六記

營業中

休息中

呢度都要訂枱啊！佢好多熟客仔，唔想黎到冇位，就好似我咁訂枱先。六記招牌雞煲半隻（小麻,微辣）雞煲熱辣辣用Gas爐上枱，佢會跟一碟生菜，雞食到咁上下，將生菜加入雞煲內，生菜吸收左醬汁好野味。豉油皇炒麵簡單炒麵用洋蔥、韭黃、銀芽炒麵，最正嘅係夠鑊氣，咁就係好食。薑蔥魚雲煲將魚雲炸過再連爆香嘅薑蔥放入煲內，煲仔香噴噴上枱，魚雲質感保持滑溜。鐵板啫啫生菜啫啫生菜內有肉碎同蒜、辣椒，因為鐵板上，大碟夾抵食。鹹菜胡椒豬肚湯咸酸菜、支竹、香芹菜、豬肚、薑片。胡椒味濃而帶辣，好開胃嘅湯水。可口可樂檸檬冰底食飯再加杯檸樂冰底，至高享受。