影片
更多
2023-06-16
1206 瀏覽
久違嘅四川菜! 去咗灣仔紅花匯食lunch，有前菜、湯品、主菜、主食同甜品，足足5道菜，非常豐富，價錢每位$138又免茶芥都幾抵食，但一定要2位起。前菜（自選一款）前菜有八款選擇之多，好多都非常吸引！推薦竹炭脆皮鴨血，平時多數都係豆腐餡，變咗做鴨血，口感更滑溜。外皮都炸得薄脆，外脆內軟，正！另外都試咗椒汁鮑魚，鮑魚切成薄片，每面都沾上花椒嘅香氣，唔算太辣，反而麻香較突出，都好食🤤湯品海皇豆腐羹有驚喜，蝦肉新鮮彈牙，味道鮮甜！當日時令湯有粉葛赤小豆鯪魚湯，都好足料好甜！主菜主菜有12款選擇，紅花水煮牛肉有驚喜，牛肉肉味香濃，肉質嫩滑，香料味道夠香，麻香而不辣，底下仲有薯粉，份量多d就更好！黃菊酸菜桂花魚都係餐廳另一招牌，魚肉紮實無骨，而且厚切大件，口感十足！酸味同辣味都平衡又溫和，唔會好油膩，確係好食，如果魚件多d就更滿足啦 。主食XO醬海皇炒飯同頭抽豉油王炒麵都好有水準，炒飯炒得粒粒分明有鑊氣，蝦仁大大隻又彈牙，成個飯好香口！豉油王炒麵都炒得好乾身，入味又唔鹹，正！甜品揀咗蛋白杏仁茶同薑汁糕，滿足！
前菜（自選一款）
前菜有八款選擇之多，好多都非常吸引！推薦竹炭脆皮鴨血，平時多數都係豆腐餡，變咗做鴨血，口感更滑溜。外皮都炸得薄脆，外脆內軟，正！
另外都試咗椒汁鮑魚，鮑魚切成薄片，每面都沾上花椒嘅香氣，唔算太辣，反而麻香較突出，都好食🤤
湯品
海皇豆腐羹有驚喜，蝦肉新鮮彈牙，味道鮮甜！
當日時令湯有粉葛赤小豆鯪魚湯，都好足料好甜！
主菜
主菜有12款選擇，紅花水煮牛肉有驚喜，牛肉肉味香濃，肉質嫩滑，香料味道夠香，麻香而不辣，底下仲有薯粉，份量多d就更好！
黃菊酸菜桂花魚都係餐廳另一招牌，魚肉紮實無骨，而且厚切大件，口感十足！酸味同辣味都平衡又溫和，唔會好油膩，確係好食，如果魚件多d就更滿足啦 。
主食
XO醬海皇炒飯同頭抽豉油王炒麵都好有水準，炒飯炒得粒粒分明有鑊氣，蝦仁大大隻又彈牙，成個飯好香口！豉油王炒麵都炒得好乾身，入味又唔鹹，正！
甜品
揀咗蛋白杏仁茶同薑汁糕，滿足！
張貼
