鷹巢

營業中

休息中

自從上次年初三一個人嘗鮮，未食完就已經打算下次同屋企人再黎，今日終於有機會了。日上三竿先訓醒，慢慢嘆杯咖啡後，接埋兩老出發飲茶。話明飲茶就梗係主打試點心，一口氣叫左四款點心，有芋頭蒸排骨，鮮蝦腐皮卷，燒賣，同兩個灌湯餃，全部非常有質素。食完點心就再叫飽肚嘅菜色，最後選擇試下個鴛鴦米海鮮泡飯，非常有驚喜！個湯非常鮮味，有好多海鮮粒，另外額外奉上一小碟脆米，加落泡飯增添一重口感！兩老非常滿意，一致認同可以再黎！