六記

早已聽聞雞煲好出名突登入黎一試究竟味道無想象中驚艷，老實講一品雞煲味道更勝一籌重點係我叫半隻雞煲，成煲雞骨碎骨多過肉我唔知係咪出名食骨，但就真係好多骨最後攞啲骨出黎砌返所謂半隻雞，你講係半隻乳鴿我都信蒸餃都係還好，無咩特別…查看更多

之前經過青衣涌美村的六記，晚上都滿座，今晚終於去咗一試，佢哋推咗幾個晚上套餐做五七折優惠，十分吸引；我哋叫咗個三至四人套餐B,四個餸跟六碗白飯，折扣後$218,時間尚早，出菜好快，咕嚕雞球味道可以，煎封倉魚炸得又乾又硬，上湯什菜煲淡而無味，個咸蛋蒸肉餅唔夠香滑，實在令人失望，可能這些不是他的招牌客家菜啦，但係二百幾蚊埋單好抵，再去的意欲不大。…查看更多

🏡 氣氛｜村屋裡的老香港味道六記唔係商場入面嗰啲冷氣餐廳，而係真真正正「街坊feel」嘅村屋地舖。門口擺滿圓枱，啲街坊一邊打邊爐、一邊傾計，氣氛好似返咗屋企咁。入面裝修簡樸，但乾淨企理，最重要係有種人情味。🍲 必試菜式推介🔥 招牌雞煲– 醬汁香濃微辣，雞肉嫩滑，仲有好多料頭（蒜頭、洋蔥、辣椒），送飯一流。 – 可以加料打邊爐，啱晒一班人慢慢歎。🐙 金沙鮮魷– 外脆內嫩，炸粉唔厚，椒鹽香氣十足，送酒一流。🥬 雞油豆苗– 豆苗炒得爽口，雞油香而不膩，簡單但好食。🦐 鮮蝦籠仔荷葉飯– 荷葉香滲入飯粒，蝦、燒肉、冬菇齊晒，足料又有層次。🧾 總結｜隱世老店，食得出心機六記唔係新派餐廳，冇打卡牆、冇浮誇擺盤，但佢有嘅係「鑊氣」同「人情味」。每一道菜都煮得有火候，唔係求其炒出嚟；而且侍應笑容滿面，好有親切感。…查看更多

路經涌尾村搵嘢食，發現呢間村屋樓下嘅客家菜。 繞村一週，見呢間最多人支持，於是就試下。牆上貼住既報道，話主打客家菜。 可惜人少同午市，好多特色嘢睇落幾吸引，但係都試唔到。簡簡單單叫咗個蝦醬炒飯，水餃，奶茶。蝦醬炒飯飯炒得幾乾身，都有多少鑊氣。 蝦醬味唔算超級重，但整體上香味都還可以。 入面有蝦、叉燒、火腿等等材料，配料方面都算交到功課。水餃大大隻，入面材料都算飽滿。奶茶茶味到夠濃。有機會要搵齊人，夜晚嚟試下佢主打嘅客家菜。…查看更多

今日第一次行去涌尾食早餐，知道六記夜晚好旺，順便睇吓佢個早餐係點。點咗一個羅宋湯早餐，非常足料，成碗好似出邊嘅兩碗咁樣，味道都幾好。香腸雞蛋就正常發揮。唯一美中不足嘅係塊麵包有啲太硬。 另外嗌咗個腿蛋治，下次建議都係唔好烘底，但係腿蛋治粒蛋你睇吓有幾厚。都幾推薦。杯奶茶都幾好飲。總括嚟講應該會成日過嚟食早餐嘅。…查看更多

青衣村屋中一間隱世食堂👀✨主打街坊生意 ，有火鍋、雞煲、小菜🥘🍲🧆多款鑊氣小炒💛色香味俱全🤤推薦一班人黎食，仲可以叫多幾款餸👨‍👩‍👧‍👦👩‍👩‍👦‍👦👨‍👨‍👧‍👧🐔六記招牌雞煲叫左半隻微辣，雞肉嫩滑，醬汁味道香濃，仲有好多唔同料頭，非常香口，送飯一流，隨雞煲仲附上一份生菜🥬金銀蛋肉鬆浸豆苗豆苗配上金銀蛋同蒜頭、肉鬆，煮出黎既上湯都唔錯，咸度適中又香口，面且份量都唔少🦑椒鹽鮮魷一上枱已經係陣陣椒鹽既香酥味，薄薄既炸粉包裹住新鮮魷魚，厚度適中，唔會有好漿口既感覺 ，酥脆咸香…查看更多

