鋿晶館

營業中

休息中

好耐無同媽媽飲茶，上網得知呢間鋿晶館的師傅曾於東京富麗華任職多年，亦響香港好多間米芝蓮酒店同大型連鎖酒樓集團做主管好有經驗。餐廳屬自家品牌，所有點心都係現場即叫即做，相信食物質素應該有保證，加上荃灣區方便我媽，所以呢日就帶埋佢嚟飲下午茶。食點心點少得蝦餃燒賣😇❇️月半彎晶瑩鮮蝦餃其實蝦餃整得好唔好，好多時一上枱就會睇得出。呢度的蝦餃賣相的確晶瑩剔透，皮薄但又唔會黏筷子，最重要係蝦肉爽口彈牙，而且size大大隻，正！👍🏻❇️黑松露北菇燒賣皇黑松露的味道唔會太搶，入面都有好多蝦肉，同樣彈牙亦香口❇️齒頰留香脆蘿蔔腸望落似炸兩，但腸粉皮入面唔係油炸鬼而係炸蘿蔔絲，外軟內脆，口感豐富，但冇炸兩咁油膩，唔錯！❇️咱家秘製叉燒包上枱時熱辣辣，叉燒夠淋亦多汁❇️百吃不厭鹹水角外皮色澤比起好多酒樓都較鮮明，而且咬落有少少脆又帶點煙韌，亦唔會好油膩呢度裝修別緻，座位幾闊落，環境舒服。整體感覺唔錯，下次有機會再試下其他食物☺️