紅花匯

營業中

休息中

早兩日约咗屋企人揾地方食飯諗住去湾仔食嘢二揀一去東宝或红花滙最後去咗呢度三千多元的套餐，竟然只有冇脾的半只雞。例水冇味，酸菜魚毎人壹片。豬腳只有豉油味訂台請三思

$198 放題點心幾抵食，公眾假期人又唔算多, 但上菜有點慢。九肚魚炸得好脆，拉絲起酥魷魚鬚就略嫌唔夠椒鹽味。虎皮尖椒夠乾身，苦皮有紅油幾辣幾過癮，跟住鳳爪嗰個芋頭係最好味MVP又有朔晒汁好味筍尖蝦餃好大粒好好味，但係調味稍為淡咗少少可能因為放題所以所有嘢都會淡少少等你可以食多啲牛肉就可以唔使試啦因為鹼水太重灌湯餃未食而家試。

🐑蒜泥白肉，特别在用上黑蒜，有別於出面其他食肆，黑蒜經發酵後蒜味偏甜，蒜本身嘅辛香變相減少，如果你係勁鍾意蒜味嘅人，呢味餸可能會食得冇咁過癮。其他方面，佢個紅油夠辣嘅，呢點我幾Like，豬肉片雖然唔係好肥，但佢帶皮，夾埋青瓜一齊食增添脆口感，豉油汁調教得都幾好味，上枱又夠冰凍，撇除黑蒜嘅因素的話，整體配搭不俗。🐑刴椒白鱔，既然有金菇墊底，當然試咗金菇先啦，夠索汁吖嘛，金菇同刴椒汁個味非常匹配，呢個配搭簡直係别無他選。白鱔夠鮮甜，可惜未係最爽身嗰身，刴椒應該有另外調過味，唔算好鹹，有股鮮味，相信係發酵後嘅作用。🐑毛血旺材料豐富，有鴨血、午餐肉、窩筍、蓮藕、雞件、大豆芽、青瓜、牛柏葉、薯粉、雲耳等，全部都好索汁，當中特別要提提個雞件，係走咗油之後先放入去水煮，所以食起上嚟特別香。麻辣水煮汁底夠香、夠辣、夠惹味，意味著其實呢度其他嘅水煮嘢，應該都會好唔錯。

廚師發辦私房潮州菜～呢間位於灣仔既私房菜，係專門食潮州菜，唔一定要食指定菜單架～仲可以搵廚師發辦！大概講幾錢位，然後你想食咩唔食咩，佢會幫你諗！咁就太好了，岩哂我啲懶人！好有私隱度，要係樓下確認訂檯先可以搭𨋢上去，而上面都係好多間私人包房，岩哂私人聚會，仲可以唱K！唔驚嘈到人😂🤣最貼心係房入面都有個鐘仔可以叫店員，唔洗特登行出行入。然後個日冷氣好勁，都可以叫店員俾條披肩仔！🌟灌漿蘿蔔｜出面炸到卜卜脆，入面係好多汁又煮到淋既蘿蔔🌟堂弄古法潮州翅｜第一次食潮州翅，真係好鮮味，仲要有蠟燭仔一路烘住，食到最後一啖都係熱辣辣🌟古法鹽焗奄仔蟹｜爆膏又多肉，食到選手指！🌟紅燒頂鴿｜係原隻上，炸到岩岩好，又嫩又多汁成隻食夠豪😁🌟陳花雕香醋馬友件｜好香花雕味，魚件蒸到岩岩好，又有少少酸味好開胃🌟紅糖糍粑｜煙煙韌韌😍我鍾意期待下次廚師發辦😍😍😍🏠店名：紅花匯 The Hua Restaurant🚘地址：灣仔謝斐道303號凱聯6-9樓

今日懶懶哋做完按摩，本來諗住買雙餸飯，但啲餸一啲都唔吸引，於是就睇吓叫外賣送嚟我屋企唔使煩，近期都喜歡食辣，就川菜轆轆吓見到一間叫做紅花匯，有個酸辣火山骨，之前喺泰國嘢食過都係叫火山骨，我見佢$100都唔使就叫一個，原來嗌滿$120仲有折，所多個擔擔麵，我驚自己唔夠飽😆兩樣嘢加埋先至$120😆大概半個鐘外賣送到，打開見過火山骨同我之前食嘅差唔多，不過就係嗰條肉排短啲，有好多紅辣椒飲啖湯酸酸辣辣好惹味，每條肉排都好入味夠腍唔係好出色，擔擔面嚟到正常啲面係幼身好香花生醬味，個酸辣火山骨仲有一個白飯附送，食完非常滿意，必然有下次

