熱沙咖啡

近年，馬灣多咗1868呢個景點，當中有唔少寵物友善餐廳。不過，當2人1狗嚟到馬灣，我即刻就想嚟呢間餐廳。雖然呢度冇海景，但狗狗可以喺室內用餐，而且店員友善、好客，上年嚟過1次，已經念念不忘。今年喺馬灣3日2夜staycation，就連續嚟咗2日。周五傍晚嚟到，發現室內座位擺設同上年唔同，而食物款式就冇乜轉變。我點番曾經食過的伊斯坦漢堡，狗狗爸爸就試滷雞肉飯，另外再+$30點1客土耳其開心果酥餅。星期一至五的餐點價格優惠，漢堡只係$48，星期六下午再嚟，就得番主菜餐牌，而我哋就試咗主餐牌入面的香草雞肉卷餅同鷹嘴豆醬配芝麻圈。伊斯坦漢堡，鷹嘴豆醬：$48；鍾意呢度的主菜會配新鮮沙律，健康，好食，仲可以同狗狗分享；漢堡包好大個，麵包經過烤烘，外脆內軟；餡料豐富，有鷹嘴豆醬、片裝芝士、生菜、生洋蔥同甘筍絲沙律；甘筍絲沙律酸酸哋，味道特別、開胃；生洋蔥唔辛辣，微甜；鷹嘴豆醬調味清淡，有豆味；食漢堡時幸福感滿滿，非常滿足滷雞肉飯：$58；份量足，幾大碟，不過狗狗爸爸話雞肉幾鹹土耳其開心果酥餅：原價$68，跟餐/主菜+$30，可以一試；甜品的骰，有1小杯雲呢拿雪糕，面頭灑上少量開心果碎；雪糕以奶味為主；開心果酥餅由一層層類似拿破倫酥皮製成，夾層應該係開心果饀，但開心果味唔突出，冇乜堅果香；土耳其甜品普遍偏甜，熱量高，呢個酥餅亦唔例外，幸好佢份量細，加上我哋2個人食，唔算太漏；一試無妨，但香港人未必會愛上香草雞肉卷餅：$98；雖然有啲貴，但份量可以；狗狗爸爸覺得味道唔錯，調味偏淡，佢話如果雞肉香辣少少會惹味啲鷹嘴豆醬配芝麻圈：$88；主餐牌上有另一個近似素食選項，由格仔餅取代芝麻圏，價錢平$10，問店員兩者的分別，佢話格仔餅煙靭啲，有𡁻口，而芝麻圈會較香脆、可口，所以，揀邊款主要視乎個人口味；我揀芝麻圈的原因係睇圖片佢比較得意、有特色；上餐時，芝麻圈已被剪開，分細件；芝麻圈果然香脆，有啲似pretzel，就算唔係特別鐘情香口食物，我都覺得佢真係幾好食；鷹嘴豆醬幾大碟，調味溫和，健康飽足狗狗食評🐕📝：食物🍽️：呢度啲嘢食都有沙律菜㗎，所以，我有好多菜菜食，亦食咗少少麵包同鷹嘴豆醬環境🌳🪑：我可以入室內坐，有冷氣歎，而食客同店員都好歡迎我；雖然餐廳唔算大，但都可以放我的戰車，而就算我想落地行亦冇問題寵物友善度💖：餐廳店員對寵物態度好，但暫時未有寵物餐或為寵物而設的設施…查看更多

垃圾餐廳0服務 - 入到去完全冇人理，叫你自己掃code落單，追單0回應，仲夠膽收人+1服務費1個鐘都上唔到菜 - 落咗單一個鐘完全冇任何嘢食，講緊全場10檯客都冇，問個侍應淨係話今日好多甩漏，每台都有嘢爭，問佢開始整我哋嗰個未，淨係識匿埋喺廚房扮有跟進緊，出返嚟完全冇再理過我哋，在下兩次出餐都唔係出俾我哋，講緊係我哋坐咗一個鐘完全冇任何食物喺枱上面，一絲抱歉都冇，完全影響心情。人生第一次嚟馬灣就體驗到咁樣嘅服務對待，如果佢哋係馬灣人都真係影衰晒。總括而言，千祈唔好入去中伏，警世！！！…查看更多

