火夫

營業中

休息中

朋友帶咗我去紅磡嗰邊食飯，同我講話好想試吓呢間嘅虎蝦拉麵，去到見到都有唔少人響度等位嘅，好彩佢一早已經訂好位，不過都要等一陣先入到去，感覺好似都幾受歡迎，裏面嘅環境都算係幾日式幾舒服嘅。首先，叫咗兩杯串串冰汽水，主要係果一串冰咗嘅生果係幾開胃嘅。仲有叫咗一個毛豆春卷，食落去冇乜味道，主要係有個醬用嚟點咗味道先出啲。跟住叫咗幾串串燒，分別係玉子鰻魚，裏面嘅鰻魚唔係一片嘅，而係一啲切碎咗嘅鰻魚，一口食哂會比較好味。一串係蟹肉牡蠣，味道還算可以，不過唔算好特別。一串係咸腿蜜瓜，出嚟開頭以為係帶子，食落去都還算可以。不過整體嚟講啲串燒嘅燒汁都係感覺太過濃同埋太過甜，令到食落去樣樣嘢都一樣味冇分別。一個叫咗個牛肉湯麵，呢個面相對來講個湯好清，識落個感覺亦都係比較清淡。另外一個就係見到好多人都有叫嘅虎蝦拉麵，個湯底好濃，不過識落冇想像中咁龍尾，所以唔會覺得太飽都幾好。範圍用櫻花蝦包住隻虎蝦來炸，出嚟個感覺影相就好好睇，但係個人覺得用櫻花蝦太多返為搶晒啲味，同埋唔知點解覺得好似食緊魚糧咁樣。整體來講都覺得值得一試同埋打卡會好好睇，如果下次再嚟就未必會食個虎蝦拉麵。