瘋狂小面 (佳德商業大廈)

營業中

休息中

位於中環既樓上麵店，搭lift上一樓就到。餐廳既佈置好有傳統風味。餐牌上既麵食分別有湯麵同乾拌麵，紅湯或乾拌麵可以揀唔同既辣度。今日腸胃麻麻地，就唯有試唔辣既白湯，估唔到又幾有驚喜。瘋狂牛肉面白湯湯底味道幾濃郁，好鐘意咁多蔥。牛肉粒用左美國牛鍵子，肥瘦均均，軟而不爛，麵底選用新鮮水麵。蒜泥青瓜青瓜夠哂清新爽口。成都老冰粉賣相係唔同層次既淡黃，幾靚。食辣的話通常都會有杯冰粉解辣。羅漢果冬瓜茶羅漢果味好重，冬天飲都幾滋潤。