嘅椰絲口感，仲可以拉出有少少似麻薯嘅拉絲。你以為小麥粉就會好乾身，咁你就錯啦，佢食落去有啲似甜味媽咪麵，夾住啲椰絲味嘅麻薯。個雪糕都幾有雲呢拿味，椰汁奶嘅厚重感，仲有個心形嘅蝴蝶餅。作為打卡甜品賣相一流。
嚟到呢度仲可以同貓店主同埋狗狗🐕店主住一齊玩。成個裝修格局好似去咗土耳其旅行。氣氛同情調都好適合嚟呢度度假。😌
張貼
