影片
電話號碼
90276970 (WhatsApp)
開飯介紹
店內放滿土耳其杯具，精緻土耳其燈，非常有異國風情。更有特色土耳其咖啡，在烹煮熱沙咖啡時，需將咖啡壺放在已預熱沙堆中。另有自家製乳酪、土耳其軟糖、土耳其燒雞等，給你全面享受土耳其文化。
繼續閱讀
附加資料
一星期有一天休息，敬請預約。
營業時間
今日營業
11:30 - 21:00
星期一至五
11:30 - 21:00
星期六至日
09:00 - 21:00
公眾假期
09:00 - 21:00
公眾假期前夕
09:00 - 21:00
以上資料只供參考, 請與餐廳確認詳情
-
網上訂座服務暫停
記得上一次入馬灣係八年前，仲係去挪亞方舟，其他地方完全冇去過。見到近期大熱「馬灣1868」，好多人去打卡，之後就去咗馬灣鄉事會路大街村北食lunch，呢度有間主打土耳其私房菜，仲有土耳其咖啡教學班。店內裝潢舒適，佈置精美，仲可以任穿土耳其服飾，打卡真係一流。☕️順便梗係學煮製土耳其咖啡體驗一下。🫖紅石榴茶 $45～先上一壺開胃茶，酸酸甜甜，味道好醒胃！🍕海鮮菠菜芝士薄餅 $188～土耳其一種傳統料理，一層一層薄餅皮，放上適量的餡料，形成長方形。味道外脆內軟，風味獨特。🌮秘製雞肉烤餅 $178～雞肉鮮嫩多汁，生菜清脆，香氣撲鼻，口感豐富。🍍🍧菠蘿百香果沙冰 $58🍍🍧菠蘿橙肉沙冰 $58🍠🧊自家製紫薯雪條 $40～用上新鮮紫薯蓉而成，食落有紫薯粒嘅口感。🌱🧊自家製到手香雪條 $40 ～加入新鮮檸檬汁嘅到手香雪條，味道酸酸甜甜，亦有奶香，好特別嘅味道。☕️土耳其咖啡~呢個煮咖啡教學體驗好正，一定要試吓自己試吓整😆，導師話土耳其人一杯可以飲半日，仲有一粒土耳其糖，邊吃邊飲！
繼續閱讀
位處馬灣的土耳其主題餐廳🇹🇷Coffee on the sand ，進店已被異國氛圍吸引了！餐廳裝潢充滿異國色彩，看到店家的用心，像是去了趟小旅行～ 今次揀選的幾款食物及飲品 款款都充滿驚喜 ⭐土耳其紅石榴茶($48)先來一壺紅石榴茶 醒胃又清新⭐土耳其烤雞飯廳（portion) ($178）香烤風味 雞肉保留肉汁 味道不錯⭐菠菜芝士薄餅 ($98）帶芝士奶香 有菠菜口感 這兩個配搭很襯喔⭐菠蘿橙沙冰 ($58)喝下帶有清新感覺 而且充滿菠蘿香氣⭐黃皮百香果雪條配黃皮百香果特飲 ($78) 用上黃皮百香果自家製的雪條酸中帶微甜的清爽甜點 解膩很不錯再配上一杯打至起泡的百香果特飲 口感綿密清新 可將雪條浸於特飲中邊飲邊吃為朋友預祝生日點了份⭐拉絲地道小麥生日拼盤 ($168)一個相當有特色的土耳其甜品拼盤內裡用上小麥及芝士製食 喜歡這口感而且充滿健康纖維 旁邊放有開心果酥及土耳其軟糖 上面加上一球雪糕🍨是對土耳其甜品的初體驗再來親身體驗⭐土耳其咖啡 ($80)☕️ 店員耐心介紹咖啡由來及煮法以傳統土耳其熱沙煮咖啡的技法製作過程很治癒 耐心烹煮慢慢滲出香氣飲落濃郁帶果香 店員更說杯底可以占卜運勢
繼續閱讀
馬灣小旅行 🧳 熱沙咖啡Coffee On The Sand 洛神花茶鍾意嗰種粉紅色嘅少女心感覺，酸酸甜甜，好似戀愛中嘅滋味，令人一試難忘！士耳其烤雞飯1/2 $178Mersin Chicken Rice (Half Portion)廚師用當地香料和土耳其濃厚蕃茄醬（Salgal）醃製，香濃雞油融入米飯中。半隻烤雞兩個人食啱啱好，鍾意嗰啲菜健康有營養。廚師特色素薄餅 🍕$158感覺上有厚重嘅芝士，淡淡都係菠菜，減輕罪惡感之選。土耳其熱沙咖啡🇹🇷 ☕️ 呢一種熱沙咖啡，係要煮出土耳其人要求嘅咖啡豆油，喺熱沙上面☝️拎住細細嘅咖啡杯順時針一路燒一路轉轉圈，當杯咖啡沸騰嘅時候就會出咖啡豆油，煮好之後就用匙羹潷兩匙羹出嚟。 隔咗咖啡豆油之後嘅咖啡繼續喺熱沙上面煮。 煮好之後就慢慢倒入去有咖啡豆油嘅杯入邊。 土耳其嘅女仔👧個個都識煮呢隻熱沙咖啡，通常啲男仔去到佢哋屋企嘅時候佢哋會煮俾佢飲。 知唔知道點樣表示佢接受呢個男仔呢？ 就係用廚房入邊嘅糖？ 