食評

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品 $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度等。自己剔紙落單。涼拌木耳 (跟餐)小食份量都唔細，爽口木耳加有蒜蓉，伴有好多辣椒，都幾辣下。瘋狂擔擔麵 加牛肉 加$15 另加一呢度用新鮮水麵，餐牌寫明非油炸或掛麵，又真係食得出，好健康。d麵都唔會話太軟身或一pat pat，分量足。撈有好多肉醬，仲有三條菜心苗，青瓜絲，花生米同蔥花，帶有多重口感。叫左BB麻辣，味道剛好，唔錯。加左牛肉，呢個價錢有三粒，厚身帶少少牛筋，好味道。番茄牛肉麵首先飲啖番茄湯，湯底超正，帶有天然番茄甜味，食到番茄肉。番茄配蔥花同芫荽好夾！另有5塊超薄切牛肉，非常重滷水味，配番茄湯剛好！仲有兩條菜心苗。烏梅汁 （跟餐）唔洗加錢飲品有4款，烏梅汁酸酸哋，好開胃。金桔檸檬 加$7 另加一係杯裝，唔會太甜或者太假，夠多冰。呢度d麵都唔錯，上菜超快速，果然係中環效率，地點又方便。最欣賞呢度有私隱度既單人座位，適合我呢d速食個飯就返工人士。…查看更多

❣︎ 中環打工仔福音😎lunch去食·瘋狂小麵環境帶濃厚中國風 招牌係麵食🍝套餐有麵食🍝·飲品🥤·小食·甜品🍧可供選擇.♡⋯⋯食評⋯⋯♡ ☻ 4.6/5 ✨ 瘋狂擔擔面麻度同辣度都可以自選 擔擔面選用新鮮水麵 麵質彈牙又易掛汁啲擔擔醬掛哂係啲麵到 好惹味😛👍🏻.✨紅棗銀耳湯（凍）食完一碗濃味的擔擔麵 食番碗紅棗銀耳湯就岩哂紅棗有種自然清香 銀耳煮到半透明口感滑溜冰涼的甜湯飲落去滑過喉嚨清甜而滋潤.✨熱檸水.…查看更多

呢度環境帶點中式復古風，坐得幾舒服，最啱收工過嚟鬆一鬆。​🍜 瘋狂肥腸麵（加麵套餐）我哋兩個人叫咗一個套餐，再將主食嘅「瘋狂肥腸麵」加底。一上檯真係嚇一嚇，大碗到完全夠曬兩個人分！主角肥腸切得好大件，洗得乾淨無異味，入口軟貲入味。湯底揀咗紅湯（辣），麻麻辣辣非常惹味，重口味人士一定鍾意！麵條掛湯力強，食落好過癮。​🐷 小食：紅油耳片套餐配埋嘅小食「紅油耳片」一樣有驚喜！豬耳片切得薄厚適中，爽脆有嚼勁，紅油香氣撲鼻，麻辣到位，極具正宗地道風味。​🍹 飲品：羅漢果冬瓜茶套餐包埋一杯熱嘅羅漢果冬瓜茶，味道甜甜地、好滋潤，啱啱好可以中和番麵嘅麻辣感，解辣一流！​🍢 晚市驚喜串燒（$10/串起）除咗麵食，原來晚市仲有串燒提供，價錢親民到有啲驚訝！本來以為$10串會好細粒或者得蔬菜揀，點知「脆牛舌尖」、「五花腩」、「豬爽肉」通通都只係 $10 串！就連「雞肝」同「白鱔」都只係 $13 串。重點係質素完全冇馬虎，烤得啱啱好、夠曬火候，調味香口，而且份量好足料，CP值極高，簡直係意外驚喜！…查看更多

見到好耐冇食過「瘋狂小面」，突然諗起佢，就出發了。夜晚有串燒優惠，1 串10蚊起咋，質素仲有驚喜添。⭐⭐️晚市串燒呢度晚市仲有串燒供應，價錢喺中環嚟講真係好平。⭐️五花腩：燒到表面帶點焦香，油脂味好重，咬落去好香口。⭐️白鱔：肉質爽彈，魚皮燒到好香脆，幾有驚喜😋。⭐️秋葵：燒得啱啱好，簡簡單單已經好食。⭐ 瘋狂肥腸麵呢碗麵大一碗。肥腸處理得好乾淨，食落完全唔油膩😋。個麵煮得啱啱好，可以揀個唔辣嘅白湯，唔食得辣都冇問題😍。⭐ 羅漢果冬瓜茶羅漢果嘅甘甜配埋冬瓜茶嘅清爽，仲可以揀熱嘅添😍，味道平實自然，飲完好舒服👍。整體嚟講，呢度嘅味道做得幾到位，尤其喺中環呢個地段，價錢算係幾公道，係一個唔錯嘅聚腳點。…查看更多