太太最愛食奄仔蟹所以同由台灣返香港嘅朋友去試吓四個人就訂奄仔蟹套餐先嚟幾個頭盤 ： 1. 一口灌漿蘿蔔2. 紅蝦醬濃汁多士3. 香油膏筍絲三個都好有特色之後：瑤柱蟹肉羹 用個特別嘅碗 保持熱辣辣果然有心在處理食物！其實可以選擇酸辣湯但同行朋友都不太愛辣所以選了蟹肉羹再嚟：黑醋咕嚕黑豚肉 外脆內熱幾特別嘅做法、非常有口感主食：每人一隻成10両的古法焗奄仔蟹台灣朋友說很大隻啊！而且隻隻有膏、可能當造其他：雲腿津白最後：甜品 手工雪媚娘全晚大家都食得好開心會再去！

今日又係聚一聚嘅時候，聚會最好緊係邊飲🍷邊食🥢邊吹水！今晚朋友介紹這間餐廳真係好唔錯👍🏻頭盆小食好啱送酒，糯米蟹好掂👍🏻👍🏻👍🏻奄仔蟹好肥美🦀咕嚕肉就細碟咗啲😌⋯⋯ 總括嚟講食物很不錯🥰🥰

好榮幸地嚟到呢間私房菜餐廳🤩🤩多得朋友喺海鮮界做批發，所以成日跟佢都會食到好嘢👏🏻最正嘅係絕對唔使睇菜單一坐低就可以等食最好嘅飲都係最靚嘅酒。真係食得是福每一道菜都係師傅精心炮製材料新鮮😋我哋大概10個人有一間房，又有自己私人廁所。玩得開心，食得放心簡直係美酒佳餚，師傅仲等差唔多食甜品之前過嚟傾吓每一道菜嘅意思同材料仲好細心咁問大家仲想食啲乜嘢？私房菜能做到呢個新嘅境界簡直係食得錦上添花👍🏼👏🏻🤤

今天約朋友食點心放題，要去9樓，環境與照片有很大落差已經很失望，一張小小的枱，靠窗不過拉上窗簾，打開發現好多雜物。我們準時1時去，雖侍應提醒今天人多要盡早落單，可是要等到1：45先至開始有所訂的點心。期間侍應怕我們無嘢食，給予其他我哋無點嘅點心頂住，不過竟然係凍咗無人食的點心。其後陸續上菜，但蘿蔔絲酥完全是凍嘅，菜心也是凍的。。。芝士長春卷也變成「冷盤」，仲要好咸，椒鹽魷魚鬚當然是凍，但竟然完全沒有椒鹽味。。。最後我哋食不下去，放題係完全搵笨，因為等到您無時間食，而且其間任佢哋上點心，不如下次推點心車仔好過喇，而且要返工都無時間等咁耐，結果都無乜點食，根本就唔係放題，仲要收足咁多錢，實在係一家完全不負責任的餐館（雖然侍應都有唔好意思）。

已經食過好多次的奄仔蟹套餐同不同朋友都讚不絕口每隻都好大隻成9両重！真係要講句：9両菜？😂😂😂而個湯會改為杏汁白肺湯真係冇得輸熱辣辣上而那個黑松露咕嚕肉更加脆香👍🏻👍🏻👍🏻

🥰 人有悲歡離合, 月有陰晴圓缺. 今晚十六人江湖飯局, 幾番擾攘, 選址 “電視台美女” 推介嘅 “紅花匯”. 🏘️ 餐廳位於灣仔商業大廈 6-9 樓, 今晚安排七樓嘅包廂, 室內裝修光猛, 空間闊落, 走中檔路線, 私人會所格局, 設一張大圓枱, 兩部電視, 酒杯櫃等, 玩獨立洗手間, 十個讚. 另外幾張後備凳靠牆, 可以放背囊手袋等, 略嫌少少礙眼.🥢 今期兩個套餐, 人頭價錢分別係 $500 同埋 $600, 我哋揀咗 $600 版本, 茶芥位位 $20, 另加一服務費.香油蒿筍絲椒汁鮑魚一口灌漿蘿蔔椒鹽九肚魚追加: 竹炭脆皮鴨血追加: 加拿大象拔蚌刺身螺頭花膠燉雞蒜蓉粉絲蒸開邊西澳龍蝦金牌紅花酸菜桂花魚時果咕嚕黑豚肉吊燒南乳脆皮雞臘味炒芥蘭棗皇紅棗糕🥒 香油蒿筍絲. 非常爽口, 油香出色.🐚 椒汁鮑魚. 椒味帶勁, 啱啱好, 唔搶味. 諗起 “后園” 嘅 “藤椒象拔蚌”, 同埋 “天一閣” 嘅 “巴蜀墨魚仔”, 異曲同工, 但口感鮮爽, “紅花匯” 選用 有嚼口嘅鮑魚, 效果相對遜色.🥕 一口灌漿蘿蔔. 炸皮鬆脆, 餡料新鮮, 少似蘿蔔絲酥餅, 不俗!🐟 椒鹽九肚魚. 炸粉唔夠