放假有時唔想北上或者去旅行，留喺香港都唔錯，雖然好多朋友都話香港冇乜地方，但今日我哋就去咗馬灣，呢度都幾多嘢玩天氣咁熱，都行得舒服啲，行一輪之後，我哋就去咗一間餐廳佢哋呢度好特別，餐飲＋加$80參加療癒工作坊，玩畫碟、馬賽克創作，玩得開心又療癒✨，放慢步伐，悠閒一整天～食物方面，價錢唔貴但嘢食幾好食，如果係同女仔嚟呢度就啱晒，好多影相打卡位，但係我哋兩個男仔過嚟都玩得好開心，工作坊完咗之後就日落，呢度影相都好靚，下次同朋友再嚟…查看更多

好多年前同朋友去過呢間餐廳旺角嘅分店，嗰陣時覺得嘢食唔錯，不過好似幾年前已經關門了，有啲可惜最近先知道原來佢哋喺馬灣開咗，好似都開咗幾年，係疫情開始，不過馬灣真係有啲遠，所以今日先有時間過嚟附近有好多嘢玩，同小朋友嚟嘅唔錯，環境方面同餐廳都坐得，同以前一樣有煮食教學，可以一邊食一邊玩我就鍾意輕食，無論牛角包定咖啡都好好味，每樣食物都好有質素影相同打卡真係好開心，放假嘅話同朋友嚟都唔錯，下次同其他朋友都會再嚟…查看更多

想試土耳其菜，所以同屋企人山長水遠去喱間餐廳，餐廳內得返一張坐得落三個人嘅枱，但係就已經俾人book咗，個waitress(應該都係店主之一），就話嗰張枱之後一個鐘有人book咗，所以一個鐘內要交枱，咁我地就覺得一個鐘都夠食嘅。點知等佢出餐都等左半個鐘，好心佢出餐時間要咁耐，就一早講聲啦。三個人order左三個餐，連杯水都冇，喱野食又油又咸，又要我地半個鐘內食完，我同個waitress講話想要杯水，佢就真係淨係斟一杯水我，比多兩杯都冇，價錢唔平不單只，食物又野難食，服務更係差差差差差，食到一肚氣。咁樣做生意，簡直係趕客，既然冇心做就冇做啦。…查看更多

馬灣呢度有多唔同嘅嘢玩，早兩日我哋就過獎嚟依面，除咗影相打卡，呢度都有好多唔同嘅地方可以行吓，放假嚟真係幾開心不過天氣真係好熱，所以我哋行咗半日之後買間餐廳坐低，順便食埋嘢今次嚟咗間土耳其餐廳，佢哋真係外國人開，所以味道好正宗，而且佢哋係私房菜料理，除咗會教你煮食之外，佢哋食物材料都好新鮮好味我就最鍾意依個園池素雞飯，個賣相已經好靚，聖誕去好新鮮，味道真係唔錯，影相打卡自然又好食，呢個一定要試吓！…查看更多

環境超好，嘢食都比預期好食，咖啡好有特色 可以體驗一下土耳其咖啡嘅味道及氛圍。睇到土耳其咖啡製作過程，整體體驗出乎意料之外。適合情侶朋友一起黎玩一日，諗唔到去邊就去馬灣行個圈。…查看更多

放假入馬灣行下順便食嘢，上網搵過見到呢間食土耳其菜嘅好似幾吸引，就嚟試下😗店內外裝修都好有心思，好有異國風情，位置不多，店員好友善又會主動介紹馬灣景點，成個感覺好溫馨🥰 仲有年長嘅店長貓，長期係到訓教🤣我地叫咗兩份主食、一份小食，仲有兩杯嘢飲～- 焗薯角（雙併） 雙併揀咗牛肉腸同素雞，食落好惹味仲有少少辣，加埋啲芝士同千島醬（？）食一流😋- 香烤雞卷 呢個我冇試，不過睇落幾大份同足料👍- 蒜香牛小排薄餅 好好食！！肉質唔係好腍果種，但都唔會好韌，重牛味，加埋啲香草/調味料勁香😋 每一嚿肉切少少薄餅配埋嚟食👍 薄餅太大塊嘅話會蓋過咗啲牛肉香～ 旁邊仲有少少鮮茄蓉，試過配埋牛肉嚟食，但個人都係鍾意就咁食個牛本身個味道，所以最後啲鮮茄蓉我就咁拎嚟沾薄餅食😆- 菠蘿蘋果沙冰 好清新好香蘋果味，mix埋淡淡菠蘿香，幾夾～- 水果乳酪 揀咗熱情果味，酸酸甜甜仲有好濃乳酪味😋 口感好順滑，好飲👍價錢嚟講唔算平，不過質素唔錯，值得嚟食🤗 食完仲可以去馬灣1868行下影下相😆…查看更多

