中環The L Place新開咗間京川菜木子園，今日就約埋朋友一齊去試新嘢。 餐廳嘅裝修佈置，令人感覺尤如置身於園林之中。除咗門口花園背景嘅鞦韆打卡位外，餐廳正中央嘅櫻花樹同樣吸睛。 櫻桃鵝肝 擺盤回應返餐廳園林主題，鮮紅色嘅櫻桃醬包裹住櫻桃造型嘅鵝肝，香滑味美；樹上嘅手工龍鬚糖，又鬆脆又甜，加埋由乾冰凝造嘅仙景效果，真係極盡視覺和味覺享受。 松子桂花魚 造型生猛。服務員會待大家打卡過後，協助分發魚件。桂花魚皮脆肉滑，松子鬆脆，配埋酸甜度剛剛好嘅糖醋汁，特別開胃！ 灌湯小籠包 滾熱的濃湯注滿皮薄肉鮮嘅小籠包。一口咬落去，爆汁惹味！

朋友揸車出觀塘順便約食飯，就揀咗Flames，貪佢有免費泊車夠方便。餐廳裝修簡潔高雅，燈光又夠情調。除咗適合二人世界，成晚聽到一次又一次嘅生日歌，就知道係唔少人嘅慶生/ 聚會之選。 Flat White同Mocha 熱度夠、香味足而且拉花靚。 避風塘雞翼 外層炸到金黃色，外面口感脆卜卜，入面雞肉汁多肉嫩。配埋避風塘嘅辣椒同香蒜，真係多多都食得曬！ 意式辣肉腸薄餅 呢度嘅Pizza都係手工製作，即叫即烤，熱度十足，份外香脆。加埋辣肉腸嘅辣味刺激味蕾，特別惹味。 蟹肉巴馬臣芝士蕃茄忌廉汁長通粉 蟹肉豐富，長通粉又有咬口，煙煙韌韌好有口感。蕃茄忌廉汁開胃又唔會太酸，碟面鋪滿巴馬臣芝士，味道一流。 💡餐廳有會員系統- 只要join左，A la carte散叫有8折

每次經過都會心思思想飲杯嘢，除咗貪佢選擇多到試唔完之外，地方都乾淨整潔，好適合大熱天時歇一歇。 今日飲咗完熟蘋果冰茶，茶底自選咗四季春，飲落滿口粒粒軟熟蘋果，清新果香唔會太甜。 黑糖珍珠岩鹽厚鮮奶，雖然黑糖甜度固定但唔會過甜，焦香味加上岩鹽嘅點點鹹味，完美地將兩者平衡。鮮奶夠濃厚，溶冰都唔會變奶水。加埋煙靭嘅珍珠，口感一絕。

朋友見到百樂中心Milu Thai มิลู่ไทย嘅火焰雞好吸引，又近住地鐵站所以即刻訂位嚟試吓。 餐廳以深木色為主色，牆上有大型彩色壁畫營造氣氛。店內地方寬敞，難得有六人卡位，最適合人多聚會。 泰式奶茶同椰青係食泰菜必選嘅飲品。奶茶夠香、椰青清甜。 火焰燒雞 服務員好體貼等我哋準備好相機先點火。打完卡再送返廚房切件先重新上枱，唔洗擔心會整污糟對手。燒雞肉多，雞皮被火燒過特別香口。 青檸酸辣明爐烏頭 烏頭魚非常熱，酸酸辣辣好開胃。吸滿魚湯嘅粉絲絕對係當中嘅精綷。 泰式蛋包炒金邊粉 金邊粉炒得乾身香口，加埋碟邊嘅花生碎同辣椒乾特別好味。三隻大炸蝦放喺包住金邊粉嘅雞蛋網上，又靚又好昧。 芒果糯米飯 絕對係驚喜。非常好味，芒果香甜，椰香糯米飯又熱又煙韌。椰漿帶少少鹹味平衡返整體甜度。芝麻更是畫龍點精。

自從屯馬線開通之後，想落去土瓜灣嘆個HeySoNuts嘅正甜品真係方便咗好多。 餐廳以簡約黑色及木色偏工業風佈置，雖然座位不多，但食物嘅選擇就多不勝數。 飲品除咗咖啡之外， 仲有果茶、手搖冰茶、果汁，甚至啤酒，應有盡有。今日就試咗Flat White 同Green Tea Latte，果然冇令我失望！ 白酒煮活蜆配蒜蓉包 蜆肉相當鮮嫩，白酒汁帶少少辛辣份外惹味。將蒜蓉包醮點白酒汁食，吃盡煮蜆的所有精華。 黑啤自家製煙燻豬腩肉意大利飯 自家製煙燻豬腩肉油香十足；意大利飯粒粒飽滿富獨有的黑啤味。最值得一讚的是頂部的酸瓜絲，完美地中和返豬腩肉嘅油膩感。 開心果茉莉花醬日式梳乎厘鬆餅 開心果醬淋滿輕柔軟熟的梳乎厘上，蛋香濃郁又唔會太甜，配埋碟邊嘅士多啤梨，賣相靚之餘，酸酸甜甜唔會膩，一流！