喺中環返工，最感觸真係見住啲餐廳開完又執，以前同同事成日去嗰幾間好多都已經唔喺度，難得狂麵仲可以屹立不倒。最勁係佢咁多年嚟竟然都冇加過價，喺呢區真係好難想像佢點樣生存到。每次去都係為咗嗰碗紅湯牛肉麵，個湯底紅紅潤潤、重口味得嚟好香，啲麵條掛晒湯，食落去好爽口。雖然明知自己每次食完辣嘢，第二日個肚都會抗議，但都係忍唔住要食。最過癮係碟泡椒鳳爪，辣度仲勁過碗麵，一咬落去嗰種酸辣味直接刺激到個口不停分泌口水，真係邊食邊嗌救命，但又停唔到手。好彩最後仲有碗冰粉清清地、滑溜溜咁，可以即刻解返個辣。喺呢個變幻莫測嘅地方，仲可以搵到一份完全冇變過嘅味道同價錢，真係幾值得佩服。…查看更多

➲ 中環 瘋狂小面中環士丹利街樓上舖，裝修有啲中國風，坐得幾舒服。主打川味麵食同小食，酸辣粉同牛肉麵都係招牌，仲有地道甜品冰粉。今次叫齊幾樣，辣得過癮之餘又有嘢平衡返。➳ 蒜泥青瓜𝑪𝒖𝒄𝒖𝒎𝒃𝒆𝒓 𝒘𝒊𝒕𝒉 𝑮𝒂𝒓𝒍𝒊𝒄 𝒂𝒏𝒅 𝑽𝒊𝒏𝒆𝒈𝒂𝒓青瓜爽脆，蒜泥味夠濃，醋酸恰到好處，清新開胃，係一個好稱職嘅前菜。➳ 酸辣粉𝑷𝒐𝒕𝒂𝒕𝒐 𝑵𝒐𝒐𝒅𝒍𝒆𝒔 𝒘𝒊𝒕𝒉 𝑺𝒑𝒊𝒄𝒚 𝒂𝒏𝒅 𝑺𝒐𝒖𝒓 𝑺𝒐𝒖𝒑用嘅係傳統手工紅薯粉，口感煙韌滑溜。湯底麻、辣、鮮、香、酸齊全，但油而不膩。花椒嘅麻、紅油嘅辣、雜醬嘅鮮，再加埋香菜、花生同保寧醋嘅酸香，層次好豐富。係一碗令人越食越上癮嘅地道重慶風味。加咗隻鹵蛋，浸埋落啲湯度，更加好食。➳ 瘋狂牛肉麵𝑵𝒐𝒐𝒅𝒍𝒆𝒔 𝒘𝒊𝒕𝒉 𝑩𝒆𝒆𝒇 𝑺𝒉𝒂𝒏𝒌𝒔用美國牛腱子肉，炆足兩個鐘，肉質軟腍唔爛，咬落仲有口感，牛肉味濃。川味紅燒湯頭濃郁，鹹香帶微辣，麵條掛湯力強。成碗麵暖笠笠，好滿足。➳ 紅肉柚子｜烏梅汁𝑮𝒓𝒂𝒑𝒆𝒇𝒓𝒖𝒊𝒕 𝑱𝒖𝒊𝒄𝒆｜𝑩𝒍𝒂𝒄𝒌 𝑷𝒍𝒖𝒎 𝑱𝒖𝒊𝒄𝒆紅肉柚子清甜解辣，烏梅汁酸甜開胃，兩款都係食辣嘢嘅最佳拍檔，飲完成個口腔舒服晒。➳ 成都老冰粉𝑪𝒉𝒆𝒏𝒈𝒅𝒖 𝑱𝒆𝒍𝒍𝒐食完濃味嘢，呢碗冰粉係完美收尾。透明滑溜，上面灑滿芝麻、花生同山楂，甜度適中，清爽解辣，為呢餐畫上完美句號。⤵ ⌖ 中環士丹利街66-72號佳德商業大廈1樓⤚ ⊹ ⤙…查看更多

