正潮樓 (中國太平大廈第一期)

營業中

休息中

灣仔本店已經同屋企人食過幾次，收到風有新店即刻黎試，menu有啲唔同，仲有二人餐。厚菇焗鮑魚軟滑厚肉，鮑魚汁香濃入味，冬菇同鮑魚都有大半個手掌咁大，夠哂體面，性價比一流。滷水拼盤份量十足，好香好入味。 鵝紅滑嘟嘟，鵝片軟腍，食到鵝油甘香。 元蹄水潤幼滑有骨膠原，做得好出色。魚露浸花甲粒粒都大隻飽滿、彈牙鮮甜，食到魚露香味唔會太咸，值得一試。方魚蠔仔粥用料十足，滿滿大大粒蠔仔，仲有唔少方魚粒、肉碎同菜莆，粥底鮮甜，口感豐富。