假日同朋友入離島chill下😮‍💨知道最近馬灣開咗新嘅打卡景點馬灣1868壁畫村，梗係要入去朝聖一下打下卡📸去咗bookmark咗好耐嘅土耳其主題cafe－熱沙咖啡，試吓想試好耐嘅土耳其咖啡😛店內貫徹土耳其風格，食物方面有唔少中東style主菜以及其他西餐，當然唔少得正宗用沙去煮嘅土耳其咖啡啦。店內仲有肥貓同可愛嘅貴婦狗，喺度歎杯土耳其咖啡、玩下貓狗都幾正🥳🍗土耳其烤雞飯 $178份量超級大，上菜時聞到香噴噴好吸引😍烤雞尤其雞髀位超級嫩滑！好juicy😋😋雞皮塗上酸酸地微辣嘅香料，惹味之餘唔會太濃香料味，味道啱啱好。配菜有開胃嘅沙律，同樣份量十足😆🐑亞美尼亞羊架飯 $188無烤雞咁出色，不過鍾意食羊嘅人都會啱，羊架啖啖肉，肉質偏實但唔會韌，帶少許羊騷味同香草味。☕️土耳其咖啡 主菜 +$30／教玩 +$80嚟呢度嘅重點唔係歎主菜，而係歎土耳其咖啡😎土耳其咖啡跟餐+$30就有，如果想體驗更多，可以加$80，有埋店員手把手教你點沖🧑🏻‍🍳可以係烘熱嘅爐上慢慢用沙堆煮咖啡。店員講得好詳細，會教你煮滾幾多轉會濃郁啲淡啲，又會講解土耳其咖啡歷史👏🏻唔講唔知，原來土耳其男子要知道女仔係咪鍾意自己，會帶佢去自己屋企沖咖啡，如果女仔係咖啡內加入糖、肉桂等令咖啡風味更好嘅材料，即係對男仔要有好感，相反加入鹽、辣椒等令咖啡變奇怪嘅配料則表示拒絕🤪用呢種煮法煮出嚟嘅咖啡會滲出不少咖啡油，飲落香醇微酸，幾香，唔會太苦澀👍🏻仲有粒土耳其軟糖送。學成仲有明信片扮證書送比你做紀念🥰推介指數（10分為滿分）：8分…查看更多

The food menu is overpriced while the food quality is very low.The staff are not friendly and the dishes are not clean (the plates had a dry sause and pieces of food stick to it).We ordered the chicken (HKD 158) and the beef steak (HKD 208). and the cheese bread (HKD 85).The chicken was half burned and half not cooked till the end (it was red and mushy).The served steak was 50% just fat and almost no meat.The chesse break is surely from a supermarket cheese break frozen pack as it wasnt even hot enough (probably frozen and reheated).When speaking with the person that was in the kitchen and seems to be the owner, the feedback was "oh, sorry sorry"... there was no sense of understanding of customer service and what was the issue. They just wanted me to pay and leave. they also charge you 10% service fee while it takes them over 30 min to prepare your food and also charge you 1-3% credit card fee if you pay with ali pay or credit card.Total paid over HKD 500 for nothing more than a bad experience and low-grade food.I will never come back to this place again.Waste of my time and money.…查看更多