中環樓上有間推薦的麵食，主打四川口味麻辣麵。Menu分A、B、C區，視乎個日有幾肚餓可以去點。不過近排開始變熱，唔想食啲太辣嘅麵，見到佢又唔辣嘅蕃茄麵就試吓。🍅蕃茄牛肉面套餐($113)🥚蒸蛋(+$20)蕃茄牛肉麵蓉上自家製鮮茄醬湯，麵條都做到al dente ，最驚喜係蕃茄湯真係非常濃郁，每一啖都係精華，幾乎想食碗湯飲晒🤗最鍾意係佢配有巨量的菜，有好多芫荽同蔥，啱晒啲芫荽粉絲👍🏻蒸蛋係一個健康嘅頭盤，同埋上面都配有滷水肉粒，加返啲啲蔥就好香口🥬陣間你講呢間入邊環境都做到好舒服，無論一個人嚟食又或者同朋友都好適合，尤其建議係午餐時候嚟，簡簡單單食碗高質嘅面好開心😀…查看更多

想食到川味獨特小食及麵條🍜一定要黎li度試下😋😋價錢抵至100蚊左右就可以食到一個價錢有齊飲品，主麵，小食及甜品😍😍😍而且麵類麻辣程度可以自由選擇👍唔食辣定加麻辣都可以揀麵條食落口煙韌佢地肥腸麵係大熱推薦⭐️⭐️⭐️⭐️⭐️另外都專為素食者調配，非常貼心小食種類都有成十多款如果想大碟d,只需要加錢就可以食到，另外仲有唔同升級小食可以選擇⭐️泡椒鳳爪超香椒香味，鳳爪都非常入味，推薦必試⭐️夫妻肺片麻辣味重，完全冇任何腥味，喜歡麻辣味朋友必試牛心，牛舌都非常爽口甜品更加令人有意想不到成都老冰粉更富有成都老區小店特色甜度適中，入口有唔同層次感👍👍…查看更多

📍瘋狂小面一間位於香港中環的川菜館，以正宗的四川及成都風味麵為主打🥢正宗重慶酸辣粉配肥腸酸辣粉湯底夠酸夠辣，配以大量酸菜絲、肉碎、花生粒，使用粗身紅薯粉，口感煙韌彈牙，肥腸入口爽脆俐落又入味🥢瘋狂牛肉面 採用大塊且厚實的牛腩燉煮至軟腍入味，吸滿了川味滷汁，底湯香濃🥢高湯肉碎蒸蛋 必食！蒸蛋極滑溜，充滿濃郁的高湯鮮味。表面再鋪上調味過的肉碎雜醬，鹹香適中🥢棒棒雞 雞肉切成片狀，口感嫩滑，再以花生醬、辣椒油及多種川味調料調配，又香又麻🔎瘋狂小面 (中環)中環士丹利街66-72號佳德商業大廈1樓…查看更多

今日去咗瘋狂小面挑戰佢哋嘅招牌！呢度簡直係天堂，未入舖頭已經聞到陣陣麻辣香！✨🍽️ 瘋狂豌雜面 (正常辣/正常麻)：呢碗面真係好瘋狂！豌豆煮到入口即化，好似泥咁綿密，肉燥鹹香惹味。揀咗正常辣麻，味道層次好豐富，面條掛汁力強，每一口都好過癮！🤤 🍽️ 正宗重慶酸辣粉 + 牛肚：酸辣粉夠晒滑溜 Q 彈，湯底酸辣度平衡得啱啱好。加配嘅牛肚好厚身又索汁，咬落去好有嚼勁，加埋花生同酸菜真係絕配！🔥 🍽️ 蒜泥青瓜 & 烏梅汁：青瓜爽脆得嚟蒜香味濃，超開胃。食完辣嘢整返杯常溫烏梅汁同凍檸水，生津解渴，成個人即刻爽晒！🥤…查看更多

