火夫

✅雞肝多士/ 椒鹽蜆仔肉/ 麥粒味噌青瓜。三款都幾好食，特別蜆仔肉好送酒！雞肝醬就一般內臟味道，而青瓜要來解解膩都啱晒。-✅✅蜜瓜牛卷/ 蟹肉牡蠣。呢兩個由我上次食已經覺得好食同埋抵食👍🏻蜜瓜牛卷大大嚿，清甜嘅蜜瓜被燒得好香嘅牛肉包裹住，中和左油膩感。最重要係搽咗燒汁燒都唔會遮蓋咗牛同蜜瓜嘅味道，好balance🤗吉列牡蠣炸得香脆，入面肥美。最重要係面頭嘅蟹肉多到成堆山咁！-✅葡萄鴨卷/ 櫻花蝦豆腐。葡萄鴨卷都做到balance，不過佢就比較細粒，勝在唔會食到鴨臊味😬 櫻花蝦豆腐都好食，濃味嘅櫻花蝦包住淡味嘅豆腐，不失豆香🥸不過如果叫苦蝦湯麵就唔好叫呢個了。-❌蔥燒牛舌/ 玉子鰻魚。蔥燒牛舌得兩粒，中間用蔥夾住。當日嘅葱銷得比較燶…而牛舌亦食唔出肥美爽脆嘅感覺，仲要加$2… 玉子鰻魚係用玉子包住鰻魚，再拎去炸。可惜鰻魚冇乜存在感，主要食日本嘅甜蛋🥺-✅✅牡蠣白湯麵。呢個白湯因為有蠔嘅關係，所以味道偏腥。鍾意食蠔嘅人可能會覺得係鮮味😛都幾濃郁，不過質地唔會太厚👏🏻佢哋嘅冇乜彈性，所以比較適合呢個湯。飲落去每一啖都好重蠔味，特別好似啲蠔嘅內臟肥美嘅味道，好視乎個人口味，我就幾鍾意。不過送嘅份量比較少，只有兩隻中至大size嘅殼。-✅虎蝦濃湯麵。呢個蝦湯麵真係飽到傻😂好漏！但個蝦湯真係好濃稠好杰，煮到醬咁。所以配埋麵食會有啲一patpat。隻虎蝦炸得好脆，用大量櫻花蝦包裹住，蝦香double呀！入面的蝦肉都結實唔霉。不過個人對於呢個麵真係一般般。…查看更多

呢間成日都好多人等位！今次咁啱去到唔使等位可以直接入，終於有機會試吓！🦐虎蝦濃湯麵 $128見好多人都嗌呢一個，網絡好似幾吸引咁，就一於試吓～個湯係超級濃郁，啲麵又好掛汁，識落每啖都可以感受到滿滿嘅蝦鮮味👅 食晒都忍唔住飲多幾啖湯😂 另外佢隻虎蝦都超大隻，食完勁飽勁滿足！本身都覺得呢個價錢以拉麵嚟講有少少貴，但食完就知佢值呢個價錢！-味道: 7.5/10服務: 7/10環境: 7/10回頭率: 7.5/10…查看更多

呢間燒串店真係好有水準，唔係普通啲街邊串燒咁簡單。佢哋用嘅材料新鮮，燒得火候剛剛好，入口啖啖肉汁，，好好食。串燒種類多得嚟又有創意，好似唔係淨係賣雞肉，仲有牛舌、豬頸肉同啲蔬菜串，必食蟹肉牡蠣、虎蝦濃湯麵!!!店內環境乾淨舒服，服務人員有禮貌又貼心，氣氛輕鬆又適合一班朋友嚟小聚。價錢方面以高質素串燒嚟講，都算合理，性價比高。總括嚟講，如果想食到啲精緻又美味嘅燒串，呢間店真係值得一試，食完一定會想再返嚟。…查看更多

呢間嘅虎蝦湯麵一直係個list到都遲遲未去食今次終於輪到佢了入座果陣 店員話用餐時間得60分鐘😐 errr... 短就短咗啲嘅 但來都來了🍜虎蝦濃湯麵 $128一嚟到隻蝦好大隻 原來用櫻花蝦包裹住再炸 蝦中有蝦 個湯底就較稠 感覺上似食意粉咁 蝦味算有嘅 但個人覺得未去到好濃烈 無我想像中嘅期望 有其他比佢更出色啲炸物 串燒 即叫即整 熱焫焫食就最正 唔好好似我哋咁掛住傾計擺到凍哂先食😂 簡直係對唔住啲炸物啊海苔魷魚鬚 $46🍢串燒$48有兩串 有啲款要再加啲錢雞皮蝦卷 +$2蟹肉牡蠣 +$2…查看更多

火夫是一間充滿日式居酒屋風格的餐廳，今次點了他們人氣推介的虎蝦濃湯麵虎蝦濃湯麵賣相極具氣勢，巨型虎蝦炸得外層酥脆，內裡蝦肉彈牙鮮甜。湯底則相當濃郁，椰香與海鮮味道互相融合，入口順滑帶點香辣，令人一試難忘。麵條吸收濃湯後更添風味，每一口都充滿層次感，讓人忍不住一口接一口。小食方面，青瓜條清新爽脆，配上鹹香的醬汁，帶來豐富的口感和鮮味，作為前菜非常開胃。火夫的虎蝦濃湯麵味道突出，配搭用心，環境舒適，十分適合下班與朋友飲一杯。…查看更多