鹵家

營業中

休息中

同朋友今晚去左係元朗教育路嘅滷家，我哋都異口同聲都好鍾意呢間小店。員工親切有禮，晚市套餐又好抵食。兩款皇牌小菜，時菜一碟，小食一款，兩杯飲品或是日例湯，亦可選擇白飯或麵類。滷麻豬耳豬耳本身已經滷入晒味，所以本身已經好好食，外皮好腍，但軟骨好脆，特別嘅口感，加少少麻辣味，食到停唔到口。滷水汁生菜套餐送嘅油菜，符合返主題滷水汁嘅油菜，雖然係普通油菜，但份量都非常之多。蜜汁叉燒王呢個真係要超級大推嘅叉燒，首先半肥瘦嘅比例十分完美，所以口感非常之好，可以講得上係入口即溶，燒嘅火候亦都控制得恰到好處，真係有明爐燒味嘅香氣。梅子脆燒鴨燒鴨嘅外皮十分之香口，脂肪比例好好，食落唔會太油膩。另外鴨肉嘅肉質一啲都唔嚡，肉味非常之濃。