瘋狂小面再次征服我！🔥 第二次嚟依然超正 😍🍜今次直接衝 A+B+C Set，食到三款主打，仲有小菜同飲品，簡直係四川風味大滿足🥰瘋狂牛肉面 🌶️🐮
牛肉足足4-5舊，咬口十足唔會太腍，肉質嫩中帶韌，完全唔似其他牛肉麵咁軟爛！
湯底辣度適中，唔會嗆到喊，但又有四川獨有嘅麻辣香，飲落仲有鮮甜味～麵條彈牙，配牛肉同青菜絕配，食完覺得幾正宗！👌瘋狂燒白面 + 煎蛋 ($9 加配) 🍖🥚
Menu 限量推介，梅菜扣肉燒白面！半肥瘦豬肉4大塊，份量十足～
就算浸落湯都保持咬口，唔會變腍。最正係湯底自家特色辣味，夠濃郁又有層次，麵條彈牙！ 加埋煎蛋，好快就清晒成碗，停唔到口！🔥羅漢果冬瓜茶 + 冰糖雪梨茶 🍵
羅漢果味好濃郁，清熱又解渴。
冰糖雪梨茶係我每次必叫，食辣麵配佢超解辣，甜度剛好，唔會太膩，好清新！❄️蒜泥青瓜 🥒
醋味夠重，青瓜超脆！咬落去「啪」一聲好爽口，開胃一流～泡椒鳳爪 🐔🌶️
Q彈有咬口，唔腍。泡椒味好濃，辣得過癮，食完嘴巴麻麻辣辣，好正！💥環境中國風好有feel，有屏風分開卡位同開放位，私隱度高又幾打卡！📸 整體嚟講，第二次食都一樣驚喜，絕對係香港食四川小麵嘅隱世之選～強烈推介！🍜✨…查看更多

中環有間樓上鋪 ：瘋狂小面，滿有四川麻辣風味 餐廳裝修有中國風，座位寬敞乾淨，還有不少獎牌，是一間傳統四川面館，食物份量足絕對抵食套餐多選擇夠豐富！瘋狂肥腸面套餐紅燒湯汁渗透，湯頭惹味濃郁，川味麻香暖意滿滿，與軟嫩肥腸十分配襯！清爽開胃小食薑蔥蒜蓉青瓜清新，蒜香🧄味十足還配上甜點紅棗銀耳湯 及成都老冰粉 ，甜品控的我感到滿足瘋狂小面地址: 中環士丹利街66-72號佳德商業大廈1樓…查看更多

中環隱世重慶小面呢到環境古色古香，充滿中國味道。佢哋主打傳統重慶小面同特色小食，仲有三款套餐可以自由配搭，真係好方便！我試咗佢哋招牌嘅瘋狂豌雜麵，揀咗BB辣，豌豆煮到軟綿綿，配咗肉碎、花生同埋多種醬料，真係好惹味，麵質彈牙，包滿醬汁！仲有鐘水餃（+$33），餃子皮厚薄啱啱好，裡面淨係包咗肉餡，每顆餃子沾滿醬汁，食落去甜甜辣辣，同樣惹味！…查看更多

Team Red for my early dinner on a rainy weekend: red for tomato and pink for grapefruit drink. This upstairs noodle place is pretty convenient and famous for spicy/ tomato noodles. Got myself the non-spicy option. Braised beef was thinly sliced and very tasty, tomato soup was blended with real tomatoes, rich and wholesome when it's sprinkled with a healthy amount of cilantro and spring onions. Thin clingy noodles were the best companion to the tomato soup. Have a glass of sweet grapefruit cooler that's full of pink refreshingly plump flesh to call it a night. …查看更多

位於中環的四川麵食店，主打正宗的重慶小麵，以麻辣為主，另外還有些小吃及串燒。佈置帶濃厚的中國風，餐牌有幾款套餐組合，先選擇麵餐，跟餐免費選擇飲品，或可以加錢點其他升級飲品。還可額外跟配小吃、甜品，更加豐富。干撈麵類：瘋狂碗雜麵麵可以揀乾撈麵或者湯麵，這碗豌豆醬干拌麵份量適中，接照自己口味選擇麻、辣度，還額外加了一隻鹵蛋作為配料。麵上舖滿肉燥、雜豆泥、蔥花及調味醬，將所有配料拌勻，麵條掛滿醬汁，麻辣鮮香，十分惹味。跟餐飲品選了烏梅汁，味道酸酸甜甜，蠻清新的，亦有助解辣。湯麵類：瘋狂牛肉麵 紅噹噹的紅油湯底，但其實辣度還蠻容易接受，味道濃香，有層次的麻辣度。配上幾條菜心及厚切牛肉，肉質軟嫩腍滑，炆煮至入味。麵條軟硬度適中，煙韌有口感。串燒：白鱔鹽燒白鱔，細細條，表面燒至微微金黃，魚皮脆香，魚肉爽彈。串燒：厚燒牛舌粒骰子形狀的牛舌粒，灑上辣椒粉及調味，外表燒得焦香，內裡鎖住肉汁。…查看更多