火夫

營業中

休息中

火夫 @kafu_hk 📍：紅磡黃埔天地百寶坊(第3期)地下G29號舖🚗：黃埔地鐵B出口 步行3分鐘📞：+852 9025-0818💲：~HKD160/head for dinnerFood quality✔️：雞肝多士、虎蝦濃湯麵、蟹肉牡蠣、白桃冰串梳打👌🏼：海苔魷魚鬚、白燒活鱔、乳酸冰串梳打、麥粒味噌青瓜總結：😋呢間係間五邊型無死角嘅日式餐廳 食物質素 環境同價錢都成正比 幾位朋友食完餐飯睇張單第一反應係呢餐咁平嘅 足以證明火夫嘅cp值👏🏼😋最招牌嘅虎蝦濃湯麵 無可能唔點 有隻手掌咁大條嘅虎蝦 一上枱就勁吸精 配埋稠度相當嘅蝦麵 (雖然話係湯麵 但我覺得佢稠到更似沾麵) 撈埋一齊正呀😋蟹肉牡蠣🦪又係必點 炸得剛剛好 炸漿都唔算太厚 牡蠣又夠新鮮唔腥 好食😋白桃冰串梳打就有串白桃冰串 食落去就係白桃冰嚟 幾配杯梳打 唔錯👍🏼😋裝修走型格風 打卡幾好 感覺乾淨衛生🤔比起拉麵店 更似一間居酒屋🏮海苔魷魚鬚白燒活鱔同乳酸冰串梳打都唔錯🤔服務就正常 但送咗碟麥粒味噌青瓜🥒所以畀高分啲😨都幾熱門下 人龍店要排隊是常識吧

同好姊妹去咗依家bookmark咗好耐嘅火夫，連平日晏晝都要訂位㗎，終於試到呢個虎蝦濃湯麵！👍🏻😋虎蝦濃湯麵 湯頭濃郁，係由虎蝦熬煮而成，帶有濃郁嘅海鮮香氣。麵條Q彈，仲放有一大塊炸過的虎蝦,外酥內嫩，為依碗麵增添豐富嘅口感。明太子八爪魚撈麵麵條上鋪滿了爽脆的明太子同柔軟嘅八爪魚，營造出了層次豐富嘅口感。明太子嘅咸香同微辣，搭配上柔軟嘅八爪魚。葡提鴨卷串燒將鴨肉與葡萄巧妙結合，相信會帶來獨特嘅酸甜滋味。鴨肉本身肉質鮮嫩多汁，搭配上葡萄嘅清新酸爽，必定能激發味蕾嘅驚喜。蔥燒牛舌牛舌本身質地柔軟，加上蔥花的清香，必定能帶來層次豐富的口感。醬汁的調配也很關鍵，既要突出牛舌嘅鮮美，又要與蔥花相得益彰。五層豚肉燒 這款五花肉燒看起來相當肥美多汁，烹調後必定能呈現出豐腴嘅口感。蟹肉牡蠣將蟹肉與生蠔結合，必定能帶來海鮮的鮮甜味。炸製過後，外層酥脆，內裡軟嫩，相信是一道相當誘人嘅串燒佳餚。對於喜歡日式料理的食客嚟講，依度絕對係一個不錯嘅選擇。

依間成日見勁多人排隊就去試咗！叫左碗虎蝦濃湯拉麵仲有碗明太子忌廉拉麵，味道正正常常，個湯底又濃，最多人點虎蝦拉麵，近價錢就$128。本人中意稀啲湯底，如果中意濃味，係可以試的。

Bookmark左好耐，咁岩果日竟然冇book位都食到！🦐日式虎蝦濃湯麵一上黎已經嘩一聲😍有成大隻用櫻花蝦包住既炸蝦，蝦肉好彈牙，個湯底好濃郁，每一條麵都掛滿湯汁🤤個麵本身就正常偏腍身🍢雞白湯關東煮關東煮有有蘿蔔、豆腐、福袋年糕同牛腩/牛根，湯底係清雞湯，飲落好舒服，每一樣野都好入味，天氣凍食呢個好暖胃🐟北海道公魚仔呢個炸得岩岩好，不過比起其他野食算正常發揮🍖 串燒每一款都好味燒得岩岩好！白燒活鱔（最鍾意呢個🤤）蔥燒牛舌蟹肉牡蠣Overall: 8.5/10