記得上一次入馬灣係八年前，仲係去挪亞方舟，其他地方完全冇去過。見到近期大熱「馬灣1868」，好多人去打卡，之後就去咗馬灣鄉事會路大街村北食lunch，呢度有間主打土耳其私房菜，仲有土耳其咖啡教學班。店內裝潢舒適，佈置精美，仲可以任穿土耳其服飾，打卡真係一流。☕️順便梗係學煮製土耳其咖啡體驗一下。🫖紅石榴茶 $45～先上一壺開胃茶，酸酸甜甜，味道好醒胃！🍕海鮮菠菜芝士薄餅 $188～土耳其一種傳統料理，一層一層薄餅皮，放上適量的餡料，形成長方形。味道外脆內軟，風味獨特。🌮秘製雞肉烤餅 $178～雞肉鮮嫩多汁，生菜清脆，香氣撲鼻，口感豐富。🍍🍧菠蘿百香果沙冰 $58🍍🍧菠蘿橙肉沙冰 $58🍠🧊自家製紫薯雪條 $40～用上新鮮紫薯蓉而成，食落有紫薯粒嘅口感。🌱🧊自家製到手香雪條 $40 ～加入新鮮檸檬汁嘅到手香雪條，味道酸酸甜甜，亦有奶香，好特別嘅味道。☕️土耳其咖啡~呢個煮咖啡教學體驗好正，一定要試吓自己試吓整😆，導師話土耳其人一杯可以飲半日，仲有一粒土耳其糖，邊吃邊飲！…查看更多

馬灣必去呢間我愛伊斯坦堡熱沙咖啡已經比我book mark多時，睇人哋啲blog話假期去勁多人，今日特登約埋朋友平日放假去玩，平日都有三四組人喺度，果然大受香港人歡迎，我哋特登打去預約熱沙咖啡工作坊，仲食咗好多好嘢😁餐廳有提供$48起只限平日嘅街坊餐，不過我哋特登去梗係食返最有特色嘅土耳其主菜，平日優惠時段都會減$20（以下係原價），仲送土耳其茶羊肉粒菠菜芝士Pizza $188 已設成小塊好方便食，個餅底好酥脆，夾滿咗羊肉同菠菜，用上細羊羊架肉更嫩滑，面頭再有大量乳酪芝士，Rich得嚟唔會太膩牛小排粒飯 $208 店員耐心介紹啲肉類全部都用乳酪醃過，唔使用鬆肉粉但都好滑，調味除咗土耳其特色嘅香料，仲有紅石榴同洋蔥粒更甜，撈埋沙律食好清新乳酪脆脆 跟餐 $38 落咗玫瑰醬，勁出色，同常見嘅蜜糖一樣甜甜地，但多咗玫瑰花香，店內仲有得買土耳其橙玫瑰醬，只需$50樽，乳酪加埋鮮果粒平時返屋企都可以整到土耳其風味紫薯雪條 跟餐 $30 用雪糕同新鮮紫薯蛋食，咬落啖淡紫薯香，仲有馬灣同店名圖樣好有打卡特色菠蘿百香果沙冰 / 菠蘿橙肉沙冰 跟餐 $48 夏天熱辣辣，又喺舖頭Hea咗半日，當然要叫多杯嘢飲，熱情果同菠蘿真係好friend！土耳其咖啡工作坊 跟餐 $80 就係約呢間嘅重點項目，店員會介紹返土耳其優勢嘅咖啡粉，之後用沙爐預熱，浸出豆油，再用熱沙煮到佢滾咗幾次就可以倒落杯度享用，店員仲會細心建議因為有橙肉橙橙汁，煮多幾次都可以，唔怕太苦🤣 btw 個男仔店員幫人影相好叻🤣 大家記得要搵佢做攝影師…查看更多

位處馬灣的土耳其主題餐廳🇹🇷Coffee on the sand ，進店已被異國氛圍吸引了！餐廳裝潢充滿異國色彩，看到店家的用心，像是去了趟小旅行～ 今次揀選的幾款食物及飲品 款款都充滿驚喜 ⭐土耳其紅石榴茶($48)先來一壺紅石榴茶 醒胃又清新⭐土耳其烤雞飯廳（portion) ($178）香烤風味 雞肉保留肉汁 味道不錯⭐菠菜芝士薄餅 ($98）帶芝士奶香 有菠菜口感 這兩個配搭很襯喔⭐菠蘿橙沙冰 ($58)喝下帶有清新感覺 而且充滿菠蘿香氣⭐黃皮百香果雪條配黃皮百香果特飲 ($78) 用上黃皮百香果自家製的雪條酸中帶微甜的清爽甜點 解膩很不錯再配上一杯打至起泡的百香果特飲 口感綿密清新 可將雪條浸於特飲中邊飲邊吃為朋友預祝生日點了份⭐拉絲地道小麥生日拼盤 ($168)一個相當有特色的土耳其甜品拼盤內裡用上小麥及芝士製食 喜歡這口感而且充滿健康纖維 旁邊放有開心果酥及土耳其軟糖 上面加上一球雪糕🍨是對土耳其甜品的初體驗再來親身體驗⭐土耳其咖啡 ($80)☕️ 店員耐心介紹咖啡由來及煮法以傳統土耳其熱沙煮咖啡的技法製作過程很治癒 耐心烹煮慢慢滲出香氣飲落濃郁帶果香 店員更說杯底可以占卜運勢…查看更多