當你以為呢度只係一般酒樓菜式，就大錯特錯。呢度啲師傅原來全部都係名廚出身，所以呢碟菜除咗味道好味，仲要外表都精緻。可謂「色香味俱全」，有啲餸仲好IG-able，又睇得又食得真係越嚟越罕有，太多煮嘢好食嘅師傅都移哂民，真係賣少見少，好好珍惜🥹🥹🥹火燒九層塔（梅菜扣肉） — 呢碟就係打得又睇得，你見到佢每一層嘅比例整得幾咁完美，仲要着埋火呢下夠驚艷，現場睇真係好震撼，每一個都會「嘩！」，每一個都會攞住電話拍低，每一個都會大讚！就算你幾咁怕肥，都真係一定要試，你冇諗過啲肉可以整得咁腍咁好食咁入味 。酸菜魚 — 啲魚又滑又厚身，啖啖肉！個湯濃得來又唔會太辣，而入口又好飲 。連唔係好鍾意食魚嘅我都忍唔住夾多兩嚿，因為真係好滑好好食，一啲都唔腥！！你淨係睇相嘅色水就知道唔會差得去邊 。燒雞拼青瓜手撕雞 — 呢碟簡直食到停唔到，你睇啲燒雞皮幾咁香口脆香，啲手撕雞肉又嫩滑，再配埋青瓜嘅爽口，呢一碟簡直係一定會識到你停唔到。

抵食點心之選📍地點：灣仔🍽️菜式：點心放題💰人均消費：午市放題 HK$150~200🔖服務費：❎🧻餐巾/濕紙巾：✅ / ❎🪑座位類型：圓枱📝落單方式：手寫落單紙.【90分鐘點心放題 】💰HK$168蝦餃皮Q 彈，蝦完整大粒。燒賣豬肉肥瘦比例適中，有蟹籽鋪面。鳳爪、排骨、牛仔骨炆得入味，唔會過鹹。蘿蔔絲酥外皮酥，蘿蔔軟熟👍🏼。鮮蝦腐皮卷夠挺身，咬落有鬆脆口感。椒鹽魷魚鬚同椒鹽九肚魚都香口冇油膉味。#foodcourt #foodxcourtx #foodxcourtxWC #灣仔搵食地圖 #灣仔美食 #灣仔 #點心 #飲茶.紅花匯🏷️ 灣仔謝斐道303號凱聯6-9樓

今日又是小妹做host的每月聚餐，這個日子是四年才能有，就算有人有突發性的會議，我都想繼續舉辦今次想帶大家衝出中環，走入這間裝修雅緻的川菜餐廳食飯。是的，絕大多數秘書包括小妹都不太能吃辣，平心而論這裡的環境和套餐的味道性價比也是有一定的水準。由於這套商務套餐是至少兩位起，我們有兩倍有多的人數，所以都是一桌子也是菜先來三味前菜椒汁鮑魚、椒汁黃金皮蛋、金磚七味豆腐椒汁入口非常惹味，但不能夠否認辣味都幾強和入味，是非常開胃的前菜不辣之選：口水雞、炒菜，吐嚕肉，黑松露蝦仁炒蛋，招牌鹵水鵝片拼盤吐嚕肉的出現，是讓大家的舌頭得到安慰，也提供不少選擇酸菜桂花魚也是蠻好吃，魚肉入口香滑無骨最後大多數人都會選綠豆爽和豆腐海皇羹，正

之前我曾造訪過這家店，味道真的非常好。在過年前，我與家人再度來到這裡，享用了他們的招牌菜「賀年餐」。果然如外界所傳，真的不同尋常，完全沒有讓我失望，越吃越覺得美味無比。我特地點了一個套餐，前菜是「美味到不得了的龍蝦刺身撈起」，色香味俱佳，令人垂涎三尺。主菜包括潮式豆醬焗膏蟹，蟹肉細嫩，配上豆醬的香氣，令人回味無窮；酸辣火山骨，燉煮得夠淋身入味，輕易拆骨，再加上特制的泰式酸辣醬汁，辛辣中帶有酸甜，味道超級濃厚，但辣度也不容小覷，吃到後段嘴唇也有一點微麻。除此之外，套餐還包括清蒸海星班、秘制鹽香雞，肉質細嫩滑潤，每一塊肉都散發出鹽香的風味，醃製得恰到好處。主食是「龍蝦頭抓粥」，粥品充分吸收了龍蝦的鮮味，美味可口。最令人印象深刻的甜品是「薑汁湯圓」，湯圓皮薄餡足，口感Q彈，再配上薑汁的香氣，完美地為這一餐劃下完美的句點。一家人在餐桌旁圍坐著，一邊享用著年菜，一邊聊聊家事，這樣的氛圍讓我們彼此的感情更加深厚。這次的美食之旅，不僅讓我們享受到了味蕾的盛宴，也讓我們的家庭關係更加和睦融洽。