AOAO

營業中

休息中

位於中環嘅AOAO真係一間有驚喜嘅餐廳，地點非常方便，地鐵行兩分鐘就到。一入到去，裝修好有格調，室內簡約又帶少少高級感，仲有個室外位好chill，但今日天氣凍，我都揀咗坐室內。食物方面，真係由頭到尾都充滿新鮮感。前菜先叫咗赤貝蘆筍配京蔥絲，好清新，赤貝嘅鮮味加埋蘆筍嘅爽脆，味道層次分明。另一個前菜係萵筍絲配蘿蔔蓉同三文魚子，用鰹魚湯底，湯底有種清甜回甘嘅感覺，好適合打開胃口。之後試咗焦糖南瓜，個外層焦糖脆到咬落有聲，中間嘅南瓜軟糯得嚟又唔會太甜，好似精緻版嘅拔絲地瓜，值得一讚！主菜方面，烤鰻魚真係必試，店員用炭燒鰻魚表皮，聞到嗰陣炭香味已經覺得正，鰻魚脂肪分佈均勻，入口即化。另外嘅和牛吉列三文治，肉味濃郁，口感嫩滑，簡直係靚到無朋友。甜品試咗芝士蛋糕同紅豆大福，芝士蛋糕滑到好似雪糕咁，紅豆大福Q彈香甜，一餐完美收尾。飲品方面Graff Pink同Crown of the Andes都好出色，前者有水果味加少少辣勁，後者嘅檸檬同奇異果味道清新，特別配赤貝前菜一流。