今日約咗朋友去青衣試試呢一間隱世客家菜，地點都好方便，一落巴士行多兩步就到。菜式選擇多，尤其煲仔充滿鑊氣，推薦鍾意食傳統港式小炒同飲返兩杯嘅朋友！🌟薑蔥豬潤煲🍲超級夠鑊氣，本身唔係特別喜歡豬潤，但係呢度嘅豬潤十分juicy，而且爆到超香，完全唔腥🤤🌟椒鹽鮮魷🦑惹味得來不會太鹹，炸衣薄得黎好香脆，送酒一流。🌟雞油豆苗🥬配合雞油炒過嘅豆苗鮮嫩爽口，每一啖都好香😋🌟鮮蝦籠仔荷葉飯🍚荷葉飯好足料，除咗蝦之外，仲有燒肉粒、冬菇等不同嘅餸，份量十足，加埋荷葉嘅香味，正👍🏻🌟芝士蟹籽明蝦球🍤蝦球超大粒，蝦肉爽口彈牙，加埋濃厚港式芝士汁同脆脆嘅蟹籽，超級邪惡😈#土魷蒸肉餅亂畫多汁， 十分美味😋高質客家菜，正😆…查看更多

姐夫專登渣車帶我地食好西，去到青衣的村屋～認真識食！坐在室內聽着大廚火爐的聲音，感覺良好！中菜，最緊要係熱辣辣！呢度真係夠鑊氣！椒鹽鮮魷🦑椒鹽鮮魷，即叫即炸！大量炸蒜頭和辣椒！鮮味提升100分！近乎完美的椒鹽鮮魷！雞油豆苗🌱豆苗是我最喜歡的蔬菜，有雞油香味卻不會太油膩！薑蔥焗蠔煲🦪蠔肉大大粒，juice 到不得了！生熟度拿捏得剛剛好！不會過生又不會過熟！滿滿的營養！香蔥更會精華所在精華！時菜豆腐魚雲湯🐟奶白的魚湯，爆香的魚頭！充滿鮮味和營養！魚雲滑一滑！淡淡的薑味！一定要趁熱飲！一致認為是接近完美的客家小菜！這裏吃到傳統，鑊氣，人情味！必定要大力推介比朋友！…查看更多

六記大排檔有一種舊香港既味道。你一入去，就會感受到啲懷舊嘅氛圍，門口外有一張張既圓枱，每個人都開心傾計暢飲！佢哋嘅服務員好有人情味嘅。佢哋笑容滿面，好熱情好樂於助人，就好似你番到屋企咁。佢哋真係用心同你傾計，令你覺得好溫暖。佢哋嘅熱情令你食得更開心。秋天嚟六記大排檔最岩啦！你坐低係度，享受美食，感受到一陣陣涼風輕輕吹過，真係好舒服又愜意。首先唔可以錯過嘅就係佢哋嘅招牌菜「招牌雞煲」，濃郁而鮮美，令人嘴唇生津。啲雞肉軟嫩入味，同埋湯汁嘅香氣真係令人回味無窮。再黎講下佢哋嘅手切封門牛，簡直係一絕！新鮮嘅牛肉切割得厚薄恰到好處。最後，我要大讚下佢哋嘅椒鹽白飯魚。個魚炸得金黃酥脆，一咬落去，外脆內嫩，魚肉鮮美。椒鹽粉嘅調味帶嚟微微嘅辣味同香氣，令人食唔停口。真係一道令人上癮嘅美食！總括而言，六記大排檔真係值得推介！…查看更多