之前同朋友一齊黎咗呢間位於黃埔嘅人氣日式居酒屋火夫度食晚餐，試咗佢地幾款人氣嘢食，感覺都唔錯😝✨首先，虎蝦濃湯麵🦐🍜，呢碗麵係必嗌😛，見到差唔多枱枱客都有嗌，我之前亦都上網見到相俾佢嘅賣相吸引到😂，先bookmark 呢間餐廳。佢嘅湯底係超濃蝦味，再加上啲湯好杰身，所以啲湯可以掛起啲麵度🥢我哋都有嗌到明太子撈麵，我平時就唔太鍾意食明太子，但我啲朋友就好like呢個撈麵💖，佢哋話好有明太子嘅咸香味，而且個醬都好濃郁海苔鮁魚鬚，炸得外脆內嫩，好有海苔嘅味道👅蜜瓜牛卷好fresh，估唔到蜜瓜🍈嘅甜味同牛肉都幾夾，吃落去唔會覺得膩😆，而葡提鴨卷口感豐富，葡提🍇好juicy 好爆汁，夾埋個鴨肉一齊食個口感好特別

3個人去食，入坐時已說明要free flow package埋單個時睇到張單，啲酒係單點咁計同服務員講番，之後佢話我地一開頭無講 所以做唔到，咁我地來得呢間就係為左任飲 我地一定企硬一早講左，之後佢話搵”經理”處理，再番來個時個樣十分唔情願地同我地講：「今次已經幫你地轉番，但下次記得一早要講」個時真係嬲到極點,我無諗過一樣咁簡單既事都事可以搞到咁難睇，以後唔會再去。有時真係諗要做任飲餐廳就一定會忙，員工Overload就一定會好攰好燥，如果老闆調停唔到員工嘅情緒就真係唔好做呢啲任飲平價餐廳。員工又攰食客又食到成肚火。BTW野食唔好食，不過呢個價錢唔會要求啲咩 同埋我哋主力都係諗住飲酒。

火夫主打拉麵同串燒，雖然朋友話呢間串燒麻麻，但偏偏我試咗款好好食嘅串燒，令我明明已經食飽都要再encore，所以今次要推介畀大家！🦐 虎蝦濃湯麵（$128）賣相極具視覺衝擊，一隻炸得金黃香脆嘅虎蝦直立於碗中央🦐，非常搶眼！湯底係非常濃厚蝦湯，麵條選用較滑順嘅細麵，掛湯能力高，每啖都充滿海鮮濃郁味道🧡整體味道出色，非常適合鍾意濃厚海鮮湯頭嘅朋友🤤🦪 牡蠣白湯麵（$118）湯底以雞白湯為基礎，帶微微奶油感，再加入牡蠣精華，令味道更加鮮甜濃郁🤍配上檸檬片🍋，令整體口感更清新，唔會過於膩口。牡蠣新鮮，層次豐富，不過同行唔好海鮮味嘅朋友就覺得麻麻地，反而比較鍾意蝦湯多啲，大家可以參考吓～🍈🥩🔥 燒牛柳粒 & 蜜瓜牛卷（$48/2串）蜜瓜牛卷：呢款係我嘅最愛！一向鍾意食麵嘅，我反而鍾意呢個多過虎蝦濃湯麵😳 蜜瓜嘅甜味搭配牛肉嘅鹹香，形成一種意想不到嘅味道對比，睇個名你可能會覺得奇怪，但食落好有驚喜，甜鹹交錯，口感清爽不膩😆尤其當你食完個好濃味嘅拉麵，食呢個超開心😍🤤燒牛柳粒：燒得剛剛好，表面微焦帶炭燒香氣，入面仍保持肉汁，尚好👌（其實仲食咗個關東煮，不過冇影相，係正常嘅好食，但又未到上面嘅嘢食咁推

一間難得一件非常好食嘅日式餐廳。呢間餐廳喺紅磡已經好出名，建議一定要提早預約，另一個攻略就係午餐係超抵食，食物同晚餐大部份都一樣，但價錢平，雖然都要人均百幾埋單，但物超所值。試咗最出名嘅蝦湯拉麵，湯底非常濃郁，但唔會過分鹹，極之推介，大蝦又非常之大隻，食落好惹味。幾多錢菜同埋小食都唔馬虎，份糧都大件，配搭醬料別出心裁，由頭好食到落尾。呢間有心做同埋有質素嘅日本嘢值得更多人去支持，非常推薦大家去嘗試

第一次食咁大條、 差唔多2隻手指咁粗嘅炸蝦！！！🤩🤩🤩炸蝦食落唔會成口都粉，亦都無雪藏味，食唔到會霉霉地嘅肉質，非常有咬口 👍🏻👍🏻👍🏻湯底非常“結”，飲落唔覺好多味精、會想成日飲水 🤓🤓🤓麵條未見太大驚喜，唔會覺得爽口彈牙，但亦都無林到一堆野咁 🙈🙈🙈餐廳環境整體都乾淨企理，如果加多啲日本風味嘅裝修，沉浸感會更加高 😌😌😌職員服務態度都ok、有禮貌，冇去到賓至如歸咁誇張，但都令人舒服

