阿爺八鮮鍋

營業中

休息中

星期四放工約左舊朋友聚舊，想搵一個可以任飲任食嘅地方，打下邊爐。就試下呢間阿爺八鮮鍋，星期一至四夜晚9:00後入座，仲有八五折，真係好抵食。like 個社交平台仲可以送一客刺身拼盤。而且質素十分之新鮮。先食一個麻辣雞煲，好香嘅花椒味，雞嘅份量啱啱好，最緊要雞肉夠滑。食完雞煲就可以換湯底打邊爐，先會上一個海鮮拼盤，每樣海鮮都超新鮮，上檯嘅時侯鮑魚仲識郁！其他海鮮仲可以無限叫，而質素都好好。火鍋配料種類都係包羅萬有，肉類，內臟類，蔬菜都勁多，特別推介一下安格斯牛肉，豬天梯，豬腰。唔係好多機會食到。最驚喜嘅係有個甜品送，係簡單嘅雜果乳酪，清清地幫助消化。