影片
更多
2016-05-17
967 瀏覽
每隔兩個月就會去一次的餐廳，卻發現越來越不濟，環境服務味道跌watt不在話下，仲呃秤先最激氣。首先，一個月前book定 10 位，睇住佢mark我地資料上去時都未有人book同一日，但嚟到佢只俾出面嘅枱，而唔肯俾間房我地，而間房其實係成晚都冇人㗎喎。坐喺出面環境嘈吵，天花板又滴水。差！再嚟服務，哩間分店不嬲唔係好夠人手，但之前都ok, 今日卻勁想將我地未食完嘅嘢收走，好似豬手凍成碟都只係十零廿粒，但食剩四五粒時佢不停想收，好彩2次都眼明手快阻止到，但搞到我地好狼狽，好似要同佢鬥快，狂塞嘢入口度咁，食得一啲都唔Enjoy! 差！講番食物，一個月前食過鹽焗蟶子，咸香鮮甜，令人回味；今日食的肉質新鮮卻毫無味道。另一邊廂，豆腐煲同百秒黃花魚卻咸到要自己加水。差！輪到價錢，最最激氣。一隻八個人都分唔勻的蟹，蟹蚶剝殼後蟹肉只得一半，事前唔講幾重，埋單先話計33両。你話我地第一次食蟹就話啫，喺哩間餐廳都食過3、4次蟹啦，細蟹4百零蚊，大蟹都不過600蚊，今次俾佢足足收咗800蚊，離晒大譜！差！怒！乜嘢差都可以忍，呃秤就最最難忍。生日流流費事同你嘈，用我地自己對腳去投票，哩間餐廳唔會再嚟！
首先，一個月前book定 10 位，睇住佢mark我地資料上去時都未有人book同一日，但嚟到佢只俾出面嘅枱，而唔肯俾間房我地，而間房其實係成晚都冇人㗎喎。坐喺出面環境嘈吵，天花板又滴水。差！
再嚟服務，哩間分店不嬲唔係好夠人手，但之前都ok, 今日卻勁想將我地未食完嘅嘢收走，好似豬手凍成碟都只係十零廿粒，但食剩四五粒時佢不停想收，好彩2次都眼明手快阻止到，但搞到我地好狼狽，好似要同佢鬥快，狂塞嘢入口度咁，食得一啲都唔Enjoy! 差！
講番食物，一個月前食過鹽焗蟶子，咸香鮮甜，令人回味；今日食的肉質新鮮卻毫無味道。另一邊廂，豆腐煲同百秒黃花魚卻咸到要自己加水。差！
輪到價錢，最最激氣。一隻八個人都分唔勻的蟹，蟹蚶剝殼後蟹肉只得一半，事前唔講幾重，埋單先話計33両。你話我地第一次食蟹就話啫，喺哩間餐廳都食過3、4次蟹啦，細蟹4百零蚊，大蟹都不過600蚊，今次俾佢足足收咗800蚊，離晒大譜！差！怒！
乜嘢差都可以忍，呃秤就最最難忍。生日流流費事同你嘈，用我地自己對腳去投票，哩間餐廳唔會再嚟！
張貼