我哋 book 咗 8:30食飯落單唔夠5分鐘就已經有野食係好開心！我之前食過火夫一次上次嘅體驗都唔錯，值得我再同朋友再去 ⋯⋯點知 😓😓😓😓上次食個蝦麵都覺得啲麵太淋不過起碼個汁都好香蝦味今次個麵都照係好淋！但個汁得小小蝦味最重要係個汁好鬼酸 唔知啲酸味點嚟，蓋過哂啲蝦味酸味 80%，蝦味20%係咪開得耐咗多人嚟咗做響咗個名喇 ⋯⋯啲食物嘅水平開始 hea？之前食都覺得好食嘅（大概一年前）今次真係每樣都好平平無奇無啲咩咁特別😓😓😓呢個價錢我不如落街食串燒宵夜仲抵仲好食😅

火夫位於紅磡的串燒店，一試令人喜出望外。 蜜瓜牛卷：蜜瓜的清甜和牛肉的鮮美結合，燒烤後散發著迷人的香氣，口感多汁，一試難忘😍五層豚肉燒：豚肉經過五層處理，帶有豐富的脂肪層和瘦肉層，燒烤後外酥內嫩，但略嫌豬肉味有點濃。燒活鱔：新鮮的鱔魚在燒烤後肉質細嫩，帶有淡淡的焦香和海鮮的鮮美。海膽大葉卷：海膽的鮮味有點被大葉的鹹香掩蓋。雞皮蝦卷：雞皮的香脆和蝦肉經燒烤後口感外酥內嫩，但味道一般。白土冰串梳打：這款飲品帶有清涼的碳酸口感，白土冰的獨特風味與梳打水的清爽結合，解渴且怡人。紫蘇梅酒：紫蘇梅酒有著濃郁的果香和紫蘇的清香，口感甜美且略帶酸爽，非常適合搭配串燒享用😘

🍜🍖🍢火夫紅磡虎蝦濃拉麵 - 虎蝦好大隻 外皮炸到好脆 湯好濃好有蝦味 但有少少苦味 呢個小敗筆 整體係OK的串燒食左 生蒜牛柳 白燒活鱔 牛舌 玉子鰻魚 燒牛柳粒 鴨卷 - 覺得仲好食過拉麵 全部都香脆少焦香 活鱔好滑多油香餐廳食過一次就OK 味道正常好食 坐位冇得捱住 有啲辛苦環境衛生: 🌕🌕🌕🌕🌗 食物味道: 🌕🌕🌕🌕🌑服務態度: 🌕🌕🌕🌕🌗@kafu_hk#火夫#紅磡美食#虎蝦濃拉麵 #日式串燒#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHelpYouE #HelpYouEat #HongKong #HKFoodie

我好少寫食評 想寫都一定係好好食 或好難食 但呢間係難食到令我要寫🥲勁伏！叫咗幾串串燒試下 賣相係唔錯 但放落口就知…. 未食過咁難食嘅燒串 燒白鱔啲肉勁韌完全咬唔到 又無味 雞肉串係未熟 反而得前菜個牛舌算係幾爽口幾好食 另外叫咗店鋪推介嘅牡蠣白湯麵 差到呢 呢個價錢比碗味千質素我🥲🥲🥲食物質素差 服務都唔好 唔知落單嘅侍應係咪心情麻麻 態度好似我得罪咗佢咁 真心唔知呢間食店賣點係咩 🤔 唔希望大家中伏 真心唔值得去 唔算貴 但呢個價錢都有更好嘅拉麵或串燒店

呢間日本居酒屋嘅虎蝦濃湯麵真係一絕，湯底濃稠得好似汁多過湯，味道鮮美。炸虎蝦外脆內嫩，口感一流。另一大亮點係串燒，特別係葡提鴨卷，酸甜開胃，而且好juicy，令人回味無窮。

食物方面十分創新, 尤其係虎蝦濃湯麵十分出色, 麵既硬度都岩岩好.不過唯一美中不足真是服務, 當日大約5:15pm, 我跟我的另一半係第2批入座的客人, 全餐廳都大把吉位, 侍應安排我倆入座後, 再安排1位單人客同我地搭枱😑 大佬, 成間餐廳大把吉位, 又唔係繁忙時間, 仲要搭枱果個人一路食一路咳, 影響晒食物體驗.間餐廳野食都唔便宜, 又唔係繁忙時間, 全場都係吉既, 果位帶位既女侍應仲要咁唔識變通, 強迫客人搭枱, 有冇搞錯呀整體黎講食物味道係ok, 但呢個價錢遇上呢種服務, 我保證唔會有回頭客, 唔好怪香港人番晒內地食野, 呢種服務質素真是令人卻步