馬灣1868 開左！新開嘅一定要去踩踩點🌿每到weekend就要 放電⚡️就會好想去小島 或者去人小小風景好的小地方🌴馬灣就係逃離石屎森林 我後花園之一🪴熱沙咖啡都係馬灣必去餐廳 上次去過一次 因為好有特色 香港真係唔多🥹4點去到全院爆滿 仲有韓國遊客😂🎨土耳其咖啡☕️工作坊衝住呢個workshop而黎😻親手沖一杯咖啡 係熱沙上面打轉🪹味道都非同凡響 豆油香再配減糖的花糖 一啖咖啡一啖糖 Aftertaste淡淡花的餘香🌸老闆娘話土耳其人可以係一杯飲足一日☕️🐥土耳其烤雞飯$178烤雞足足有成半隻 香草同埋鹽都滲透係雞皮上 再配埋秘製嘅土耳其醬 酸酸甜甜好開胃🍅一開始完全冇諗過個飯咁多 兩個人嘅份量🥘🧀菠菜芝士薄餅🍧水果乳酪脆脆🐿️🍃非常之有特色嘅小店 無論係local定係旅客其實都好值得入去 再加上馬灣1868開咗更加多嘢玩🦥…查看更多

呢間喺馬灣嘅餐廳主打土耳其菜，除咗出名飲土耳其咖啡，原來甜品都好好食，最驚喜係餐廳有一隻貓一隻狗，仲肯畀你摸到夠，鍾意小動物嘅朋友嚟到應該會好開心💛🐔 土耳其烤雞½（$178）雞醃得好入味，就算係烤半隻雞都keep到雞肉嫩滑唔嚡，仲配咗款醬，上枱嗰陣餐廳負責人介紹呢款係類似土耳其式嘅泡菜醬，入面有蕃茄、洋蔥、尖椒、指天椒、土耳其石榴等（希望無記錯😆），食落酸酸地，唔算好滑，點落雞肉食，開胃又惹味👍🏻🫓 菠菜芝士薄餅（$88）呢個薄餅嘅薄餅皮烤到香脆，係薄身脆口嘅嗰種，同餡料嘅比例配合得啱啱好，再加埋菠菜芝士呢個配搭本身好正🧀😋🍏 蘋果茶（大）（$40跟餐）呢壺熱蘋果茶飲落酸甜清爽，好開胃，味道完全唔似平時飲嗰啲假蘋果味，茶味都好濃🍵 我個人超鍾意，推薦！🍰 小麥拉絲蛋糕（$88跟餐）第一次試呢款甜品，好特別！個底係小麥蛋糕同埋乳酪芝士，上面再加一球雲尼拿雪糕🤤 甜度啱啱好，配埋咖啡／熱蘋果茶都好夾😌 嗰晚食完已經心思思想下次再嚟encore👉🏻👈🏻☕ 玩土耳其咖啡（$80跟餐）坊間好多沖咖啡體驗，但真係未玩過土耳其咖啡🤔 呢個體驗好有趣，過程中負責人除咗教我哋沖嘅步驟，仲分享咗啲土耳其飲咖啡嘅小知識畀我哋，只要您肯問肯記，真心學到嘢～至於咖啡入口甘香，就算冇落糖同奶都唔苦，就算平時唔太飲咖啡嘅都應該會覺得易入口😋😻 環境+整體感受餐廳裝修好有心思，好似真係放假去咗轉土耳其噉，氣氛幾chill，最驚喜係店內有一隻唔怕人摸嘅貓貓沙沙🐱同埋好活躍嘅狗狗啤啤🐶，玩到唔捨得走😳 而且餐廳負責人都好nice，會主動分享沙沙同啤啤嘅性格，又同我哋介紹馬灣仲有咩好去處，比起平時嘅餐廳多咗份親切感～想嚟個偽旅行chill下嘅，非常推薦大家去💕…查看更多