影片
更多
2019-06-19
1311 瀏覽
慶祝父親節。即日朝早打去訂位。講明第2輪7:30有位。7:20去到。話搵唔到booking record。同佢講埋幫手落booking嘅同事名。佢都完全冇理過。係咁行開。搞到等定唔等好都唔知。之後好快就勁多訂左7:30嘅人擁現等入坐。未回到枱結果成堆人塞左喺個recept度。個接待又成日走黎走去冇處理。一大堆人就自己係咁喺booking紙上搵自己個booking。接待一番黎啲人就係咁同佢講自己個booking。佢就將啲人好亂咁另外寫左喺另一張紙度。完全冇分先後次序。有枱佢就純粹邊個名未刪就叫。結果就人人圍住個recept係咁提佢。極度混亂。最後等左半個鐘佢先答會有位。等唔係問題。不過開始時答一句呢個要求都唔叫過份掛。搵唔到booking冇位唔緊要。有老有嫩呆等你一句咁耐。入到去其實好迫。侍應推車執枱要客人係咁郁櫈就位。人手極度唔夠。揮手舉手到手軟先有人理。咁大間米芝蓮餐廳。咁嘅安排同服務完全接受唔到。入到去都8點。啲小朋友已經好餓。所以簡單叫餐算。8大2小叫左個8人餐。仲叫左蟶子2味。食到勁飽。前菜全部細細碟。小腸爽口。紫菜偏酸開胃。豬蹄凍完全冇味。筍乾普通。竹笙海參羹勁大兜又足料。味
7:20去到。話搵唔到booking record。
同佢講埋幫手落booking嘅同事名。佢都完全冇理過。
係咁行開。搞到等定唔等好都唔知。
之後好快就勁多訂左7:30嘅人擁現等入坐。
未回到枱結果成堆人塞左喺個recept度。
個接待又成日走黎走去冇處理。
一大堆人就自己係咁喺booking紙上搵自己個booking。
接待一番黎啲人就係咁同佢講自己個booking。
佢就將啲人好亂咁另外寫左喺另一張紙度。
完全冇分先後次序。有枱佢就純粹邊個名未刪就叫。
結果就人人圍住個recept係咁提佢。極度混亂。
最後等左半個鐘佢先答會有位。等唔係問題。
不過開始時答一句呢個要求都唔叫過份掛。
搵唔到booking冇位唔緊要。有老有嫩呆等你一句咁耐。
入到去其實好迫。侍應推車執枱要客人係咁郁櫈就位。
人手極度唔夠。揮手舉手到手軟先有人理。
咁大間米芝蓮餐廳。咁嘅安排同服務完全接受唔到。
入到去都8點。啲小朋友已經好餓。所以簡單叫餐算。
8大2小叫左個8人餐。仲叫左蟶子2味。食到勁飽。
前菜全部細細碟。小腸爽口。紫菜偏酸開胃。
豬蹄凍完全冇味。筍乾普通。
竹笙海參羹勁大兜又足料。味道亦都調得好好。
松鼠魚酸甜味適中。魚去左骨炸得夠香脆。
豬手都脆不過冇乜味。豬手本身冇肉主要食皮太膩。
荷葉包個包本身少少甜好食。啲肉似炸醬肉絲味。
辣汁啦啦其實即係炒蜆。唔辣有沙。
芋心絲瓜都係正正常常。冇咩特別。
媽祖麵線啲麵線偏粗。味道係本身麵線味為主冇咩調味。
甜品桂花鮮蓮。蓮子偏爽口。個人喜好鍾意淋啲。
蟶子叫左鹽焗同薑蔥。鹽焗有驚喜。食到蟶子好鮮甜。
相反薑蔥味道奇怪。冇薑蔥香味。蟶子味亦都遮掩哂。
總括而言。以一間米芝蓮餐廳準則。
安排。服務。食物。三方面都完全唔合格。
張貼
