黑布小巷

營業中

休息中

行咗陣荔枝角已經不敵酷熱炎夏要搵地方抖抖，醒起D2 place附近有間人氣台食「黑布小巷」就馬上過去，希望趕及放工人潮前入座。樸實嘅廠廈食堂裝修，未夠7點近四十個座位已經全滿，而且部分人氣食品都已經賣晒，足見「味力」沒法擋！慢烤雞腿芝士蛋吐司大塊厚嫩雞腿，經慢烤後特別惹味。外層吐司香脆，夾住爆漿流心蛋同拉絲芝士，口感一流。花枝丸配淮鹽大大粒而且香口彈牙，非常滋味。芝士火腿肉鬆蛋餅台灣風味原汁原味展現喺蛋餅之中。蛋香加上咸咸地嘅火腿同軟棉棉嘅拉絲芝士，加埋特色醬汁仲有甜甜地嘅肉鬆，可謂完美配搭。蕃茄紅燒台式牛肉麵(特選蝦米辣椒油）牛肉夠腍，配埋酸菜唔會油膩。湯底少少辣又帶蕃茄香。蝦米辣椒油有畫龍點睛功效，將牛肉麵味道帶到味覺更高層次。飲埋自家煲製養生茶系列嘅冬瓜茶同桂花雪梨羅漢果茶，解渴又滋潤。少少可惜今晚自家製三色圓糖水已經賣晒，希望下次早啲可以食到啦。