咁如果拒絕嘅時候呢就係比鹽啦。 不過土耳其嘅男仔百折不撓，佢會覺得自己誠意唔夠，所以係唔會放棄，飲完杯咖啡之後就要扮好甜好好飲！ 然後佢哋就會繼續佢哋嘅追求！ 一杯土耳其熱咖啡， 加上土耳其嘅軟糖，有少少無花果嘅味道，再加上黑咖啡嘅感覺，細細杯土耳其嘅人就可以飲一個下午！ 如果想感受慢活可以帶朋友，或者曖昧中嘅對象過嚟！😌至於土耳其嘅甜品，係一個小麥拉絲餅，上面係會有一個雪！ 小麥拉絲甜餅，有一種介乎麻糬，仲有薩琪瑪嘅拉扯感覺！ 甜得來又煙靭，說不出嘅滋味，咁樣就可以感受一個特別嘅土耳其小旅行！#馬灣旅行 #土耳其熱沙咖啡 ☕️ #慢活之選 #咖啡時間呢度嘅環境有一種去咗度假嘅感覺，週末過嚟就啱晒！享受一個慢活嘅時間。
繼續閱讀
同狗狗、狗狗爸爸喺馬灣staycation。以往去開Cafe Roma、Little Mario，食的都係薄餅、漢堡包，今次嚟呢度試下土耳其菜。欣賞餐廳係寵物友善，狗狗可入餐廳坐，唔需要坐室位區域（室外的櫈係高椅，唔方便照顧狗狗），仲可以隨意喺餐廳裡面行走添。餐廳提供「街坊價」餐點，經濟實惠，不過當中只有幾款土耳其食物。烤雞1/4隻（$98）：餐牌冇寫有配菜（沙律），我哋問店員係咪跟飯，最後，跟咗飯。其後聽到另一檯點烤餅，先知道可以揀飯/烤餅，建議大家可問下店員，跟烤餅有特色啲。烤雞色澤好靚，充滿油光，狗狗爸爸切落去時都感覺到雞肉好嫩滑。佢話雞件調味唔錯，而碟上的乳酪醬我哋唔確定係咪配烤雞，但狗狗爸爸話雞係熱，醬係凍，夾埋奇怪啲，所以最後冇醮嚟食。飯的份量唔多，半碗左右；沙律材料豐富，調味仲唔錯添鷹咀豆醬伊斯坦漢堡（$48）：抵食！賣相靚，漢堡大大個，店員都話打卡最啱；麵包烤焗得啱啱好，外脆內軟；跟餐的沙律份量幾多；漢堡入面的鷹咀豆醬搽得唔算好厚、好多，味道略鹹；漢堡的饀料仲有用沙律醬撈咗的紅蘿蔔絲，佢的味道幾特別，好食，加落個漢堡度，令漢堡的味道同層次更豐富；芝士細細件，冇乜特別；整體而言，呢個漢堡性價比極高，以呢個價錢可試到土耳其菜，超值~菠蘿蘋果沙冰（跟餐+$48）：飲品唔算好大杯，亦冇乜presentation，但絕對真材實料，似飲緊一啖啖蘋果蓉咁；感覺佢的甜味係嚟自鮮果，幾抵飲，值得一試嚟到馬灣，可以抱住度假心情，試下異國的食物，包括少接觸到的土耳其菜，好特別。加上狗狗嚟到，受到餐廳接納、歡迎，呢點都好重要。下次有機會再到馬灣，都會再幫襯。
繼續閱讀
馬灣必去呢間我愛伊斯坦堡熱沙咖啡已經比我book mark多時，睇人哋啲blog話假期去勁多人，今日特登約埋朋友平日放假去玩，平日都有三四組人喺度，果然大受香港人歡迎，我哋特登打去預約熱沙咖啡工作坊，仲食咗好多好嘢😁餐廳有提供$48起只限平日嘅街坊餐，不過我哋特登去梗係食返最有特色嘅土耳其主菜，平日優惠時段都會減$20（以下係原價），仲送土耳其茶羊肉粒菠菜芝士Pizza $188 已設成小塊好方便食，個餅底好酥脆，夾滿咗羊肉同菠菜，用上細羊羊架肉更嫩滑，面頭再有大量乳酪芝士，Rich得嚟唔會太膩牛小排粒飯 $208 店員耐心介紹啲肉類全部都用乳酪醃過，唔使用鬆肉粉但都好滑，調味除咗土耳其特色嘅香料，仲有紅石榴同洋蔥粒更甜，撈埋沙律食好清新乳酪脆脆 跟餐 $38 落咗玫瑰醬，勁出色，同常見嘅蜜糖一樣甜甜地，但多咗玫瑰花香，店內仲有得買土耳其橙玫瑰醬，只需$50樽，乳酪加埋鮮果粒平時返屋企都可以整到土耳其風味紫薯雪條 跟餐 $30 用雪糕同新鮮紫薯蛋食，咬落啖淡紫薯香，仲有馬灣同店名圖樣好有打卡特色菠蘿百香果沙冰 / 菠蘿橙肉沙冰 跟餐 $48 夏天熱辣辣，又喺舖頭Hea咗半日，當然要叫多杯嘢飲，熱情果同菠蘿真係好friend！土耳其咖啡工作坊 跟餐 $80 就係約呢間嘅重點項目，店員會介紹返土耳其優勢嘅咖啡粉，之後用沙爐預熱，浸出豆油，再用熱沙煮到佢滾咗幾次就可以倒落杯度享用，店員仲會細心建議因為有橙肉橙橙汁，煮多幾次都可以，唔怕太苦🤣 btw 個男仔店員幫人影相好叻🤣 大家記得要搵佢做攝影師
繼續閱讀