影片
開飯介紹
餐廳採用居酒屋的佈局，食客可觀看廚師烹調的過程。餐廳提供各式日本料理，主打丼飯、刺身，選用日本新鮮海鮮，刺身種類也較坊間少見的。其招牌菜「千層海膽飯」，飯上鋪滿如山傾的海膽，再鋪上一層吞拿魚蓉。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
公眾假期
12:00 - 15:00
18:00 - 23:00
公眾假期前夕
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
相關文章
尖沙咀厚福街除咗出名食甜品外，最近幾年多左樓上日式居酒屋。今日朋友就約左我上去聚一聚。店內以木系設計好有日式居酒屋的感覺，更有bar 臺可坐。北海道仙鳳趾（鳳凰）蠔生蠔超大隻，好飽滿，脹卜卜。加了柚子啫喱在蠔上面，食落蠔味好creamy ，牛奶味重。鮨一沙律第一次食刺身沙律，估唔到該店加入三文魚、生菜，蕃茄、帶子、魚、八爪魚刺身混合新鮮生菜做成。超級好食，下次來都會再叫。新辣油油甘魚刺身薄切一碟超多片，切到非常薄身，油甘魚非常通透。估唔到油甘魚加上辣椒油，味道反而會令油甘魚更出。香蔥碟魚邊杯碟魚被火槍噴過變得熱辣辣，燒到金黃色，碟魚入口即溶，魚嘅油脂豐富及香。再加上壽司飯以杯載住，滿足感十足。鮮帶子海膽手卷海膽滿佈壽司飯上，再加上帶子及金箔，非常顯貴，打卡必點。香蔥吞拿魚腩手卷上面鋪住我超喜歡吃的吞拿魚腩蓉，再加上薑蔥令吞拿魚腩香味更提鮮。日本九肚魚天婦羅炸到金黃色，非常鬆脆可口，九肚魚沒有魚骨甲羅燒非常濃嘅蟹味同蛋味好濃放上去烤熱阻嘅多士超好食味嚐煮牛舌分量超多，牛脷滿曬成個碗、仲有白蘿蔔做伴菜。碗內麵豉湯吸收曬牛舌嘅精華，非常香牛味。
繼續閱讀
朋友生日當然要食好啲啦，今次揀左間位於尖沙咀嘅人氣日本餐廳，佢啲野食非常吸睛，好適合打卡！餐廳三層都有座位，而我地就係18樓，座位都坐得舒適！鮨一千層海膽飯，呢個海膽飯差唔多枱枱都有叫，一上枱就已經好吸睛，中意食海膽嘅朋友一定唔可以錯過！海膽疊到好高，上面仲有金箔，海膽鮮甜又creamy，而且飯嘅份量唔會好多，加埋拖羅蓉，用紫菜包住，口感非常豐富！日本五島列島岩蠔，生蠔大隻又肥美，食落爽身，加入左柚子啫喱，令生蠔有更清新嘅感覺！鮨一沙律，沙律有鮮甜嘅蕃茄，加上仲有刺身粒，包括油甘魚、鯛魚、蟹籽等，刺身新鮮鮮甜，沙律菜拌有柚子醋，食落酸酸味味，夠哂開胃！滿滿甜蝦杯，份量滿滿嘅甜蝦，爽甜彈牙，加上蛋黃汁，令口感更滑溜！甜蝦底仲有飯，食一杯夠哂滿足！燒鵝肝，共有兩件，鵝肝配上多士，再加埋沙律一齊食，食落唔會太漏！甲羅燒，好耐冇食過啦，蟹膏伴入蟹籽、蔥花同埋蛋汁，蟹膏味道濃郁，口感豐富！鹽燒雞中翼，雞皮燒到脆口，雞肉嫩滑，唔錯！
繼續閱讀
1. 日本五島列島岩蠔 $98/隻每一隻都好大隻，又夠肥美，仲要隻隻都脹卜卜，睇落去已經知道好新鮮，上面有啲青檸啫喱係表面，口感鮮嫩，又唔腥帶蠔既甘香同少少海水味。🌟評分：8.5/102. 真鯛刺身 $168有4片，而且都大片同埋切得厚，口感嫩滑，帶少少鮮甜，冇腥味，同埋都係好新鮮。🌟評分：8/103. 貝三味 $118有北極貝、帶子、赤貝，仲有帶子裙邊，全部都係好鮮甜，好爽口彈牙。🌟評分：8/104. 甲羅燒 $98入面放咗滿滿嘅蟹膏、蟹肉，同埋蟹籽，配上多士，真係好滋味，好香濃蟹膏味，仲有蟹籽增加口感。🌟評分：8/105. 清酒煮蜆 $72蜆每一隻都係大大粒又冇沙，蜆既鮮甜與清酒相得益彰，味道清新。🌟評分：7/106. 日本九肚魚天婦羅 $58九肚魚炸得好香脆，而且九肚魚嘅炸衣唔會好厚，又油溢味，配上蛋黃醬。🌟評分：7.5/107. 日本粟米 $53粟米超級多汁，食落超甜，仲非常之爽口，冇草青味。🌟評分：8/10🎖️整體評分🎖️❤️味道：8/10🧡環境：8/10💛服務：8/10💙性價比：7/10📍 鮨一 (尖沙咀)尖沙咀厚福街12-12A號藍馬商業大廈18-20樓