平時都有去過唔少大排檔食飯，但今次呢到位置村入面，所以真係試到十分正宗既客家菜🔥無論係之前係出面既客家菜館都未食過呢到既一啲小菜同味道👅。今日一家人黎食，所以都試左好多唔同既菜式😍而當中既古法客家炆豬肉深得我媽媽喜歡👩🏻因為佢話呢個味道係有兒時既味道🐖入面都有唔少配菜都為呢味餸增添唔少層次，而佢豬肉既口感都好彈牙，完全唔會覺得啲肥肉油膩💧。🐒秘制豉汁蒸大鱔💰$188🐒六記小炒王💰$108🐒金銀蛋肉鬆浸菠菜💰$68🐒古法客家炆豬肉💰$138🐒南翔小籠包(8隻)💰$68🐒客家蒸鹹雞(半隻)💰$118🐒白飯💰$12🐒汽水💰$12🐒凍檸茶💰$16。另外呢到既特別之處係佢地既野食好多元化，見到佢有小籠包個下都真係好surprised🤩即刻忍唔住嗌，不過我都係建議一場黎到咁有客家特色既村屋，就緊係食番佢地既出名小菜🧆…查看更多

隱世青衣超鑊氣小菜🌸古法客家炆豬肉 $138🌟🌟🌟🌟🌟濃郁南乳味，豆卜索晒南乳汁，超惹味，五花腩肥瘦分明，仲有超多酸菜同唐芹。🌸客家蒸鹹雞（半隻）$118🌟🌟🌟🌟🌟鹹度適中，肉質鮮嫩🌸蒜子火腩大鱔煲 $208🌟🌟🌟🌟🌟份量十足，超大煲，超多彈牙鮮味大鱔，先炸後炆，口感不錯，火腩份量都不少，超入味冬菇、爽口枝竹、蒜子🌸蟹籽芝士扒班腩 $78🌟🌟🌟🌟🌟濃郁芝士味，班腩夠脆夠嫩，送飯一流🌸鮮蝦籠仔荷葉飯 $98🌟🌟🌟🌟🌟份量十足，荷葉味夠香濃，味道適中，材料有火腩粒、鮮蝦粒、火腿等等🌸凍奶茶 $19🌟🌟🌟🌟🌟🌸凍鴛鴦 $19🌟🌟🌟🌟🌟======詳情======六記 (青衣)青衣涌美村92號地舖================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #青衣美食 #青衣好去處 #香港美食探店 #香港探店 #我是吃貨 #打卡熱點 #打卡美食 #著數報料 #秋日美食 #全民打卡企劃 #古法客家炆豬肉 #客家蒸鹹雞 #蒜子火腩大鱔煲 #蟹籽芝士扒班腩 #鮮蝦籠仔荷葉飯 #涌美村 #六記…查看更多

朋友住開青衣的，是晚和他晚飯，去左附近依間中菜館，小菜整得唔錯，最令人眼前一亮的竟然係招牌韭菜餃，大隻抵食好味呀。招牌即蒸韭菜餃 $58韭菜餃超大隻，皮薄餡多，菜肉比例剛好，吃起來口感脆嫩，果然係招牌菜好食，有半打相當抵食。金莎明蝦球 $138炸蝦球薄粉彈牙口感，均勻塗滿邪惡的咸蛋黃醬，大大件啖啖肉，非常好食。蒜蓉粉絲蒸鮮魷 $148魷魚新鮮軟彈，底汁不多被粉絲索晒，蒜蓉加持下都唔錯。薑蔥焗蠔煲 $208蠔身大隻飽滿，乜腥味，好多薑葱，醬汁濃郁，幾有風味。…查看更多

