宴 尖沙咀

呢間日式居酒屋一直都係我嘅至愛，最鍾意就係佢哋嘅日式風格裝潢，仲有盞盞搶眼嘅霓虹燈牌🤩 當初就係畀佢哋嘅燈牌吸引入去😆雞肉大葉串燒伴梅子醬🍢新鮮燒烤出爐再用梅子醬點綴，鹹甜味道完美搭配😋 雞肉一啖咬落仲會爆汁，軟嫩多汁嘅口感真係好好味🤤自家製雞肉棒🍗我同朋友都好鍾意呢個雞肉棒！肉質超級嫩滑，口感十足🤩 蘸埋半生熟無菌蛋更加香～酒盜芝士🧀日本特色送酒小菜❤️芝士嘅鹹香味十足，香濃幼滑，用嚟送酒簡直一流！螢光魷魚漬🦑魷魚肉質彈牙有嚼口，賣相通透而且食落仲會喺口裏面散發獨特嘅鮮甜味🤤 都係一款用嚟送酒嘅小菜～梅美人梅酒🍶呢款推介畀鍾意甜味嘅姊妹～帶住微微酸甜嘅味道口感好豐富，入口順滑，而且仲可以品嚐到天然梅子嘅香味😳三得利生啤酒🍺色香味俱全嘅一款日式啤酒🍺 濃郁嘅麥芽香味仲帶住清新嘅花果香味，好有層次感，配埋幾款送酒菜簡直太完美😍