繼續閱讀
話就話我哋同一間公司、但係一個喺大西北另一個就喺九龍東😅 要夾到時間見面真係有啲難度🤜🏻🤛🏻 難得見面，梗係要擦餐勁㗎啦🤭 聽朋友介紹，尖沙咀厚福街附近有間 #日本餐廳 都唔錯，一於試吓佢😚未夠七點，餐廳已經坐滿九成人，weekdays 有咁嘅客量，我估食物同服務一定唔會差🤤 雖然餐廳地方唔算大，不過裝飾得都幾骨子😚 呢日服務員安排我哋坐喺我吧枱前，#小秘書 又可以一邊食嘢、一邊欣賞師傅嘅手藝喇🤪為咗滿足為食嘅嘴仔，當然要將好食嘅叫晒返嚟啦😚🫧日式冷菜#日本白粟米 🌽未經烹調過嘅粟米特別清甜，入口仲有種爆汁嘅感覺😘日本五島列島岩蠔🦪 肥嘟嘟嘅 #岩蠔，加上檸檬柚子啫喱喺面，令海鮮嘅味道更加突出🤤🍣壽司蝦三味（#甜蝦、#赤蝦、#牡丹蝦）🦐 幾款蝦刺身都好新鮮，啖啖肉嘅口感，非常鮮甜🤤貝三味（北極貝、帶子、赤貝）🐚 #北極貝 味道鮮甜🤤 #赤貝 非常厚肉，口感爽彈🤤 厚切嘅 #帶子，亦非常肉感，令口感夠晒滿足🤤 🍱刺身丼飯千層海膽飯 - 師傅用咗 #日本海膽 做主調， #吞拿魚蓉壽司飯 做底，再加上一層又一層嘅海膽，單係外貌已經好吸睛👀 海膽味道香濃，而且份量都唔少，我都喺第一次喺香港可以食得咁滿足咋😚🔥熟食、燒物#甲羅燒🦀 #蟹膏 味道濃郁，配埋蛋漿一齊放入多士上面食，好有層次感☺️#清酒煮蜆 🍶 大大隻嘅蜆肉非常肥美，配埋清酒造成嘅湯底，尤其帶出鮮味🤤#燒鵝肝 🦆 厚厚嘅鵝肝充滿鵝油香，簡直係膽固醇之最😍#日本九肚魚天婦羅🐡 師傅將 #九肚魚 切成條狀，再鋪上炸漿，口味麻麻哋，都幾惹味🤤真係冇諗過小店都可以帶來無限驚喜❤️🔥📍鮨一日本料理(尖沙咀) 尖沙咀厚福街12-12A號藍馬商業大廈18-20樓
繼續閱讀
尖沙咀厚福街真係有好多野食，今日忽然好想食日本野就過左藍馬商業大廈搵食，黎到呢間位於18樓嘅鮨一！居酒屋雖然地方細細，但設計非常日式別緻！設有吧枱位可以見到師傅用心製作食物！經過店員推介，我哋今日都叫咗好多款唔同嘅食物：🌽日本白粟米- 好清甜呀！又多汁！冷盤一流呀！🦪日本五島列島岩蠔配檸檬柚子啫喱- 超肥美嘅生蠔，好新鮮蠔味重，加上檸檬柚子啫喱好清新好夾！🍣雪頂三文魚山- 火炙三文魚加上三文魚籽砌成一座山嘅壽司！大滿足！🐟池魚刺身- 池魚刺身大家就食得多，鮨一配嘅唔係一般wasabi豉油，係自家製嘅薑蔥豉油，真係好似食緊蒸魚嘅風味！讚呀！👍🦪貝三味- 當中有北寄貝帶子赤貝，全部都好鮮甜，簡直好食到想encour.🦀甲羅燒- 呢個甲羅燒配上多士，香濃嘅蟹膏混和魚籽等再塗上多士，滋味一流！🍛味噌煮牛舌- 呢個大推，牛舌軟淋，湯頭濃厚，蘿蔔吸晒味後特別好食！食住食住，見到隔離台啲串燒都好吸引， 我哋都唔執輸，叫咗幾串🤗🍢鹽燒白鱔- 厚厚嘅白鱔，好juicy，又爽脆！推介！🍢免治雞肉串- 自家製免治雞肉串加上蛋漿，係天衣無縫嘅組合。🍢煙肉串茄- 呢個配搭一啲都唔油膩，食多幾串都得！🍢燒大蔥- 朋友唔鍾意食蔥，我推介去試下呢度嘅燒大蔥，佢食完都話一啲都話值得一試，好香甜，一啲臭蔥味都冇！整體餐廳嘅食物水平都好高！ 環境都坐得舒服，坐低喺吧枱坐位傾下計、食下嘢，都真係唔錯！下次可以約朋友再嚟encore一下！😃
繼續閱讀