泰濃麵 (樂道)

營業中

休息中

難得出開去尖沙咀，一於就試吓平時好少食嘅泰國麵啦！呢一間餐廳位於iSquare附近，交通好方便，所以都明白點解佢嘅全面係比較貴，差唔多$100一碗。餐廳裝修都OK，不過嘢食選擇就唔係好多啦。今次叫咗兩碗船湯河同埋一碗清湯河，船湯味道都幾濃。見到佢有幾隻唔同價錢嘅牛，今次就試咗最普通嘅肥牛同埋安格斯牛。好坦白過呢兩隻牛嘅味道真係冇乜分別，唯一唔同嘅係安格斯牛係比較生，唔建議要加錢試。清湯係寄俾小朋友嘅，清清哋唔太鹹啱小朋友。小食都偏貴，所以就淨係叫咗一個雞翼，味道不失不過。成餐飯埋單差唔多三舊水，老實講就有啲貴。不過最令我哋卻步嘅係佢哋啲糖真係好恐怖，居然係一嚿嚿嘅，完全唔想用佢，希望店家可以好好改善一下衛生。