廣華街一向多好嘢食，其中屹立多年嘅HeySoNut 姊妹店Black Coffee可謂必食之選。 Lunch set 主食+$25 可以有湯同飲品。南瓜紅蘿蔔湯清甜濃郁，Flat white 同Mocha味道有水準之餘，拉花亦相當精緻。 喇沙汁炒意粉配虎蝦仁 用喇沙汁煮嘅意粉醬，帶少許辣味同喇沙獨有嘅椰香味，滿滿掛喺每條意粉上，連埋彈牙虎蝦仁同彩色甜椒，真係色香味俱全。 手打牛肉及原隻大蘑菇漢堡配薯條 特別彈牙多汁嘅手打牛肉，淋滿芝士汁肉味香濃，夾喺外脆內軟嘅竹炭麵包之中，連埋大蘑菇、蕃茄同生菜一齊食，滋味無比。配埋大大份金黃酥脆薯條，一流！ 自家製黑芝麻醬日式梳乎厘班戟 梳乎厘班戟空氣感十足，飽滿Q彈有蛋香。自家製黑芝麻醬比一般的，芝麻味更為香濃，配埋周邊的脆片一齊食，口感更有層次。

尖沙咀isquare附近嘅Kaboom鄰近地鐵站，交通方便。餐廳共有2層與頂樓相連。想靜靜哋傾計可以選擇室內，落地玻璃望出去可以睇到日落海景；想吹吹風，「呼吸」空氣可以揀頂層。 今晚選擇咗吧枱位置，睇住調酒師調酒，好快已經決定叫兩杯cocktail —Enough is enough 同Wohoo, What A Day! 除咗名字特別之外，兩杯無論賣相同味道都同樣吸引！ Kaboom Sharing Platter 泰式小食拼盤。共有五款小食包括：雞翼、春卷、炸魚餅等等，配搭三款特色醬料，送酒一流。 Thai Lobster Sauce Strozzapreti Pasta with Lobster Tail 用椰奶及龍蝦汁調配而成嘅特濃醬汁，滿滿掛在雙管造形嘅意粉上。加埋彈牙肉嫩嘅龍蝦尾，真係食到停唔到口！ Grilled Gai Yang Chicken 烤雞皮脆肉嫩帶點焦香，辣辣地嘅醬汁被烤雞同泰式薄餅完全吸收，食落更加惹味！ 成晚食住東南亞fusion 美食，邊傾計邊欣賞夜景，chill~

Latte Art 💚 點任何甜品，可以免費自選一個拉花公仔。如果唔嗌甜品，亦可以加$20自選拉花，或冇所謂既，可由咖啡師隨機☕️ 三角形牛角包🥐外形幾特別，都幾香牛油味。

新蒲崗有間懷舊風Cafe 窩子 WoZi，紙皮石地磚襯上綠色牆身，加埋周邊唔少懷舊擺設，滿滿老香港氣息。打卡正之餘，窩夫仲特別出色，好值得試吓。 慢煮手撕豬腩窩夫三文治 窩夫份量大而且香脆有雞蛋味；手撕豬腩肉，肉質軟腍入味。每口享受啖啖手撕豬腩肉一絲絲嘅獨特口感，加埋最鋪滿面嘅芝士同中層嘅生菜蕃茄，顏色靚又唔會膩，真係大大滿足。 八小時慢煮萬字醬油豬軟骨飯 同樣係慢煮系列嘅肉類，望落呢個飯外表同一般豬軟骨冇乜分別，但一入口可謂高下立見。呢個慢煮豬軟骨口感十足牛孖筋一樣，Q彈又似啫喱入口即化。萬字醬油獨一無異嘅味道，係醃肉最佳配搭。 椰漿陳皮紅豆冰梳乎里鬆餅 梳乎里鬆餅鬆軟蛋香濃。椰漿唔會太甜，配埋陳皮碎，味道創新非常夾。紅豆冰小粒，令整個甜品味道更豐富。加埋咖啡同果茶，過咗一個幸福又滿足嘅夜晚。

Happiness with Dragon Fruit Soufflé 火龍龍報喜梳乎厘🥞： 新年特別版，賣相靚，加上火龍果醬/rice cracker/madeleine、雜莓，酸酸甜甜，開胃又甜而不膩。 🌟啲款梳乎厘單點價係$168 (3pcs soufflé pancakes)。如果lunch set add-on既話，只係加$58（2 pcs soufflé pancakes), 抵食👍🏻 Dragon Fruit Smoothie 炫彩火龍果沙冰：顏色鮮艷，健康之選 Flat White: nutty flavour, after taste 👍🏻