位於一個比較隱蔽的涌美村內的一間出色餐館, 零九年開始由兩兄弟開的, 主打客家菜。用餐位置分別有室外與室內, 由於前身是甜品店, 所以室內環境相對一般同類型餐館幽雅整潔😊六記招牌雞煲半隻 $142既然是招牌菜之一就當然有水準, 我們點了微辣, 母親不太吃辣則吃到眼水鼻涕一起流出來, 所以大家要留意, 可以選擇走辣 😅 醬汁利用四川香料和辣椒調味, 十分惹味! 雞件如果煲太久就會不夠滑, 這個大家也要多加留意 😉麵醬蒸黃花魚 $128一上碟已經香氣四溢, 麵鼓醬蒸魚, 非常新穎的煮法, 而且醬汁半甜半咸非常好吃! 😋 黃花魚亦鮮嫩可口, 火候十足, 非常驚豔 🤩黑椒蜜燒脆薯牛柳 $138誤以為牛柳粒, 卻來了一堆牛柳塊, 黑椒蜜糖醬甚多, 完全包圍了每一件牛柳 🤗 這個也好吃, 但對比另外兩個菜就少了一份驚喜度。時菜豆腐魚雲湯 $148魚湯含有又濃又鮮的魚味, 魚頭經過油炸再煲湯, 令湯更加入味 ☺️ 可能因為四川菜, 廚師加了不少黑椒, 所以魚湯額外多了一份辣味。除了點餸菜吃飯, 也有打邊爐, 而且有不同類型的套餐供大家選擇 🙂 這裡每一碟菜都很有份量, 而且廚師手勢有水準, 絕對是超值之選! 👍🏻 我們又多了一個可選擇晚餐的地方了。…查看更多

今次朋友帶我黎青衣搵食 話呢間大排擋好有鑊氣餐廳都幾乾淨 有室內同室外 都係幾間鋪連成揀左室內坐 唔似平時啲大排擋咁污糟 反而幾乾淨企利檯面有QR code可以落單 幾方便坐係度揀菜既時候仲可以聽到廚房個啲炒野好有鑊氣既聲 令人好期待✨薑蔥豬潤煲用煲仔上 好有鑊氣 豬潤加韮菜一齊快炒豬潤熟度岩岩好 爽脆淋滑冇腥味👍🏻✨金莎明蝦球同平時金莎蝦唔同 呢度既係已經去左殼 蝦肉係用薄粉包住炸過再撈鹹蛋醬入口啖啖肉之外 仲爽脆彈牙 鹹蛋醬包得岩岩好 唔會好鹹好膩 超推薦👍🏻👍🏻👍🏻✨古法客家碌鴨客家碌鴨係第一次試 見到係鴨上面鋪滿酸薑絲鴨既份量都唔少 連埋酸薑絲一齊食 都幾開胃解膩 幾特別✨鐵板啫啫通菜連鐵板一齊上勁有鑊氣 上檯個陣仲係大冒煙 勁香通菜份量好多 炒得好有鹹香味 差啲又食多碗飯🤭朋友介紹果然冇失望 已經越黎越少見咁有鑊氣既餐廳而且呢度仲要有好多菜式可以揀價錢唔貴 環境夠乾淨企理 性價比高推薦大家黎試下🙌🏻…查看更多

今晚去青衣探朋友前，約左先係個邊食晚飯， 放工即刻係中環搭948 巴士，原來超級方便, 一落車行入去就到餐廳了。1) 招牌雞煲 - 知道呢度雞煲出名，所以點都要叫返個試下先，呢度order時比起我係其他鋪頭食過既仲可以叫得仔細d (有微辣、小辣、中辣...可揀，然後仲有小麻、中麻...既辣程度可揀，再極致到一個點就係連莞茜蔥都可以走)，犀利!!2) 椒鹽炸豆腐 - 豆腐切得細細粒， 外面脆又容易入口，配以辣椒絲同炸蒜，好好送口3) 黑椒蜜燒脆薯牛柳 - 見呢碟都好評多，果然! 牛柳唔韌、醃得夠入味，所以我地個人覺得黑椒既辣仲勁過麻辣既辣, 脆薯塊接得住上面牛柳流落黎既黑椒汁，分外惹味香口4) 金沙蝦球 - 超級鐘意呢個，除左可以中和其他兩道菜的辣外，呢個蝦球肉質爽彈，蝦身夠大夠圓潤，個金沙唔多唔少甘掛係每隻蝦度，形成薄薄的一層，一點都唔覺得膩口負責收銀既應該係老闆，佢好關心食客覺得當晚既野食有無咩要改善的地方，伙計都好友善，有室內同室外座位，室外既位就多d，地方好乾淨，而且座無虛席架，難怪老闆提議我地下次黎可以預先訂檯。而我地今晚就坐室內嘆住冷氣食，正!…查看更多