影片
更多
2024-07-17
424 瀏覽
鮨一 G One Sushi Japanese Restaurant 📍尖沙咀厚福街12-12A號藍馬商業大廈18-20樓時隔接近三個月，又係時候去覆診，朋友喺等我睇牙期間，喺OpenRice搵食，搵到一間日本餐廳話想食。我睇睇店名，原來係之前食過分店嘅餐廳，因為質素高服務好，所以我哋出發去厚福街食晚餐。餐廳有三層，店面唔大但坐得舒適，我哋坐嗰層仲有竹簾、各種魚嘅poster同多件日式小擺設，和風設計更設合主題。而且店員全部都係有求必應，一叫即到，服務周到，值得讚揚。 💰$168原條飛魚刺身 🐟封面咁搶眼嘅係原條飛魚刺身，廚師相當有心思地將已拆肉起骨嘅原條飛魚保留，並用以擺盤，令飛魚如蛟龍飛天一樣，非常有動感。飛魚屬淡味白身魚，由於運動量大，所以幾乎無脂肪，肉質富彈性，一般會製成刺身、炸物或煮湯。刺身魚片十分新鮮，甜香有質感，配上紫蘇葉同麵豉一齊食，味道更上一層樓！ 💰$156桃取生蠔 🦪我點選兩雙桃取生蠔，好好慰勞一下辛勤工作嘅朋友。生蠔產自三重縣桃取海，海水營養物質豐盛，肥美肉厚就如桃一般，爽口鮮甜。朋友話呢個產地嘅生蠔海水味偏淡，相比一般生蠔更易入口，而且上面放有柚子啫喱調味，絕
📍尖沙咀厚福街12-12A號藍馬商業大廈18-20樓
時隔接近三個月，又係時候去覆診，朋友喺等我睇牙期間，喺OpenRice搵食，搵到一間日本餐廳話想食。我睇睇店名，原來係之前食過分店嘅餐廳，因為質素高服務好，所以我哋出發去厚福街食晚餐。
餐廳有三層，店面唔大但坐得舒適，我哋坐嗰層仲有竹簾、各種魚嘅poster同多件日式小擺設，和風設計更設合主題。而且店員全部都係有求必應，一叫即到，服務周到，值得讚揚。
[價錢 Price]
💰$168
原條飛魚刺身 🐟
封面咁搶眼嘅係原條飛魚刺身，廚師相當有心思地將已拆肉起骨嘅原條飛魚保留，並用以擺盤，令飛魚如蛟龍飛天一樣，非常有動感。飛魚屬淡味白身魚，由於運動量大，所以幾乎無脂肪，肉質富彈性，一般會製成刺身、炸物或煮湯。刺身魚片十分新鮮，甜香有質感，配上紫蘇葉同麵豉一齊食，味道更上一層樓！
[價錢 Price]
💰$156
桃取生蠔 🦪
我點選兩雙桃取生蠔，好好慰勞一下辛勤工作嘅朋友。生蠔產自三重縣桃取海，海水營養物質豐盛，肥美肉厚就如桃一般，爽口鮮甜。朋友話呢個產地嘅生蠔海水味偏淡，相比一般生蠔更易入口，而且上面放有柚子啫喱調味，絕對適合想試試生蠔滋味嘅朋友們。我睇住朋友一隻接一隻咁食，流露開心滿足嘅表情，即使係唔食生蠔嘅我，都感受到被美食治癒嘅快樂。
[價錢 Price]
💰$88
軟殼蟹蜜柑沙律 🥗
沙律配軟殼蟹已經少見，再加埋日本蜜柑嘅呢個組合就更加罕見，擺盤精美用心，色彩配搭完美，淨係賣相已經好加分。軟殼蟹炸至金香酥脆，蟹膏香醇美味，伴有沙律醋同清甜嘅無核蜜柑，清新醒胃。
[價錢 Price]
💰$98
什錦天婦羅 🍤
什錦天婦羅包含三蝦四菜，四款蔬菜皆源自日本，不論南瓜、青椒仔、茄子或甘薯，全部都十分鮮甜甘香。至於大蝦則非常新鮮，肉質彈牙。薄薄一層麵衣裹住豐富味美嘅新鮮食材，配少少天婦羅汁調味即可享用。最特別係師傅將兩種顏色嘅麵條排成樹狀沾漿炸，成品睇落有幾分似櫻花樹，既可食用，又可作裝飾同分隔食物，真有創意！
[價錢 Price]
💰$42
豚肉露筍卷 🍡
我自己揀咗一串豚肉露筍卷，豚肉肥瘦均等，卷住一段段清新無渣嘅露筍，加以少量黑椒同鹽調味，經已好滋味。廚師燒香豚肉油脂，令肉卷充滿肉汁同油香，配上健康嘅露筍，能中和飽膩感。
[價錢 Price]
💰$42
鹽燒牛舌 👅
店員介紹串燒時特別推介牛舌，朋友抵受唔住誘惑，所以點咗一串試試。再一次驗證到只要食材夠新鮮，用最簡單嘅料理方式就足夠嘅道理。廚師只用鹽同黑椒為牛舌簡單調味，因為燒嘅火候同時間都控制得剛好，所以牛舌唔會又乾又硬，反而做到外脆內嫩。而且牛舌充滿牛嘅羶香，肉質同味道都非常出色，好食到朋友合埋雙眼，細心品味。
價錢 Price]
💰$52
煙肉帶子卷串 🥓
煙肉燒至表面焦香，內裏包裹住大大粒帶子，一口一件，咬落滿滿煙肉油香，細嚼後食到帶子嘅鮮甜，好味道！帶子肉厚軟嫩，同焦脆嘅煙肉一齊食大大提升口感同味道，好食到我哋決定要搵次喺屋企自製，還原美味！
[價錢 Price]
💰$58
和牛粒串 🧆
朋友另外點咗串和牛粒串燒，伴以芥末醬，相當惹味。和牛粒相較有嚼勁，肉質較為緊實；燒過後嘅油脂入口即化，牛香溢滿口腔，沾上少許芥末醬有去油去膩嘅功用。
張貼
