熱沙咖啡

營業中

休息中

平時去開長洲、坪洲或者南丫島等等嘅離島地方，好少去馬灣，所以同另一半決定去一轉馬灣。嗰時正值下午茶時間，由於馬灣都唔係好大，好快我哋都探索咗島上面幾個景點，於是我哋就決定求其喺附近搵一間嘢食。最後居然俾我哋好求其地搵到一間好有特色嘅土耳其風味菜，我哋都留意到其實全場爆滿，我哋身邊所有食客幾乎都有book位。但咁啱我哋去嘅時候有客甩底，咁就好幸運地可以食到。‣ 土耳其烤雞飯 $178烤雞都算幾大份，雖然塊皮有少少燶燶地，但係我覺得佢嘅雞肉都算嫩滑，唔會太嚡口，而且都好多汁。米飯就正正常，軟硬適中，如果想味道再更上一層樓，就一定要搭配佢特製嘅酸辣醬一齊食，食多幾件雞都唔會覺得特別油膩。‣ 土耳其鴛鴦雪條配咖啡 $78如果唔鍾意飲齋啡嘅朋友，飲呢杯就啱啱好，我覺得雪條嘅甜味係可以中和到咖啡嘅苦，又唔會令到杯咖啡變得太甜，感覺啱啱好。喺過程入邊我都偷偷地拎起個雪條咬咗幾啖，我好鍾意食個雪條，因為我覺得佢嘅甜味啱啱好。如果下次大家有機會過嚟食嘢，一定要試一試呢一杯特飲。‣ 土耳其咖啡 $45係齋啡嚟，冇糖都冇奶，夠晒正宗。味道算係好易入口，唔會好苦，你飲到佢嘅甘香多過佢嘅苦澀味。